أنت تمتلك الصبر

😀🔹️ فيك خير 🔹️😀

أنت تمتلك الصبر حتماً.والصبر فيه الفلاح بالتأكيد.
🔸️كل واحد فينا يمتلك فى نفسه الشيء وعكسه ،
جوانا الخير والشر .
بسم الله الرحمن الرحيم 👇
(ونفس وما سواها ،فألهمها فجورها وتقواها ،قد أفلح من زكاها ،وقد خاب من دساها )
  وهنا قدم الفجور على التقوى ذلك يرجع إلى كون الشهوات غالبة على كثير من النفوس التي حُببت إليها الشهوات، وهي مبعث الفجور، ويقابله التقوى فهي لا تتأتَّى إلا بالمجاهدة وترويض النفس، 
وجاء ب قد افلح اولاً، قبل وقد خاب ، لان الفلاح فيه رضى الله وفيه النجاة .
والله أعلم .

🔸️كل واحد فينا يمتلك الشيء ونقيضه .
بس القصة انك تسمح لمين فيهم يسيطر عليك بعد مجاهدة نفسك.
نمتلك الصبر وعدم الصبر احيانا .
الرضا وعدم الرضا .
السعادة والحزن .
الأمل والإحباط  .
العزيمة واليأس  .
الإيجابية والسلبية 
النشاط والكسل .
...............الخ .
🔸️شوف انت سامح لمين فيهم يسيطر عليك .👇
الصبر قرار .
والرضا قرار .
والسعادة قرار
والأمل قرار .
والنشاط قرار .
والنجاح قرار .
وعكسهم قرار برضو .

🔸️يوم وفاة والدى حسيت ان فعلا خلاص الدنيا خلصت كدا بالنسبه لى(اتكسرت) وحسيت ان جاية ايام صعبة جدا من غيره .
يومها  شفت رؤية.
شفت والدى وهو ميت وكأنه حى وانا ببصله وحزينه جدا كأنى بقله إنى كل حاجة حلوة خلصت .لقيت أبويا رفع ايده بيشاور لى إلى الله .

انا كنت لابسه فى الرؤيا لبس غير لائق بيا من ناحية النظافة .
خلعت اللبس دا لقيتنى لابسه تحته عباية بيضاء جميلة جدا .واللبس الجميل  دا انا فعلا امتلكه فى الحقيقة .
صحيت قلت لنفسي أبويا بيفكرنى بإن الله باقى هو السند .

أما عن حزنى على ابى فدا طبيعى لانى بشر .
وقلت لنفسي اللبس الجميل دا الصبر والتانى عدم الصبر والله أعلم  .
انا كنت لابسه الاتنين فوق بعض المتسخ والجميل .
وأنا قررت اخلع المتسخ (عدم الصبر) 
والجميل انا امتلكه فى الحقيقة اذن انا أمتلك الصبر .
و كلمت ربنا ساعتها كلام  يارب ممكن ترحم أبويا لما أنا أصبر .

🔸️وقررت أنفذ وأعلم الناس آية فى الصبر ونيتى ان ربنا يرحم أبى بيا .
خلعت الأسود فى جنازة أبى وبدلته بلبس كان لونه بنى ....ودا كان رابع  يوم  . استنيت التلات ايام إللى حددهم ربنا للحداد على الميت وبعد كدا لا يحل. 
وكنت فعلاً حاسةإن ربنا تقبل منى ان يرحم أبى .وكنت حاسة بأبى فرحان بيا .والاحساس دا عملى طمأنينة .

وان كانت نظرة بعض الناس ليا انى اتفهمت خطأ انه قلبى تقيل فى موت أبى .بس مش مهم خالص .الأهم انى بلغت آيه بموقف عملى ،
وعلمت الناس وقتها كيف يكون الصبر فعلياً.الله يجعلها خالصه لله .
وارجو من الله ان يتقبل أبى فيمن عنده .

🔸️وطبعا لا يصح اننا نبنى أحكام بالأحلام او الرؤى .
قد أصيب وقد أخطئ كلها اجتهادات .
من يوم ما قررت الصبر وانا حاسة انى أبى فى مشوار صغير وشوية وهنشوفه تانى .وحساه معايا ديماً لدرجة انى مش بيوحشنى .انا حاسه انى شفته من خمس دقايق وراح المشوار .

🔸️كل الكلام دا ليه لانى ملاحظة الايام دى البوستات إللى على موت الاب والام وكمية السلبية إللى جوا البوستات دى أكيد سلبت من أصحابها طاقتهم النفسية .

🔸️اللهم إرحم أبى وارزقه الفردوس الأعلى من الجنة وموتى المسلمين.....فضلاً قول آمين .

🔸️إشحنوا طاقتكم النفسية بالتوكل على الله ،علشان تقدروا تواصلوا حياتكم صح.الدنيا مهما طالت  قليله والعوض الجميل فى الجنة ،
هنا دنيا . 
كلنا نجاهد نفسنا ونقرر نفتش على كل الخير إللى جوانا .كل الخير  

دمتم موفقين لما يحبه ويرضاه🤲

صلى على الحبيب تسعد 😀
للعلا إستغفر👍