نصايح تخلي صيفك لعب واستفادة 2022

اغلبنا خلص امتحانات حاليا واول نصيحة ليك في الوقت دا انك تاخد استراحة محارب بحيث تعوض الضغط النفسي اللي اتعرضتله وكمية الايام اللي كان صعب عليك فيها انك تنام ودائما حاسس ان في حاجة ناقصة، خدلك يومين تفصل فيهم من كل دا بق عشان تبدأ اجازتك وتبدأ تنفذ الخطة الصغيرة اللي هقلك عليها.

مما لا شك فيه الحقيقة ان الاجازة للعب وخصوصا مع الولاد، ولكن حاليا بقينا في عصر السرعة فمش عيب انك تتبسط باجازتك على اد ما بق عيب انك متطورش من نفسك بشكل ما بحيث يريحك بعد كدا، وكل اللي هحتاجه منك ساعة في اليوم بس تعمل فيهم حاجة من اللي هقلك عليهم دول:

1) اتعلم لغة: 

دي تعتبر اهم حاجة تبدأ بيها في العصر دا اغلب الشركات دوقت مش بقت بس بتبص على انك بتعرف تتكلم انجليزي، لا دا بق يبصو انت بتعرف تتكلم ايه غير الانجليزي، وبكدا انك تتعلم انجليزي وتبقى ممتاز فيه مش اصبح اختياري او دا للناس المتفوقة بس، اصبح يعتبر حاليا مطلب اساسي ومش بس في الشركات الكبيرة بالعكس في الوظائف الصغيرة كمان بقت تتطلب انك تبقى عارف انجليزي كويس وعن تجربة شخصية كنت مقدم على وظيفة بجانب الدراسة كموظف خدمة عملاء او استقبال وفجأة ال HR بدأ يسالني بتعرف تتكلم لغات ايه غير العربية، فيعتبر دا مثال صغير بحيث تطور اللغة، مصادر بق تطوير اللغة كتير جدا اهمها ال YouTube بيحتوي على كمية من الفديوهات كبيرة جدا تقدر تساعدك في تطوير، وبرده انك تجيب كتاب مكتوب بالانجليزي وتبدأ تقرأه وتطلع منه الكلمات الجديدة وتحفظها وتعود نفسك على الكلام والجمل بيتقالو ازاي دا هيبقى ممتاز جدا، دا غير طبعا الافلام والمسلسلات هتعودك ازاي تنطق بطريقة سليمة.

2) برامج adobe الخاصة بتعديل الصور والفديوهات:

لمن لا يعرف برامج Adobe فهي ] [ photoshop, premiere, after effect, lightroom, InDesign,.. etc. والبرامج دي مهمة جدا في مجال motion graphics والسوق بيحتاج جدا للنوع دا من ال free lancer، فلو نجحت انك تتعلم حاجات منهم في فترة الصيف انت هتبقى انجزن شوط كبير جدا هتحتاجه بعدين سواء لزيادة دخلك او في حياتك العملية عموما، وفي كذا مصدر تتعلم منه سواء كان من غديوهات ال YouTube  او كورس خارجي ودا هيسهل عليك جدا التعليم لانك بتاخد خبرة شخص اشتغل فيها لمدة طويلة كفاية بحيث يقدر يساعدك.

 3) كورسات عن طريق الانترنت مجانية بالكامل:

التعليم اصبح في الوقت اللي احنا فيه سهل جدا، وتقدر تلاقيه بسهولة على الانترنت في مواقع مثل egFWD ودي خدمة ممنوحة من خلال المعهد القومي للاتصالات تقدر تتعلم من عليها كورسات كتير جدا زي data analysis, web development, basics of CCNA  وكل الحاجات دي مجانية بالكامل دي فرصة كبيرة جدا انك تطور نفسك في مجال ما او حتى لو مش عارف ايه المجال اللي انت حابه فتقدر تاخد حاجات صغيرة منه وتشوف هل انت هتهتم باللي بيقدمه الكورس ولا لا، ومش لازم بس الموقع دا في كذا حاجة بتنزل for free فمن الاخر مش هتغلب انك تلاقي حاجة تقدر تتعلمها.

4) برامج Microsoft :

تقريبا دي الحاجة اللي الكل اجمع على اهميتها وقبل اللغة كمان انك تعرف تستخدم برامج Microsoft زي [word, excel, power point…etc.], اي حاجة في سوق العمل هتحتاج تستخدم على الاقل برنامج او اتنين من البرامج دي وعشان كدا دي يعتبر من اساسيات التعلم لو انت مش متعلمها ومش محتاجو كورس خارجي، ممكن فديوهات من You Tube تأدي الغرض.

ملحوظة مهمة جدا:

الحاجات دي صعب تتعلمها في اجازة واحدة لا اتبسط بالاجازة والعب زي مانت عاوز واختار حاجة من دول خصصلها ساعة او اتنين من يومك تتعلمها، وواحدة واحدة هتبدأ تكتسب خبرات ومعلومات تخليك افضل وليك فرصة اكبر لما تتخرج تلاقي شغل، ولازم تبقى عارف ان في ناس كتير بدأت الموضوع دا وفي سن صغير كمان وبق في توعية كبيرة جدا للموضوع دا في مصر وخصوصا في الطبقات فوق المتوسطة بحيث الاباء والامهات من مهندسين ودكاترة بدأوا يعلموا اولادهم لغات مش بس انجليزي دا كمان بق الالماني والفرنساوي، فنصيحة لو حابب تطور من نفسك ابدأ لان بعد كدا هيبقى صعب وفي اجيال جاية متربية على التعليم الذاتي ومتطورة نفسها وهم دول اللي هينجحوا بعد كدا فعشان تحافظ على فرصك لازم تبدأ.