لية بنحس بالتوهان ؟
عمرك حسيت أنك واقف فى محطة والقطار عمال يعدي أدامك بس أنت مش عارف تركب أي واحد ، مش عارف رايح فين ولا حتي لو كنت ماشي فى الطري الصح .
“ أهلا بيكم في أول مقالة من سلسلة فضفضة ”
هنتكلم أنهاردة عن أحساس التيه اللي كلنا تقريبا مرينا بية فى حياتنا ، ليه بنحس أننا مش عارفين أحنا رايحين فين ؟ و إزاي نتعامل مع الأحساس دا ؟ . “ ليه بنحس بالتوهان ؟؟”
1- ضغط المجتمع والتوقعات :-
من و أحنا صغيرين ، المجتمع بيحط لينا طريق معين عشان نمشية :
“ زي أدخل مدرسة كويسة ، ذاكر ، أدخل كلية من كليات القمة ، أشتغل ، أتجوز ”
ومحدش بيسألنا إحنا فعلا عوزين أية ؟؟؟؟
كلنا بردة بنتأثر بالمقارنات : فلان ناجح في شغلة ، شفت فلان جاب مجموع كام ، فلان أتجوز خليك أنت أعد ، فلان عندة مشروع ناجح أنت عملت أيه فى حياتك لسه واقف زي ما أنت .
وأنت أصلا لسة مش عارف أنت عو إية !
2- الخوف من الفشل:-
ساعات كتير أحنا مش بنكون تايهين فعلا ، لكن " خايفين " أه خايفين نختار الطريق الغلط ، بنفضل واقفين مكانا ، عاشان خايفين نخد خطوه نندم عليها بعدين ، لكن الحقيقة التجربة دي هي اللي بتخلينا نفهم نفسنا أكتر والخطأ جزء طبيعي من الرحلة عشان كدا خد Risk وجرب ومش مهم لو فشلت حاول مره واتنين وعشرة أكيد هتنجح بس المهم تكون دي الحاجة اللي أنت عوزها .
3- نقص الشغف أو عدم معرفة النفس:-
في ناس حظها كويس بتعرف شغفها من بدري ، لكن أغلب الناس محتاجة تجرب حاجات كتير علشان بس تكتشف نفسها عشان كدا لازم ندي نفسنا فرصة نسأل نفسنا الأسئلة المهمه :
“ أنا بحب أية ؟؟ أية الحاجات اللي بعملها بحس إني مبسوط ؟؟”.
4- الضغوط والتشتت:-
التكنولوجيا دلوقتي خلت حياتنا أسرع ، كل يوم فية مليون حاجة بتحصل ودا بيخلينا نحس أننا لازم ننجز بسرعة ولو معملناش حاجة عظيمة يبقى إحنا فشلين ، الحل سعتها ؟ نهدي الدنيا إحنا شوية ، نركز على خطوات صغيرة بدل ما تحاول نعمل كل حاجة مرة وحدة الدنيا مش هتطير.
5- أزاي نتعامل مع إحساسنا بالتوهان :-
جرب حاجات جديدة: لو مش عارف أنت بتحب أية جرب أكتر حاجة شداك ، خد كورسات ، سافر ، أتعرف علي ناس مختلفة ، إلعب رياضة نفسك تلعبها .
والأهم من دا كلة إنك تتقبل فكرة إنك مش مضطر يكون عندك إجابة دلوقتي ، الحياة عبارة عن رحلة بنعشها فى اللي عرف هو عوز أية وفى اللي لسة وكل مرحلة وليها طريقها .
ركز على نفسك ، مش علي “ الناس “ المقارنات مش هتنتهي ، والناس مش هتبطل كلام إنت بس اللس هتقدر تحدد إية اللي ينسبك و يا سيدي ” كلام الناس لا بيقدم ولا بيأخر ” أبداء بخطوة صغيرة ، بدل ما تفكر في حياتك كلها ، ركز علي الشهر الجاي ولية الشهر الجاي ركز علي اللي في أيدك بس اللي هو أنهاردة شوف أنت تقدر تعمل إية أنهاردة وأعملة .
الخاتمة :-
فى النهايه يا عزيزي ، أحساس التوهان مش معناه إنك فاشل أو إنك مش ناجح كلنا بلا أي أستثناء مرنا بالمرحلة دي ، المهم إنك تبدأ فى أي أتجاة بدل ما أنت واقف مكانك ، هل مر عليكم الأحساس ده قبل كده ؟ إية أكتر حاجة ساعدتكم تتخطو الأحساس دا ؟ شاركوني فى التعليقات ودي كأنت فضفضتنا أنهاردة أستنوني فى اللي جاي من فضفضة.
