عمرو السوليه لاعب الأهلي ومنتخب مصر

عمرو السوليه المتهم بهبوط المستوي

السوليه انتقل للأهلي في يناير ٢٠١٦ من الدوري الإماراتي

طوال ٦ سنوات و نصف

خاض ٢٥١ مباراه مع الأهلي بإجمالي عدد دقائق ٢٠٤٥٣
موزعين بين
٥ مباريات كأس العالم للأنديه 
٧٣ دوري أبطال أفريقيا
١٥٥ مباراه في الدوري الممتاز المصري 
٤ مباريات سوبر مصري
١٣ مباراه في كأس مصر 
سوبر أفريقي

اما مع المنتخب الوطني في اخر سنتين و نصف فخاض ٣٠ مباراه 
اي بمتوسط ١٢ مباراه في السنه

ليبلغ متوسط مباريات السوليه في ٣ مواسم الأخيره محلياً و دولياً  ٥٠ مباراه في الموسم

اللاعب المحلي الأعلي و الأكثر مشاركه و اجهاداً في الكره المصريه

لا يوجد لاعب مصري واحد يستطيع المشاركه بمتوسط ٥٠ مباراه في الموسم

دون فتره اعداد ..دون راحه سلبيه ..لثلاث او اربع مواسم متعاقبه

عمرو السوليه واحد من أهم اللاعيبين في الاهلي، وحاليا من أحسن  اللاعيبه في نص الملعب في أفريقيا، قدرات بدنيه عاليه، بيقدر يأدي الدورين الهجومي والدفاعي بكفائه عاليه وبنسب مش موجوده عند اي حد في مصر او في أفريقيا.

السوليه في أول مواسمه مع الاهلي كان عنده مشكله فالتحليق وعدم الضغط بعض الاوقات وده كان سبب في أهداف مؤثره مش هنكر، بس مستواه في اخر 3 سنوات تحديداً نضج وتطور بشكل كبير، وماتشات كتير تألق فيها وساهم ف أهداف مهمه وبقا رجل المواعيد الكبري، عشان يصبح اللاعب المصري الوحيد اللي سجل في 3 نهائيات متتالية في دوري أبطال أفريقيا..

السوليه شخصيته بقت مميزة وقوية وأصبح قائد بدون شارة في الفريق، بيعمل مجهود جبار في نص الملعب، بيأدي دوره الدفاعي، وبيعمل الزيادة الهجومية بشكل ممتاز، بيخلق فرص خطيرة في كل ماتش بيلعبه، الونج باص اللي بيكرره اكتر من مرة كل ماتش يُدرس، كل لمسه للكورة في رجله بتحس ان في خطورة وشكل للعب، من كتر روقانه في الملعب بيعمل الرابونا كأنه في ماتش خماسي وأسيسات خرافية مش متوقعه !

دوره كان كبير في تتويجنا بالبطولات اللي اتحققت أخر 3 سنين، وأصبح لا غني عنه في التشكيل الأساسي بسبب تأثيره واجتهاده داخل الملعب.

6 سنين من وجود أبو ليلي داخل جدارن القلعة الحمراء ومازال التاريخ يُكتب ..

عمرو السوليه مدير فني في أرض الملعب

عجبني جدًا تطور شخصية عمرو السوليه ك قائد للمنتخب
١-تعليمات طوال المباراة للاعبين
٢-الضغط علي الحكم و الحديث معه
٣-رفعت حاول يسدد ركلة الجزاء رفض السوليه و اداها لزيزو المنفذ الأول في غياب صلاح و افشه.

تكتيكًا اللاعب الوحيد في وسط الملعب اللي لعب كل المباريات أساسي مع كيروش ( ٦ رسمي و ١ ودي) لعب مركز ٦ و في وجود حمدي فتحي بيلعب ٨.

تمريراته الطوليه اكثر من ممتازة ، بيكمل جوه المنطقة و بيربط بين الخطوط ، بيرمي تمريرات حاسمة لزملائه ، و ليه دور مهم في استعادة الكرة التانيه و السيطرة علي وسط الملعب ، تقريبًا بيبصم علي كل كورة في الملعب

عمرو السوليه بقاله سنتين بيلعب مفيش راحه مبيقولش انا تعبت.. لاعب طول الوقت جعان كوره ويوصلك الجون بتمريره طويله بكل سهوله..

كلنا عارفين ان السوليه بيعيش حاليا اسوأ فتراته
و كلنا برضو عارفين ان السبب الأول في هبوط مستوى السوليه هو العامل البدني
ده واحد مريحش من ساعه كاس العالم للانديه و هو لاحم ماتشات مع الاهلي يخلص مع الاهلي يروح مع المنتخب يخلص مع المنتخب يرجع للأهلي
ده غير أن السوليه ملوش بديل في الاهلي أو في المنتخب
هو اللاعب الأول في مركز ٨ في مصر و ملوش بديل فا بالتالي اساسي مع الاهلي و المنتخب
و رغم كده محدش ينكر ان السوليه عمل شوط اول كويس جدا جدا بس الشوط التاني ظهر عليه التعب البدني و دي حاجه طبيعيه
فا بجد السوليه لازم يريح الفتره الجايه او يبقى ليه بديل منافس في مركزه
و يارب يرجع السوليه زي ما كان.

شخصية الأهلي ظاهره في عمرو السوليه .