اسئله مهمه جدا عن تربيه الاطفال وازاي اتعامل معاهم
في المقاله البسيطه دي هنرد علي اسئله مهمه جدا عن الاطفال وسلوكها و كيف نتعامل معاهم بطريقه علميه باستخدام التربية الايجابيه . 
اول سؤال هو ازاي اتعامل مع الطفل الغضبان أو العصبي ؟ الطفل اتعصب لاي سبب ، مثلا أحد الآباء رفض أن الطفل ياكل حلويات قبل الاكل ، طبعا هيفضل يزن و يعيط بصوت عالي ، ازاي اتعامل معاه ؟
اولا هنحاول نبقي متواجدين معاه في نفس المكان اللي هو موجود فيه ،ثانيا هننادي عليه طبعا هيرفض يجي هنقوله أنا عارف انك مضايق هستني شويه لحد م تهدأ ونتكلم مع بعض ، وبعد كدا هستني لما يبطل عياط ويهدا خالص ونتكلم معاه .
هكلم الطفل اقوله اي ؟ قبل اي كلام ضروري جدا تاخد الطفل في حضنك وفهمه بالراحه انت عملت التصرف دا ليه ، مثلا :. انت رفضت يشتري حلويات واتفقت معاه أن الحلويات بعد الاكل هتفهمه أن الحلويات وبطنه فاضيه هتسبب ليه مشاكل وبطنه هتوجعه وكدا غلط ،ولو الطفل حب يجرب أنه ياكل حلويات قبل الاكل سيبه يجرب ويتاكد أن كلامك صح ، كمان الاكل مهم عشان جسمه يبقى قوي وصحي لما ياكل اكل البيت ، وبعد كدا ناكل حلويات ،كمان مش هناكل حلويات كتير عشان الحلويات بتضر الاسنان ؛ولازم نحافظ علي اسنانا.
تاني سؤال طفل بيخبط دماغه في الحيط أو الأرض اتعامل معاه ازاي ؟ هنوفرله حاجه طريه يخبط دماغه فيها مثلا نحط مخده عند الحيطه أو علي الارض عشان لما يعمل السلوك دا ميأذيش نفسه ،لكن ممنوع انك تبيني أنه لافت انتباهك لأن الطفل ذكي جدا وهيفهم أنه بالتصرف دا بيلفا انتباهك وعمره م هيبطل يخبط دماغه في الحيط أو الأرض ، و طبعا بعد م يخلص نوبه الغضب بتاعته هنعمل نفس التصرف اللي فوق ،هناخده في حضننا ونفهمه أن كدا غلط واي المخاطر اللي ممكن تحصله .
ثالث سؤال ازاي ننمي السلوكيات الايجابيه عند الطفل ونقضي علي السلوكيات السلبيه ؟ عشان ننجح في الموضوع دا محتاجين صبر وتحكم في النفس بدرجه عاليه ، والاجابه هنا بتتلخص في كلمتين ( المدح والتجاهل ) مدح السلوكيات الايجابية والمكافأة عليها وذكرها للاهل والاصحاب والتفاخر بالطفل أمام الجميع ، وتجاهل السلوكيات السيئه وعدم إعطاء أي اهتمام للطفل عندما يقوم بها وبالتالي يدرك الطفل أن هذا السلوك لا يلفت الإنتباه لذا لا يكرره مرة اخري .
وفي نهاية المقال نختم بأن الاطفال كالصفحه البيضاء ونحن من نكتب فيها سواء سلوكيات جيده أو سيئه وبالتالي يجب أن نتصرف تصرفات صحيحه وايجابيه أمامهم لانهم يقوموا بتقليد ما يرون منا ، كما أن الطفل كلما تعاملت معه علي أنه شخص جيد وناضج ومتحمل المسئوليه سيحاول الطفل أن يصبح فعلا صاحب شخصيه قويه لكي يكون عند حسن ظنك به .
