فبراير العجيب .... حكاية اقصر شهر فى السنة
فبراير العجيب .... حكاية اقصر شهر فى السنة
الشهر الغريب ده أقصر شهر في السنة و عدد أيامه مش ثابت بيكون 28 يوم 3 سنوات متتالية و الرابعة بيبقى 29 يوم .
الناس بتحس انه أطول الشهور مش عارف ليه ؟
لغز فى الرياضيات اختبر معلوماتك
لكن إيه حكاية الشهر المحير ده ؟
السنة الميلادية تحدد عدد أيامها حسب دوران الأرض حول الشمس دورة كاملة و ده بيتم كل 365 يوم و 6 ساعات ، و كل 4 دورات بنجمع ال6 ساعات يكونوا 24 ساعة يعني يوم زيادة فتصبح أيام السنة 366 يوم . طيب ايه دخل شهر فبراير في الحركات دي ؟
قالك يا سيدي احنا نستضعف فبراير المسكين ده و نخلي النقص و الزيادة فيه هو ! ليه يا رجالة ؟
قال عشان جميع الشهور الميلادية مسمينها على أسماء آلهة و أباطرة إغريق و رومان و خلطة كده ما عدا فبراير محدش سمى عليه !
طيب متخلوه 29 في السنة البسيطة و 30 في السنة الكبيسة .
هو فعلا كان كده لكن النقص ده ليه حكاوة تانية عجيبة برضك .
الناس الكهنة و علماء الفلك في وقتها كانوا عاملين الشهور الفردية 31 يوم و الزوجية 30 يوم ،
و فبراير هو شهر 2 كان 30 يوم و يبقى 29 في السنة البسيطة لغاية ما غيروا اسم شهر 7
و سموه شهر يوليو على اسم خاله الامبراطور يوليوس قيصر و ده شهر فردي 31 يوم . و سموا شهر 8 على اسم عمه الامبراطور أغسطس .
لكن العم اغسطس لقي نفسه متسمي على شهر زوجي اللي هو من ابو 30 يوم قام متعصب عليهم و قال لازم الشهر بتاعي يبقى 31 يوم اتصرفوا ،
يوليوس مش اتخن مني . و راحوا الناس بتوع الشهور عملوا قعدة مع بعضيهم نتصرف ازاي في الورطة دي ؟؟؟
راح واحد فاطط من وسطيهم و قال احنا ناخد يوم من الشهر اليتيم اللي محدش بيسأل عليه فبراير و نزود بيه شهر اغسطس حار و نار في جتته .
لغز فى اللغة العربية اختبر معلوماتك
و من ساعتها اصبح فبراير بيلعب ما بين 28 يوم و 29 يوم .
و من بعد اغسطس ياجي سبتمبر المفروض شهر 9 فردي يكون 31 يوم لكن قالوا مينفعش يبقى 3 شهور ورا بعض 31 يوم احنا نعكس الترتيب و نخلي بعد اغسطس الشهور الفردية 9 و 11 يعني سبتمبر و نوفمبر 30 و الزوجية اكتوبر و ديسمبر 31
و امرنا إلى الله و حسبي الله و نعم الوكيل في اغسطس و يوليو عشان اللي عملوه في شهر فبراير الحزين . اللي سماه صديقي الاسكندراني أحمد الحلو ( شهر فقراير ) عشان شهر وش فقر .
و بعد كل اللي اتعمل فيه و البهدلة اللي اتبهدلها عملوا يوم من أيامه عيد الحب ، قال يعني بيصلحوا غلطهم
اهم المصادر والمراجع العربية والاجنبية
التقويم والتاريخ – د. أحمد شوقي الشافعي
علم التقاويم – د. محمود باشا الفلكي
التقويم وأصوله التاريخية – د. عبد الرحمن زكي
الزمن والتقويم عبر التاريخ – د. محمد بيومي مهران
موسوعة التاريخ الروماني – دار الفكر العربي
مدخل إلى علم الفلك والتقويم – د. حسين مؤنس
التقاويم عند الأمم القديمة – د. سليم حسن
The Oxford Companion to the Year
Roman Calendars – Agnes Kirsopp Michels
The Calendar: History, Structure, and Improvement – David Ewing Duncan
Calendars in Antiquity – Sacha Stern
The Twelve Caesars – Suetonius
Lives of the Noble Romans – Plutarch
