كلام فى الحب و الغرام
كلام فى الحب والغرام
عايزة تسمعى منى كلام
عن هوايا وشوقى ليكى
عن ودادى والهيام
اسمعينى ..
اسمعينى لما اقولك
اللى حاسه شئ جميل
شئ بيمحى المستحيل
شئ بيخلق فيا فرح
شئ بيشفى اى جرح
شئ يزيح الهم عنى
مهما كان همى تقيل
تانى عايزة تسمعينى
اسمعينى ..
اسمعينى لما اقولك
انتى روحى انتى قلبى
انتى عينى
انتى نور فوق جبينى
انتى صبح ليل طويـــــــــــــــــــــــــــــــــــــــل
انتى حظى من السنين
انتى حبى وإشتياقى
انتى عمرى اللى باقى
واللى عدى من سنينى
تانى يرجع فى التلاقى
تانى عايزة تسمعينى
اسمعينى …
اسمعينى لما اقولك
انا العاشق
انا العاشق لنور البدر فى جبينك
انا العاشق بديع صنعه فى تكوينك
ولو على الشوك حافى انا اجيلك
واغنيلك
بجبك فى جمال الروح
و طيف معايا فين ما بروح
ولو من الناس بقلبى جروح
حنان قلبك بيشفيها
حنان قلبك بيشفيها
بخاف منك
بخاف منك عشان ننك
بيسحرنى يا نن العين
اقول اهرب
لكن اهرب اروح على فين
وانتى ديما قدامى
فى كل مكان محوطانى
تجيلى حتى فى منامى
ولو صاحى اغمض عينى
القاكى فى نن العين
طب اهرب اروح على فين
بخاف منك عشان انك
بيقولوا عليكى جنية
وياما قلوب سحرتيها
وفى عيونك غرقت مراكبية
واخاف انى اكون منهم
اجرى واهرب تنادينى
واغمض عينى
القاكى فى نن العين
طب اهرب اروح على فين
ولو قولت انا مسلم
وقعدت معاكى اتكلم
تقولى كلام بيسحرنى
ونظرة عين بتاسرنى
وخاف انك تفوتينى
وتعمى من البكا عينى
اجرى و اهرب تنادينى
واغمض عينى القاكى فى نن العين
طب اهرب اروح على فين
: انا وانتـــــــــــــــــــــــــــــــــــــوا
انا اللى عمرى ما دقت جراح
و كانت حياتى براح فى براح
فى قربكم ياما شوفت جراح
وقلبى عمره معاكوا ما ارتاح
انا اللى اشتريتكم بعتونى
وقلبى كان طاير بيكم
و مكنش ظنه تفرقونى
وفى فرحى ياما استنتكم
لكن قلوبكم نسيونى
وفى حزنى قولت بلاش انتوا
و فى حزنكو ياما دعتونى
انا اللى فرحى كان بيكم
و فرحى ديما كان ليكم
طلعت فى الاخر انى
عمرى ما عرفت ارضيكم
وانا اللى عمرى ما دقت عذاب
وكنت فاكر انكوا احباب
فى قربكم ياما شوفت عذاب
وفرحكم كان ديما كداب
وهى دى حكايتى مع الاحباب
===================================================
ترقبوا اشياء جميلة فى المنشورات القادمة ان شاء الله
