حقيقة العلاقة الزوجيه
حقيقة العلاقة الزوجيه
مقدمة :
الانسان لما يجي يتجوز دائما بيخطر علي باله ان هيبقي معاه انسانه جنبه وشريكه لحياته وان حياته هتبقي حاصل جمع… يعني بدل ما يشوف بعنين هيشوف بأربع عيون وبدل ما يفكر بعقل واحد هيفكر بعقلين وبدل ما يكون له حريه واحده هيكون له حرية أخري مضاعفه الي حريته وبدل ما يكون عنده طاقه واحده هيبقي عنده طاقه تانيه مضاعفه الي طاقته … فالإنسان بيتصور أن الزواج الأمثل هيبقي حاصل جمع.
لكن للأسف ان العلاقه الزوجيه حاصل طرح.
ليه العلاقه الزوجيه حاصل طرح؟!
هي دي بقي النقطه أو المدخل للمسألة كلها:
هذا الحلم اللي بيبتدي في أيام الخطوبه وشهر العسل ما يلبس أن يتحطم … علي ايه؟! …علي صخرة ايه؟!
بنشوف أنه ما تلبس العلاقة الا أن تتحول إلي … نزاع سلطه …
وتخشى الأنا في الموضوع…فنزاع السلطه بحكمه وطبيعته بيخلي العلاقه حاصلها ؛ حاصل طرح وليس حاصل جمع
فما يسمي حب في المنشتات والشعارات هو في حقيقته بيزاول في البيوت مش علي أنه حب ..ابدا..
العلاقه التي تزاول في البيوت ..في الأغلب .. حوالي ٩٠٪ من العلاقه الزوجيه ..هي صراع.
صراع علي السلطه ؛ ومين يحكم ؛ ومين يضع أيده علي الثاني ؛ ويستولي علي إرادة الثاني ؛ يستولي علي حرية الثاني ؛ يستولي علي انتباه الثاني ؛ لدرجه احيانا تكاد المرأه تبقي عايزه تشق دماغ الراجل وتعرف هو بيفكر في ايه..والعمليه عكسيه ايضا لأن الأثنين متهمين.. ده غير حكاية روحت فين وجيت منين والشك والغيرة.
ماهي هي حقيقة الغيرة في العلاقة الزوجيه؟!
الغيرة في الواقع هي اسلوب مقنع لوضع الرجل في الأسر.
المرأه بتدهور علي اسلوب شكله حلو ( بغير عليك ) لكن هي في الواقع عملية تكتيف للراجل ؛ وميبقاش قادر يتحرك لهنا ولا هناك ورحت فين وجيت منين وعملت ايه سويت ايه ؛ ويتحول البيت الي مخابرات
لكن !
ما هو الحل ؟! إزاي تنجح العلاقه الزوجيه؟!
لازم علشان يبقي الزواج ناجح ..لازم كل طرف يقبل التاني زي ما هو ؛ وده يستلزم تنازلات ؛ والتنازلات تستلزم قدر من النفس الخيرة والطيبه.انما لو كل طرف عايز الطرف الآخر هو اللي يتنازل عن كل حاجه؛ تكون النتيجه صراع سلطه؛ويبقي الجواز حاصل طرح مش حاصل جامع…فبدل كل واحد من الزوجين يحكم علي الثاني ؛ كل واحد يفهم الثاني.
التفاهم هو حجر الأساس في أي زواج ناجح، ويبدأ من احترام كل طرف لشخصية الآخر وأفكاره واختلافاته. فالاحترام المتبادل يخلق بيئة آمنة للحوار، ويمنع تحول الخلافات البسيطة إلى مشكلات معقدة. عندما يشعر الزوجان بالتقدير، يصبح من السهل تجاوز الصعوبات والتعامل مع الضغوط اليومية.
الختام:
الزواج ايه من ايات الله..
( ومن آياته أن خلق لكم من أنفسكم ازواجا لتسكنوا اليها وجعل بينكم مودة ورحمه إن في ذلك لآيات لقوم يتفكرون).
الي اللقاء في مقالات أخري أن شاء الله
