في حبي ليكي حياة
ليا في حبي ليكي حياة ف ماتسيبيش و تمشي
يا نسمة دافية في الغروب مستني دفاكي يمحي
كل برد حاط بقلبي خلاه يغيب عن وعيه بيكي
انتي قمر في كوكب عايش فيه لواحدي و شمسه انتي
بدون انفاسك في الحياة دي موجوده معايا صعب اعيشها
ولا لحظة بعيده عني صورتك موجده في عقلي و ليها
سبب كبير في وجودي لسه عايش ماهو انتي فيها
طوق نجاتي في بحر موجه عالي قادر يبيد بلاد
قبلك و بعدك ماليش ملاقيش غيرك يا اكسجيني
ممر نورك بانلي وسط عتمه عايش فيه سنيني
ماضيا ماحي فيه كل شئ عرفته قبلك
حب قبلك ماكانش حب لما جات عينك في عيني
عاشق مش بس حابب مافيش وصف ليكي اقوله
وصفي ليكي قليل لو فضلت الليل بطوله
معايا او كنتي مش موجوده صعب حد قلبي ينوله
غيرك انتي دا اللي زيك مافيش حد يطوله
انتي بس اللي اتمني قلبي ينولها و تفضل جمبه
زيه زي ابن متعلق بحضن امه من صغر سنه
حابب يعيش و تفضل عايشه دايمة جمب منه
لو مرت سنين فوق سنين يفضل متعلق كأنه
الزمن يفضله واقف ساكن عند اللحظة ديا
مش عاوز الوقت يمشي ثانية لو هايدفع له دية
مش طالب حاجات كتير انا بس عاوز قلبك ليا
لو وصلت ليه خلاص مش عاوز حاجة تانية
كفرت بكل حب قبلك و آمنت بس بحبك
اتغرز في روحي روحك ماهي جزء منك
صعب جزء زي روحك اسيبه يروح مني كأنك
بئينا شخص واحد انتي مني و انا بردو منك
زينتي كل لحظة عايشها و بتمني انك تكوني
اللي عاوز اكمل بائي عمري و هي جمب مني
عايش بس عشان اعمل اي حاجة توصلني ليكي
لو هاضحي بعمري عشان يفضل في قلبك مكاني
انتي .. انتي بس اللي شالك قلبي و اتمناكي
انتي .. انتي حور م الجنة جاتني م الفرحة قلبي باكي
دموعي تنزل مني حبا في الحياة وياكي
اعرفي اني مش بحب غيرك حاسس معاكي
اني لسه حي قلبي نبضه ليكي انتي بس
ايوة كان قرب يموت النجدة جاتني منك بعد عجز
ماستغربتش حب جاني بعد ما قلبي حس
بالبرود دا كان بائيله يوم و يبئا مش لإنس
غيرتي فيا كتير غيرتي ايوة بالتدريج
دنيا كانت ايوة عتمه من سوادها اتعميت
بس ……. ليكي اتشديت
ادفع نص عمري و تبئي زوجة و بيت
و النص البائي ليكي بيكي اكمل عمري عشان شاريكي
معاكي مش هاكون في عوزة لشئ بعديكي
اترميت في حضنك قولتي مش هاتسيبي تبتي
دا اللي فاضل ليا ام اخت و كمان حبيبتي انتي
مجنون لو في يوم فكرت اني اتخلي عنك
يا بحر عشق موجة عالي غرقني فيه بحبك
حبي ليكي زي ڤيروس و انا اتصابت بيه
مش عاوز اخف منه لا دا في دمي ماشي فيه
حضن دافي ماتوجدش غير بتعب اصله شافي
حضن كافي يمحي كل حزن خلي الدمع دامي
ليكي بيكي فيكي عايش لا مش هابعد ابئا جاني
دا انتي كل حاجة بعترف في حبك اني اناني
ماتقوليش انك انتي حمل و هلكتي كل طاقتي
لو كنتي حمل فعلا ماكانش قلبي حبك وقتي
كل لحظه تمر و انتي بعيدة تمر سنة
كل ساعة و انتي جمبي تمر زي نفخ هوا
حبك ليا دنيا تانية بيزيد في قلبي كل ثانية
بسأل نفسي دايما هو فعلا كات نفسي فانية
اصل كات دايما تتعلق بناس ميول قلوبها زايفة
لكن لما جيتي روحي خلاص ماعادتش خايفة
لو لفيت مليون طريق عشان اقابل حد زيك
زيك انا ملائيش ايوة اكيد مفيش في طيبتك
حضن دافي ماتوجدش غير بتعب اصله شافي
حضن كافي يمحي كل حزن خلي المدع دامي
و ان مدحت حبك فلا يكفيني اربعة عقود
و ان نظرت في عينك وجدت بها دفئ الغروب
فلا يطيق ضيق كوكبي مدي حبي
لا يسعه سوا جنة عرضها سماوات و ارض قد خلقها ربي
مجنون لو في يوم فكرت اني اتخلي عنك
يا بحر عشق موجة عالي غرقني فيه بحبك
حبي ليكي زي ڤيروس و انا اتصابت بيه
مش عاوز اخف منه لا دا في دمي ماشي فيه
محمد عبد الظاهر
