ازاي تختار مجال عملك

 

 ازاي اختار مجال العمل المناسب البعض يري هذا السؤال حاسم وخطيريؤثر بشكل كبير على حياتك المهنية والشخصية. وان هذا القرار يتطلب تفكيرًا عميقًا وتقييمًا دقيقًا لمجموعة من العوامل الشخصية والبيئية .لكن الافضل هو وضعه في حجم طبيعي من الاهميه دون المبالغة.لتجنب الوقوع في عقليه الضحيه عند الفشل لاقدر الله.و فيما يلي مجموعة من النصائح والخطوات التي يمكن أن تساعدك في اتخاذ القرار الأنسب لمستقبلك المهني:

1.الحذرمن الااهتمامات والشغف

من أهم العوامل التي تلعب دور كبير في اختياراتك لذا عليك الحذر من الشغف ومهم انك تعرف هو بيتكوين ازاي في النفسيه وهو ايه اصلا الشغف ده؟ الشغف هو هو التفضيل النفسي لشئ معين او شخص معين او مجال معين والخطوره بتكون في الطبيعه البشريه الي هتخترع مليون سبب  تبرر بيه الاختيار عشان يكون مقنع إن ده افضل مجال وافضل شخص وافضل شئ  في الدنيا  وبيتكون ازاي؟بيتكون في اللاوعي يعني تعرضك لمؤثرات مهنه معينه فضلت تتراكم جواك لحد ما خلقت الفضول الي بعد كده بيولد الشغف -هو مش البنكرياس هتتولد بيه مثلا-وده بيفسر برضو ليه شريحه كبيره بيكون شغفها الفن بجميع اشكال واللوانه .

طب ليه الحذر منه لانه مش اصيل جواك وممكن يتغير فجاه مع اول وجع دماغ يجي من وراه  وربنا سبحانه وتعالي بيقول (وعسي إن تكرهوا شئ وهو خير لكم وعسي أن تحبو شئ وهو شر لكم)  إذن بشويه تفكير نستنتج إن الشغف اكذوبه تم تسويقها بالعافيه عشان تخدير من يعمل ويفضل يعمل عند من لا يعمل لكن إذا تم توفير طاقه الشغف واستبدالها بطاقه تحمل المسئوليه والاتجاه للعمل الي بيكون في نفع حقيقي للبشر واستخدام العقل والذكاء في تقليل ضغطه وتحمل مايستطيع تحمله فقط دون إرهاق نفسه وجسده وتوفير وقته للتعلم والابتكار والتجديد  والتفاعل كإنسان مع باقي متطلبات الحياه هتكون النتيجه حتي لو لم يصل الي الغني تكون  شخصيه سويه ومتزنه قادره علي التكيف مع نسيج الحياه المتداخل يعني بيتفاعل مع المال بمنطق الستر وبيتفاعل مع الوظيفه بمنطق المسؤليه قدام ربنا وبيتعامل مع علاقاته  في الحياه والعمل بذكاء وهيتحول مع الوقت لشخصيه مؤثره وناضجه  ليها وزنها ورائد في المجال الي هو فيه ومع الوقت يتكون عندو شغف لكنه شغف انضج ومبني عن التجربه مش مجرد رغبه والاهم إنه بيحترف المجال وتفاصيله وخبره كمان في اداره ضغوطه.

2. تعلم مهارات ضروريه 

 1.الوعي انك تقدر تحدد وتشخص الموقف الي بتمر بيه وتحطه في حجمه دون مبالغه او تبسيط وانك تقدر تعمل ده بنعومه بدون صدام  وده له طريقتين واحده منهم مكلفه وهي التجربه  والصح والخطا والتانيه القراءه من بعيد للمواقف المختلفه وتفاعلات الناس فيها وإمكانياتها وقدراتهم كانك بتراقبهم ساعتها هيتكون عندك نوع الوعي الي انا اقصده والي لما يجي دورك في اداره او مسئوليه هتلاقي نفسك بتعملها ونت سايب ايدك لان عقلك هيكون شبعان داتا بيحتاجها في اتخاذ القرارات والترتيب والتخطيط

2.عدم الاستعباد وهي اقتناعك الشخصي  انك مش مملوك والتعامل بنديه ذكيه مع الي هيشغلوك ويكون عندك وعي كافي بحجم الشغل المطلوب منك وترفضه إذا لزم الامر لو لقيته مستحوذ عليك تماما مهما كسبت منه هتخسر حجات تانيه اهم وهي التطوير والمهارات الاجتماعيه والمهارات الاداريه 

3.عدم الاستغلال هتلاقي دائما في اي شغل جزء سهل وسالك وبسيط  وبيكسب  وجزء ملعبك ومحتاج مجهود وبيخسر وبعدين هتلاقي موظفين  حاجزين الجزء السهل ليهم وبيستغلو موظفين تانين شخصياتهم ضعيفه ووعيهم محدود وذكاءهم الاجتماعي صفر وحماسهم للشغل كبير وشغفهم بيه اكبر للشغل الملعبك مع الوقت دول بيكبرو ويلمعو ودول بيفضلو مكانهم ده الي اقصدو اوعي تكون من دول ولا من دول لان دول ظلمه ودول اغبيه لكن خلي ليك طريقك الخاص واختيارك الذكي واعمل ده بنعومه  وعدم صدام  ولو اتورطت في شغل ملعبك لقيتو هيستحوذ عليك ويضيع عليك فرص التطوير والوعي  قصر فيه لانو بيكون زي مصيده حد خايف من لمعانك  سجنك فيها عشان ماتعرفش تاخد اي فرصه نجاح

4. استكشاف الفرص المتاحة في سوق العمل

من الضروري أن تعرف ما هي الفرص المتاحة في السوق الحالي والمستقبلي. بعض المجالات قد تكون مشبعة أو قد لا تتمتع بنمو مستقبلي، بينما هناك مجالات أخرى تنمو بسرعة وتحتاج إلى كوادر جديدة باستمرار. يجب أن تتأكد من أن المجال الذي تختاره ليس فقط مناسبًا لك، بل أيضًا يوفر فرصًا للنمو والتطور.

5.عمل قيمه اساسيه

ما هي القيم التي تعتبرها أساسية في حياتك؟ هل تفضل العمل ضمن فريق أم تفضل العمل بمفردك؟ هل تحب بيئة عمل ديناميكية وسريعة التغيير أم تفضل بيئة هادئة ومستقرة؟ اختيار مجال عمل يتناسب مع قيمك الشخصية يمكن أن يكون مفتاح النجاح والرضا المهن

خلاصة:

اختيار مجال العمل المناسب هو عملية تحتاج إلى توازن بين شغفك الشخصي، مهاراتك، الفرص المتاحة في السوق، وقيمك الشخصية. باتباع هذه الخطوات، ستكون لديك رؤية أوضح لما يناسبك حقًا، وستتمكن من اتخاذ القرار الذي يحقق لك النجاح المهني