الغردقه دره تاج السياحه المصريه

الغردقة واحدة من أشهر المدن السياحية في العالم بتضم سلسلة من أفخم و أرقى العلامات الفندقية العالمية بيزورها سنويا ٥ مليون سائح من ١١٤ جنسية

تم وضع مخطط لتطوير منطقة الغردقة بالكامل لاستغلال شواطئها و جزرها الطبيعية افضل استغلال لمضاعفة عدد السائحين للمنطقة و تحويل منطقة الغردقة لمدينة عالمية مش مجرد مقصد للسياحة الشاطئية من خلال إنشاء عدة مدن جديدة منها

مدينة ريفيرا سهل حشيش و مدينة الغردقة الجديدة و منتجعات طويلة و مكادي و غيرهم

•منطقة سهل حشيش مقرر ليها ان يتم تحويلها الى مدينة متكاملة على ١٤ الف فدان فيها دار أوبرا و مركز مؤتمرات عالمي و خط ترام سريع و مدينة ملاهي و منطقة للسفاري و سلسلة منتجعات فاخرة و جامعة عالمية و أكبر لاجون على البحر الأحمر و حي سكني "فينيسيا" مطابق لمدينة البندقية الإيطالية

•منتجع طويلة :
ده منتجع سياحي فاخر جاري تنفيذه داخل إحدى جزر البحر الأحمر "جزيرة طويلة" وده بيضم فندق خمس نجوم هتديره واحدة من أشهر العلامات الفندقية في العالم ، و وحدات فندقية داخل البحر و دار سينما و مطعم و صالات رياضية و مرسى يخوت و أماكن للغوص و مهابط هيليكوبتر و محطات طاقة شمسية وغيره المنتجع افتتاحه خلال شهور قليلة و هيكون بداية لتنفيذ عشرات المنتجعات المماثلة على جزيرة طويلة و باقي الجزر المحيطة

•مدينة الغردقة الجديدة جاري حاليا الانتهاء من مخططاتها بالتعاون مع كبرى بيوت التصميم الحضري في العالم هتضم سلسلة من الأبراج و الناطحات و هتكون علمين مصر على البحر الأحمر

•ميناء سفاجا الكبير 
ميناء سفاجا دلوقتي جاري تطويره و توسعته عشان يكون البوابة البحرية الرئيسية للمشروع الجديد بيشمل المشروع إنشاء محطة جديدة متعددة الأغراض على مساحة ٨١٠ الف م٢ بعمق ١٧م بطاقة استيعاب ٢ مليون حاوية جديدة ما يمثل ٧ مليون طن و المحطة القديمة بيتعمل لها رصيف جديد و ساحة انتظار و مخازن لوجيستية ده بخلاف ازالة مناطق سكنية عشوائية كاملة و ضم اراضيها للميناء و تغيير اسمه الى "ميناء سفاجا الكبير" و انشاء حي سكني حضاري جديد لتعويض الأهالي و تزويده بميناء صيد عالمي مزود بكافة الخدمات اللي يحتاجها الأهالي من ثلاجات و مطاعم و مناطق لوجيستي

•محطة قطارات الغردقة السريعة : المشاريع الجديدة هيمر عليها الخط الثالث من قطار مصر السريع في ٣ محطات رئيسية بإجمالي ٦ قطارات بسرعة ٢٥٠ كم|س و ١٢ قطار بسرعة ١٦٠ كم|س : محطة سفاجا - محطة ريفيرا سهل حشيش - محطة الغردقة

بتسعى مصر انها تخلق أكتر من مقصد سياحي عالمي ان كان في الغردقة و جزرها الطبيعية أو في العلمين و راس الحكمة و شواطئها الفيروزية