كيفية تفريغ الشعور السلبى
🔹️كيفية التخلص من الشعور السلبى تماماً.🔹️
🔹️الحل إنك تواجه شعورك 🔹️
🔸️حاسس بقلق ،خوف ، وعايز تهرب من الشعور دا لأنه ارهقك .
اوعى تتناسى وتتجاهل شعورك وتعمل نفسك انه مش فارق معاك وتقول لنفسك انا خلاص متفائل والشعور جواك متخزن لسه فى العقل الباطن.
👌علشان كدا بتحصل الكوابيس، أقلك دا أضغاث أحلام من العقل الباطن تقول لاااا والله مش بفكر فى الموضوع دا ولا على بالى .
دا بقى من الحاجات والشعور إللى متخزن فى العقل الباطن إللى لسه متخزن وانت مش حاسس.
🔸️الحل انك تعمل تفريغ للشعور السلبى .
أولا...... لازم تواجه الشعور تعترف انك فى الشعور دا وتسميه
(انا خايف )
(أنا قلقان ) .
ثانيا ......شوف مسببات الشعور
خايف من ايه ؟
قلقان من ايه؟
يعنى اى شعور هتسميه و تعرف المسبب له ايه.
خايف وقلقان مثلا من الفشل من تقلبات المستقبل .
أيوة لحد هنا تمام👍المستقبل مخوفك فى ايه ؟
الغلاء والبلاء وممكن الحياة تبقى صعبه بالنسبة لى وممكن أضيع انا وعيالى ؟
بس كدا .......
ثالثاً......هتشوف الشعور دا عاملك ايه سبب لك ايه 👇مثلا
(إحباط ،احساس بالفشل،توتر،عدم راحة نفسية،فقدت سلامك الداخلى،يأس ،حزن .....إلخ بالتفصيل )
رابعاً........ شوف لو إستمريت وتماديت فى الشعور دا هيعملك إيه ؟
جاوب نفسك 👇.
دا ممكن يزود حالة الإحباط ويخلينى مكتئب ومش هعرف اركز فى حاجة انا بعملها واكيد هفشل فعلا .
ايوة يعنى انت هنا اعترفت ان القلق ضباب بيغمى عينك ويقيدك عن اى إنجاز وأى تطوير فى حياتك .
خامساً ......تقبل نفسك وتقبل قلقك دا لأنك انسان(خلق الإنسان ضعيفا) عادى تقلق وعادى تحزن وعادى تخاف .انت كدا طبيعى.
سادساً....... بعد ما عرفت انك طبيعى تخيل ممكن يكون فى ناحية إيجابية ممكن تستفاد منها بالشعور السلبى دا (الخوف والقلق)؟؟
ايوة طبعا احساسى بالخوف هيخلينى حذر من انى أقع فى الخطأ وقلقى على المستقبل هيخلينى أسعى اكتر واخطط ابقى احسن .
لحد هنا انت مية مية 👍
👌وأخيراً 👇
بعد كل الخطوات إللى عدت دى كلها تعالى نشوف آخر مرحله وهى التخلص إن شاء الله التام من الشعور السلبى دا .
بسؤال هسألهولك فكرتك واعتقادك عن ربك إيه؟؟؟
تفتكر إن ربنا ( السلام) قادر يلقى على قلبك السلام وتطمئن بوصالك بيه؟
تفتكر ان ربنا حنان ومنان وقادر يرضيك ويسترك ويجبر خاطرك ويعطيك فوق ما تتمنى من كل ما تتمنى فى الوقت الحاضر وفى المستقبل .
طبعاً قادر بوعد منه (إنى عند حسن ظن عبدى بى )يعنى لو ظنيت فى ربنا الخير هتلاقى الخير .
اذن انت أثبت لنفسك انك تاعب نفسك على الفاضى وعلى أمور بإيد ربنا وعرفت انك معاك الضمان من المتحكم القادر انه مش هيضيعك .. .
👌فلترح عقلك وقلبك وتطمئن .
اللهم لا تشغلنا بما تكلفت به عنا 🤲
كل إللى تاعب نفسيتك مسؤليه ربنا مش مسؤليتك.....مسؤليتك تسعى بس والباقى على الله إطمئن حتى لو ظروفك صعبة.
الله الحكيم القادر ، قادر يرضيك حتى لو الظروف بتقول عكس كدا يغير الحال فى طرفة عين وقبل طرفتها قادر يغير الحال بس احنا نرضى ونثق فى الله ونتفائل 😃👏👏👏 .
دمتم فى أمان الله وستره وكنفه 🤲
اللهم سهم خيرصائباً للقلوب 🤲
تحياتى للجميع د/ايمان جمال 😍
إستشارى نفسي وأسرى
ومدرب دولى معتمد.
صل على الحبيب تسعد 😃
للعلا إستغفر 👍
