العطاء والإفراط فيه
🔹️الإفراط فى العطاء🔹️
👌️الإفراط مفسدة كل شيئ
أى شيئ نُفرط فيه يتحول إلى عكس المراد.
داشيئ بديهي (إللى يزيد عن الحد ينقلب للضد)
🔸️ونتكلم بالتحديد عن الإفراط فى العطاء للأبناء.
👌أولاً (و لنفسك عليك حق) فى أى علاقة مع أى حد .
لازم ما تيجى على نفسك بصورة تؤذى بها نفسك وتهدر بها حقوقك .
لازم أعرف إنى( ليا حق على نفسي ما أتعبني)علشان أعرف أكمل علاقة سليمة إيجابية نافعة ليا وللطرف الآخر.وإحنا هنا بنتكلم فى الإفراط فقط .
والكلام دا مش دعوة للأنانية ،لا بالعكس دا علشان نعرف نكمل فى أى علاقة وتبقى علاقة مليانه طاقة حب وإهتمام من الطرفين .
لما أعلم أولادى من وهم صغار إنى دايماً ماليش حق فى أى حاجة ودايماً (خذها أنت الأولى ) تكبر معاهم فكرة إن الوالد مالوش حق يأخذ (وتكبر معاه فكرة أنا الأولى) .
يعنى الأم إللى تحط الأكل وتتفانى فى العطاء معاهم وتعطيهم نصيبها من الأكل يوزعوه على بعض (دا جهل تربوى).
هى هنا بتغذيهم أنانية 👎.
❤علميهم ذى ما علمنا سيدنا النبى .👇
(طعام الإثنين يكفى الأربعة، وطعام الأربعة يكفى الثمانية ).
علميهم إن بركة الطعام مش فى الكمية .
والأم إللى تعبانه وبتتحرك بالعافية وتقوم تحط الأكل والعيال قاعدين .علميهم يقوموا هم، ويهتموا بيكى فى مرضك،
هيكبروا وتكبر الفكرة معاهم مش هيشلوكى فى مرضك بعد ما تكبرى.
🔸️دار المسنين .
أعتقد إن نسبة كبيرة منهم وصلوا للدار دى بسبب العطاء المفرط .
علموا عيالهم فكرة إنهم مالهمش حق وإن العيال دايماً هم الأولى.
كبرت العيال والفكرة كبرت معاهم ،كان زمان الوالدين مالهمش فى الحاجة الصغيرة ذى الاكل ،الملبس أهم حاجة يلبسوا هم وياكلوا هم .
لما كبروا كبرت الفكرة مع تغير الإحتياجات، انى مالهمش حق فى السكن
(أنا الأولى ).
ودا لايعفى الأبناء من الذنب(دا عقوق ) إحنا بنتكلم فى مشكلة تربوية وإيه حلها .
أنا عارفة إن الامهات مستعده حتى تعطي أولادها عنيها .
بس لله خليكى أمينة على ما إسترعاك الله .علميهم ما ينفعهم .
إفراط يعنى ضياع المبادئ ودا أكبر ضرر ليهم .
لو مش قادرة تغيرى طبعك ،أرجوكى لله تظاهرى بالتوازن فى العطاء
علشان يتعلموا القيمة ويوصلوا لبر الأمان .
👌وعلشان نفسك أولاً تلاقى الراحة والإهتمام فتسعدى .
دمتم أسرة آمنة وبصحة نفسية جيدة 🤲🌹
د/أيمان جمال😍
إستشارى نفسي وأسرى
ومدرب دولى معتمد
صلى على الحبيب تسعد😀
للعلا إستغفر 👍
