مراجعة فيلم the martion

مرجعة لفيلم   the martion 

بطولة مات ديمون واخراج ريدلى سكوت 
دايما هيبقى فى سؤال لاى حد متابع ل الافلام هيسالة لنفسة بعد ما شاف فيلم انترستلر  وجرافيتى اللى خد  7 اوسكار  فى فيلمين من افضل افلام الفضاء فى الخمس سنين اللى فاتت ايه الجديد ايه الجديد فى فيلم  تانى عن الفضاء اية اللى هيقدمة ريدلى سكوت تانى بعد بعض الاخفاقات اللى قدمها 

ريدلى سكوت مخرج فيلم المصارع وفيلم مملكة السماء قرر يحول رواية  المريخى  للكاتب اندى وير لفيلم  ؛ ومن تريلير الفيلم هتعرف ان الفيلم  قصة محاولة للبقاء على قيد الحياه  وهنا برضة هنسال نفس السؤال ؛ اية الجديد ف الفكرة دى وهى اتقدمت كتير اوى قبل كدة ؛

 فى فيلم متقن اسمة cast away بطولة توم هانكس واخراج روبرت زيمكس قدم نفس الفكرة واحد  بعيش حياة كاملة على جزيرة مهجورة لوحدة  لغاية مابيتم انقاذه بالصادفة بعد سنوات .

ولان سؤال زى ده اكيد واجه  ريدلى سكوت  فكانت الاجابة علية فى اول عشر دقائق فى الفيلم 
الفيلم بيبداء بفريق من ناسا بيقوم بمهمة على المريخ  بتحدث عاصفة فبتلغى المهمة وبيعودوا ل الارض لكن بيصاب احد افراد الفريق (مات ديمون ) اللى الفريق بيعتقد انة  مات  فبيغادرو المريخ 

وهنا بتبداء احداث الفيلم الممتعة مات ديمون بيكتشف ان الفريق بتاعة غادر المريخ من غيره وهو اصبح وحيد على المريخ وانقطع اتصالة تماما بالارض على كوكب تانى مفيهوش اكسجين مفيهوش مياة كل اللى فية ملجا البعثه  ؛

 وبيشرح مات ديمون فى تسجيل علشان يوثق اللحظة  ا ن حتى لو فى بعثة هتنقذه من الارض مش هتوصله  الا بعد اربع سنين وكل الطعام اللى موجود فى الملجا يكفى  ل 31 يوم بس ولو حدث عطل ل اجهزة  الاكسجين او المياة  طبعا هيموت ولو محصلش فالطعام هيخلص ؛ لكن مات بيرفض الاستسلام ولانة عالم نباتات ورائد فضاء فبيبتكر حلول زكية  يفكر انه يستغل كل اللى اتعلمة علشان يستمر على قيد الحياة ويسخر كل حاجة موجوده للهدف ده ؛ 

وكمان بيحاول ان يكتشف اى طريقة للتواصل مع ناسا وبينجح ؛ وبنوصل للجزء التانى للفيلم وهو معرفة ناسا بان الرائد بتاعهم لسة عايش ؛ 

وازاى بيقرروا انهم ينقذوا حياته ويرجعوا الارض ؛ واحد من النقاد قال تصريح  كوميدى وهو كم من المليارات دفعتها الولايات المتحدة لانقاذ مات  المفقود دائما  ؛ انا عن نفسى هرشح مات ديمون بعد الفيلم دة لاوسكار افضل مفقود .

طبعا عملية ارجاع مات ل الارض عملية معقدة جدا  وشبة مستحلية بتحصل فيها احداث كارثية بتخليك بجد بتقعد على اطراف كرسيك لكنها بتتم وبيرجع مات  للأرض تانى .

الفيلم  كنت متوقع انه يبقى ممل لان كنت متوقع ان اكيد  كان هيبقى فيه فترات طويلة لمات ديمون لوحده وده كنت فاكر هيبقى ممل  لكن اللى حصل العكس تماما  ؛ لا ن الحلول اللى كان بيحاول مات انه يقدمها علشان يحاول انه  يستغل المكان علشان يقدر يوفر طعام وطاقة ومياة كانت ممتعة جدا  ؛

 كمان الفيلم فيه كوميديا خفيفة  يعنى مش بيقدم ماساة اغريقية  ؛ كمان الفيلم قدر ينجا من الفخ اللى وقع فيه فيلم انترستلر وانة مقدمش نظريات فيزيائية صعبة  عسيرة على الفهم تفسد متعة الفيلم ؛ لابرغم بعض التفاصيل المعقدة واللى تناولها كان منطقى الا ان دة لم يفسد متعة الفيلم  ؛  

  المؤثرات بتاعة الفيلم كانت عادية يعنى مانبهرتش زى ما انبهرت فى فيلم جرافيتى  ؛ مشاهد المريخ اتصورت فى منطقة وادى رم بالاردن ؛  

اداء مات ديمون كان جيد وكان افضل فى الجانب الكوميدى ؛ واخراج ريدلى سكوت قدر ان  يقدم فيلم هو كان عارف اوى عايز منة اية ونجح  بامتياز انه ميحطش نفسة فى مقارنة  مع الفيلمين الافضل  انتر ستلر وجرافيتى ؛ 

لا ده حط فيلمة فى نفس القائمة مع  الفيلمين المذكوريين  كافضل افلام اتعملت عن الفضاء فى الوقت الحالى ؛ الفيلم مرشح لثلات جوايز جولدن جلوب  افضل ممثل كوميدى مات ديمون – افضل مخرج ريدلى سكوت – افضل فيلم كوميدى  .
الفيلم نال  مرجعات نقدية ابجابية جدا وحصل على تقييم 8.2  على imdb