استراحة محارب: كيف تُعيد ترتيب عقلك وحياتك من جديد؟

 

استراحة محارب: كيف تُعيد ترتيب عقلك وحياتك من جديد؟

 

 

 

تعال نقعد نتكلم شوية:

تخيل معايا كده...الموبايل كل دقيقة يرن. أخبار، ترندات، تحديثات جديدة. دماغنا بقت زي الشارع المزحوم. وبين كل ده لازم تسأل نفسك سؤالين : هو أنا فين من كل ده؟ وإزاي أنجح من غير ما أضيع؟

بص، أنا حاولت كتير. واكتشفت إن مش آخر أبلكيشن نزل. أو آخر ترند أو غيره . الحاجة الوحيدة اللي هتسندك بجد هي دماغك. طريقة تفكيرك. 

الثقافة مش إنك تبقى عارف كل حاجة. الثقافة إنك تعرف اختيار الصح، وتفهم اللي بيحصل، وتقف على رجلك لما الدنيا تتلخبط. تعال نرتبها سوا. 

4 حاجات بسيطة. لو بدأت بيهم من النهاردة هتحس بالفرق.

 1. اقرا…

 بس اقرا صح. الكتب مش تحف في المكاتب.

 اسأل نفسك: "أنا محتاج لأيه في الوقت ده ؟" فمثلا: 

حاسس إنك مش فاهم الناس؟ اقرا كتاب علم نفس. هيريحك. 

الفلوس والشغل ملخبطينك؟ كتاب اقتصاد بسيط. هيفتحلك الدنيا.

 دماغك مقفلة؟ رواية حلوة هتفكها.

 القاعدة الأساسية: ما تطلعش من كتاب فاضي. خد منه فكرة واحدة بس وطبقها الاسبوع ده. غير كده يبقى بتضيع الوقت.

 الكتاب مش ورق... ده حد قاعد بيكلمك ومستنى ردك.

 

 2. رواقان المكان اللي انت فيه.

هتروق من جواك أنا جربتها بنفسي وانصدمت. المكتب المتكركب كان بيكركب دماغي. أول ما نضفته، حسيت إني بعرف فكرة تانيه.

 اعمل كده: 

● فضي أي كراكيب ملهاش لازمة شيلها

● فضي موبايلك ولابك: امسح اللي مش بتستخدمه. واعمل بلوك لأي صفحة بتجيبلك إحباط. التنضيف الرقمي ده نص العلاج.

 

 3. مشكلة “مش في الوقت…".

كلنا بنقول "مفيش وقت". الحقيقة؟ الوقت موجود. اللي ضايع هو طاقتنا في الأدوات الفاضية. جرب دول وهتدعيلي:

قاعدة 80/20: 

ركز على 20% من شغلك اللي بيجيب 80% من النتيجة. والباقي؟ فكك منه. 

اشتغل 25 دقيقة وريح 5:

 إسمها تقنية"البومودورو". ادي لمخك فرصة يتنفس لذلك ما يفصلش منك. 

 

4. اتعلم طول عمرك…

 الدنيا دلوقتي بتجري، واللي بيقف بيتاكل.اتحدى نفسك كل لحظه. اتعلم حاجة جديدة. لغة، طبخ، برمجة، تسويق، أي حاجة.مش لازم تبقى بروفيشنال. حاول واقع وحاول تاني لحد لما توصل لهدفك بشكل عام. وده مش فشل، ده دفعنا تمنه عشان نتعلم. كلنا وقعنا وقمنا واوصلنا لهدفنا.

  من الآخر محدش بيبقى ناجح في يوم وليلة. هي احتياجات صغيرة بتتعمل كل يوم: صفحة تقراها، مكتب تروقه، فيديو 10 دقايق تتعلم منه حاجة. وأوعى تنسى... أحسن فلوس هتصرفها هي اللي هتصرفها على نفسك. 

ونصيحه مني ليك حاول، واسعى، واجتهد . وبإذن الله هتوصل ودايما راقب الكلام اللي بتقوله لنفسك احنا أقسى نقاد على نفسنا. لو صاحبك غلط هتقوله "عادي نتعلم"، طب ما تقولها لنفسك؟ بدّل "أنا فاشل" بـ "أنا لسه بتعلم". الطريقة اللي بتكلم بيها نفسك هي اللي بتشكل مزاجك وقراراتك.  

ابدأ ومتستسلمش.