مراجعة الفيلم الايرانى انفصال

مراجعة الفيلم الايرانى : انفصال - aseparation

ليه بنقرا كتب ؟ علشان نعرف حاجات جديدة ونكتسب معلومات ... افكار ... تجارب ... الخ وعشان نستمتع كمان .... طيب ليه بنشوف افلام ؟علشان مش كل الناس تقدر تسافر وتشوف بلاد تانية تشوف ناس تانية وتشوف عاداتهم

 وتقاليدهم اكلهم وشربهم بيوتهم شوارعهم افراحهم احزانهم تقدمهم تاخرهم....الخ كل الحاجات دى ممكن تقدر تشوفها فى فيلم لو مقدرتش تسافر وتشوفها بعينيك وده جزء من اجابة السؤال .وهى نفسها اجابة سؤال ليه بنشوف افلام مش امريكانيه .

ايران من البلاد اللى متهايقلى ناس كتيير نفسها تشوفها ... دولة اسلامية مختلفة معانا فى اللغة والمذهب ...عندها حضارة كبيرة وعظيمة ... دولة عامله صداع فى العالم .... فلازم يبقى فى فضول ان الواحد يشوف الدولة دى حتى لو فى فيلم 

فقلت اشوف فيلم انفصال ده اللى واخد اوسكار افضل فيلم اجنبى وكمان كان مترشح لجايزة اوسكار افضل سيناريو اصلى ..

سؤال لية بنشوف افلام واخدة الاوسكار ؟علشان المفروض ان الاوسكار ده افضل واعلى واصعب جايزه ممكن ياخدها فيلم يعنى الاوسكار علامه من علامات جودة الفيلم ؛ ده برغم ان كتيييير بيبقى ورا الجايزة اهداف سياسية طبقا لنظرية المؤامره اللى اوقات بتكون صح ... يعنى فى فنانين فى ايران فى السجن وفى فنانين ممنوعين من ممارسة المهنة علشان بيعملو افلام بتعارض النظام فى ايران فالافلام دى لما بتتعرض فى مهرجانات دوليه بتاخدجوايز ليه ؟

عشان يعملو  لايران صداع عن طريق دعم الفنانين اللى هما المفروض معارضين للنظام بافلامهم ده طبقا لنظرية المؤامرة اللى اوقات بتكون صح ... اما لو بصينا من ناحية تانية فاى حد هيكون عنده فضول يشوف فيلم لدولة متشدده ممنوع ظهور الست فيها من غير حجاب .... من غير مانطول عليكم برغم ان طولت عليكم اوى

 الفيلم بتدور احداثة بين نادر وسمين زوجين عندهم بنت ؛ الزوجه سمين عايزه تتطلق بتروح المحكمه هى وجوزها وبتشرح الاسباب انها عايزه تهاجر هى وبنتها علشان تربى البنت بعيد عن الاجواء الصعبة المتزمتة فى ايران وعايزها جوزها يسافر معاها بحكم القانون الزوج بيرفض لانه بيراعى ابواه العجوز المصاب بالزهايمير ومش عايز يسافر وعايز بنته تبقى فى حضانته ؛ 

بتتاجل القضية ؛ بتسيب الزوجه البيت ؛ بيستعين الزوج بخادمة علشان تخدم ابوه ؛ بتحصل مشاكل ؛ الخدامه اصلا حامل ؛ بتحصل مشكلة كبيرة ان الزوج بيرجع من شغله هو وبنته بيلاقى ابوه مربوط من دراعة فى السرير وواقع على وشة وتقريبا كان هيموت وكمان فى فلوس ناقصه منه ؛ بتيجى الخدامة اللى كانت فى مشوار وكانت رابطه الاب عشان ميحصلش ليه حاجة ؛ فبيضربها الزوج ويطردها بره البيت وبيتهمها بسرقه فلوسه وكل ده قدام بنته ؛

 بتطور الاحداث وبيعرف الزوج ان الخدامة فقدت جنينها وانها بتتهمه انه بسبب ضربه ليها افقدها الجنين ؛ وان كده اصبح الزوج متهم بجريمة قتل الجنين والعقوبه تلات سنين سجن ؛ الزوج بيقول انه مكنش يعرف ان الخدامه حامل وبكده هيبقى القتل خطا ويدفع الدية ؛ ودى بتبقى عقدة الفيلم ؛ وبيظهر البطل الحقيقى فى الفيلم

 (السيناريو ) اللى كتبة واحد اكيد اخر اسم (يدى (السيناريو اللى اترشح لاوسكار ؛ اللى برع فيه المؤلف فى رسم الشخصيات .

يعنى ايه رسم شخصيات ؟ يعنى ازاى تظهر جميع جوانب الشخصية (الانسانيه- الايجابيه - السلبية - العنيفه - الباردة- البليده _الكسولة - الشجاعة .... )عن ازاى تظهر روح الشخصية من كل الجوانب يعنى ازاى تخلى المتلقى او المشاهد يحس انةشايف شخصية حقيقيه من لحم ودم زى  ا ى شخصية حقيقية بنشوفها فى الحياة - مثلا بنقدم فى الافلام المصرية شخصية الشرير شيطان وناقصة قرنين وديل وشخصية المثالى ملاك والطيب عبيط ... الخ ؛ 

فى الفيلم الايرانى ده بنشوف الزوج المحترم البار جدا بابوة بيضرب الخدامه اللى عنده وبيتسبب لها باجهاض طفلها ؛ الزوجة المتحررة الى حد ما شفنا شعرها الاحمر من تحت الحجاب وكانت بتشرب سجاير واللى عندها مشكلة مع جوزها بسبب رعايته لابوه ؛ لما جوزها بيحصلة مشكلة وبيتحبس بسبب مشكله الخدامه ؛ بتاخد حماها المريض (سبب المشكله) وتقاعده معاها فى بيت اهلها ؛ 

الخدامة المتدينة اللى بترفض تغيير ملابس العجوز بعد مابلل نفسه الا لما تاخد فتوى بالتليفون ان معلهاش اثم هل مكمن تكون فقدت جنينها فى حدثه تانية وعايزةهى وجوزها تبتز الزوج اللى كانت شغالة عندةعلشان  تاخد تعويض ؛ 

البنت بنت نادر وسمين اللى واقعه فى حيره هل ابوها كان عارف ان الخدامة حامل وانه اتسبب فى قتل جنينها وهل انها مش بتتبلى على ابواها وان الام الافضل لرعايتها .

(طبعا مش هنحرق تفاصيل اكتر من كده لان لازم الفيلم يتشاف علشان محدش يفتكره سطحى )

 الاب فى الفيلم كان غرضه الاساسى انه ميطلعش قدام بنته كداب وتهتز صورتةفى عين بنته ؛ بعد كل اللى حصل ده واللى كان قدام البنت اللى هى محور احداث الفيلم ؛

 بنرجع للقضيه الاساسية فى الفيلم قضيه الطلاق بين نادر وسيمن الاتنين اتفقو ان البنت تختار بارادتها التامة مين اللى تعيش معاه ؛

 وبيروحوا التلاته للمحكمة وبيسالوا القاضى البنت تعيش مع مين ؛ وبيخلص الفيلم بنهاية مفتوحة .

واخيرا الفيلم اتكلف 500 الف دولار وحقق ايرادات حوالى 3 مليون دولار فى ايران وحوالى 23 مليون دولار فى العالم وحاصل على تقيم 8.4 علىimdb .