أسباب الطلاق الحقيقية.. هل الغش العاطفي والتصنع هما السبب؟

أسباب الطلاق الحقيقية.. هل الغش العاطفي والتصنع هما السبب؟

 

أسباب الطلاق بقت من أكتر الحاجات اللي بنشوفها حوالينا كل يوم، خصوصاً لما نلاقي اتنين بدأوا قصتهم بحب كبير وفي الآخر وصلوا لمحكمة الأسرة. طب إيه اللي حصل؟ وإزاي الطلاق ده ما تمش بالمعروف ومن غير المشاكل؟ في المقال ده هحكيلك تجربة بسيطة كشفت لي السر الحقيقي ورا اللي بيحصل ده.

 

ليه الناس اللي بتحب بعض بتوصل للطلاق؟

 

رحت في يوم محكمة الأسرة بدون مناسبة، مجرد فضول مش أكتر. وقعدت أتأمل الناس اللي رايحة جاية وأسأل نفسي ليه كل الناس دي رافعة قضايا على بعض، وليه الطلاق ده ما تمش بالمعروف من غير محاكم ولا مشاكل. قعدت مدة طويلة عايز بس أفهم إيه السبب.

صدفة غريبة

في وسط القاعة دخلت ست وسلمت على واحدة قاعدة على دكة واتكلموا مع بعض شوية، وبعدين قالت جملة رنت في وداني قالت مش عارفة إيه اللي حصلهم، دول كانوا بيحبوا بعض
أنا سمعت الكلمة دي وقمت مشيت على طول.

بداية اكتشافي للسر الحقيقي

 

السؤال فضل في دماغي طول الطريق إيه اللي يخلي اتنين بيحبوا بعض يوصل بيهم الحال لكده؟ معقول أبقى بحب واحدة وهي بتحبني ويوصل بينا الحال للنهاية دي؟
وفجأة افتكرت لما كان نفسي أشتري عربية، أنا مش بشبه العربية بالمرأة هتفهم بعدين. فعلاً اشتريت العربية وفضلت فترة الف بيها طول اليوم من مكان لمكان. وبعد سنة أو أكتر شوية لقيت نفسي مش حاببها خالص، حسيت إنها ملهاش قيمة في حياتي وإن في حاجات تانية أهم منها، وقررت أبيعها.
طيب إيه علاقة ده بموضوع الطلاق؟ هتفهم دلوقتي.

السر الحقيقي وراء أسباب الطلاق

 

من المعلوم أن الإنسان بشكل عام دايما بيربط سعادته بشيء. ياه لو بقى عندي الفيلا الفخمة دي 

ياه لو بقى عندي العربية الروعة دي

، ياه لو اتجوزت البنت الجميلة دي

. كلها أحلام ممكن تتحقق فعلاً، لكن أنت ربطت سعادتك بالشيء وده الخطأ الكبير، لأنك نسيت شيء مهم جداً وهو إن الإنسان بطبعه ملول.
أول شهر 

غير تاني شهر

 غير تالت شهر  وهكذا، ودي فطرة عند أي إنسان كبير كان أو صغير. ما تفتكرش إني خرجت من الموضوع، اصبر جايلك.

هل الغش العاطفي هو السبب الحقيقي في الطلاق؟

 

أي شخص في فترة الخطوبة بيحاول يظهر أجمل ما فيه وما ليس فيه للطرف الآخر، وكذلك الطرف الآخر. وده بينتج عنه حاجة اسمها الغش العاطفي، بحسن نية من الطرفين كمحاولة للحفاظ على العلاقة. ظاهريا شيء جميل، لكن عواقبه وخيمة وكبيرة فيما بعد.
هل معنى ذلك إنك لازم تكون وقح؟ لا أبدا المطلوب بس إنك تكون على طبيعتك تماما تعامل وكأنك وسط أهلك في البيت، لأن الشخص ده في المستقبل هيبقى فرد من أهل بيتك.
لكن للأسف الأغلبية بتخفي طبيعتها كمحاولة لكسب الطرف التاني بأي طريقة. والتمثيل ده متعب ومرهق ومش بيدوم.
بتمر فترة الخطوبة كلها في التصنع وتجميل الصورة وتجنب إظهار الحقيقة. وبعد كده كل واحد يبدأ يرجع لطبيعته واحدة واحدة، وكل واحد يفهم التاني على حقيقته.
وهنا تبدأ الكارثة: عدم تقبل العيوب

. هي مش قابلة عيوبك

 وأنت مش قابل عيوبها

. أنت تقول أنا  انخدعت فيها

 وهي تقول أنا  انخدعت فيك

 ومع دخول النفاخين في النار تكبر المشكلة أكتر، وتنتهي الحكاية في نفس المكان اللي كنت قاعد فيه محكمة الأسرة 

كيف يؤدي التصنع إلى فشل العلاقات؟

الحياة اللي بتبدأ على تمثيل مش بتكمل لأنك بنيت العلاقة على صورة مش حقيقية  والطرف التاني حب الصورة دي الي هيا حقيقتك. فلما الحقيقة تظهر الصدمة بتكون كبيرة علشان كده دايما نسمع كلمة أنا انخدعت فيه  لأن التصنع دايما  بيجمعك مع الشخص الغلط 

كيف تتجنب السبب الحقيقي وراء الطلاق

 

علشان تتجنب كل ده لازم تكون على طبيعتك من الأول، من غير غش ومن غير تمثيل ومن غير تزييف.

 لو بتدخن قول 

لو عصبي قول

 لو بتغير قول

 لو عندك عيوب قول

. أنت لو غشيت الدنيا كلها، دي بالذات ما ينفعش تغشها.
متخافش من الرفض لأن الرفض في البداية افضل مليون مره من القبول المزيف اللي نهايته طلاق ومحاكم ليه زمان كان الوضع افضل لأن الناس كانت على طبيعتها  الصدق من البداية يبني علاقة تستحمل لكن التمثيل يبني علاقة مؤقتة 

الخلاصه 

فشل علاقة في البداية أفضل من إنها تفشل في الوقت اللي المفروض تستمر فيه. أسباب الطلاق مش دايما خيانة أو مشاكل كبيرة، أحيانا السبب الحقيقي بيكون حاجة أغلب الناس بتعملها بحسن نية وهي الغش العاطفي والتصنع من البداية.

خلاصة القول إنك تكون على طبيعتك، لأن الحياة اللي مبنية على الصدق بتكمل، لكن اللي مبنية على التمثيل لا تدوم.

إيه رأيك؟ هل شايف إن الغش العاطفي والتصنع هم فعلاً السبب الحقيقي في أسباب الطلاق؟ شاركنا رأيك وتجربتك في التعليقات.