مصائب قوم عند قوم فوائد
الكاتبة اية احمد الشبراوي
اكتر مقولة شايفة انها معبرة عن حاجات كتير بنعيشها وفنفس الوقت هي بتعتبر من اكتر الاجوبة المناسبة السليمة والمريحة على اسئلة بتدور في اذهان البعض منا الا وهي
مصائب قوم عند قوم فوائد
واللي لو فكرنا شوية في قصص كتير كنا جزء منها اننا فعلا كان بالنسبالنا عيوب اشخاص مستحيل انها تحتمل ولا تقبل تماما ولا يمكن انها تكون عادية بل كارثية كمان ولاقيت غيرنا اشخاص مختلفين في الظروف وطريقة التفكير وحتى طريقة تربيتهم مختلفة عننا وتقبلوا نفس الاشخاص دول بكل صدر رحب بدون اي انزعاج او حتى شافوها عيوب وحبوها بل وممكن جدا يكونوا شافوها مميزات فيهم وربما يكون مبرراتهم القوية في انهم يشبهوهم في نفس الخصال ذاتها ومن الممكن يكونوا شافوا الاسوء في الصفات وعلشان كده تقبلوها بدون اي رد فعل حاد
وكتير اوي ادينا راينا بالسلب على افكار استفزت مشاعرنا وشوفناها غير منطقية وعقلنا نفسه مستحملش فكرة انه يفكر فيها ولو دقيقة في حين ان غيرنا ناس كتير بيكونوا بيفضلوا جدا انهم يدولها مساحة كبيرة من تفكيرهم ومع ذلك هما مش سيئين بالمرة لهم الحرية الكاملة في التفكير كيفما شائوا
اهل المدن لو راحوا الارياف مش هيتقبلوا حاجات كتير واللي من اشهرها فكرة عدم الخصوصية والعفوية الزايدة وتعامل الرجال مع النساء اللي بيتميز بالمحافظة عليهم بشكل كلي وجزئي من ارتداء ملابس فضفاضة واتباع عاداتهم وتقاليدهم جميعها وممكن نسبة كبيرة جدا عينها تشوف بس المميزات وبس وتتغاضى عن العيوب وده طبعا بيرجع انهم يكونوا مستمتعين بالكرم والجو اللطيف المليء بالاشجار
حتى فكرة الجهل متغيرة من شخص لاخر فبنلاقي ان بعض الناس بيشوفوا الجهل هو جهل التعليم وبس ولكن في نسبة كبيرة بتشوف ان الجهل له علاقة اكتر بجهل التطور واخرين شايفين ان الجهل بان الناس اللي متبعة كل التقاليد القديمة الخاطئة زي كره انجاب الفتيات او ختان البنات او عدم الرغبة في تعليم البنات لانهم مصيرها الزواج والاب مش هيستفاد اي حاجة لو علمها
