ازاي هيغني منير ازاي
ازاي
احكيلي ازاي هسأل عنك لنهاية الوقت
و ازاي دلوقتي سحبتني لابعد مسافات
ازاي هيغني منير "ازاي"
ازاي ترضيلي حبيبتي
قد ما اعشق اسمك و انتي
عمالة تزيدي في حيرتي
تزيدي في غيبتي
تزيدي في كل الكون مسافات
و انا قلبي اهو مات
و ان جيت اسألهم مات ازاي
هيقولوا عشانك
مش هقول ازاي
.. علي فكره انا بسأل عنك
و يوماتي بسيبلك في البوسته يجي الف جواب
هبعت مرسال ليكي الليله
فيه لوم و عتاب
و هقولك فيه اني براقبك
و بشوفك برضه من الشباك
و بطل عليكي في اخر الليل
بلمح مناديل و عياط و كلام
و الام مزروعه بفضل البوح
و حاجات لو فضلت تتفسر
ما هتعرف معني تكون مجروح
من امتي اساسا حد ارتاح
في الرغي مع القاعدين جنبه
من امتي بيحلم بالعايشين
و يموت ناس ساكنين قلبه
علي فرض ان احنا كمان عايشين
نفس العيشه بنفس التفاصيل
هنقابل صبح جميل مثلا
و ورود علي النيل
ده يدوب هنعيش في الحلم يومين
وهنصحي عشان نرجع اموات
الجاي في كل الكون عادي
مزيكا حزينه مصاحبة لناي
لكن الصعب المرادي
مش اقول ازاي
علي ايه اصلا. اغير رأيي
و اعود من الاخر للاول
ازاي قررت اني اتحول
و اميل قلبي كمان ليكي
افرجت السلطات الكاملة
بامر من ضي عينيكي
عن قلبي و اسلمه لايديكي
و اقولك اني خلاص صدقت
و امنت بان الكون اجمل
و بان العالم مش سلبي
بديكي الافراج الكامل
عن كل مشاعري و عن قلبي
برميكي بالف سلام و سلام
و بقولك ان جوابي اهو جاي
و في ضهره هتلاقي بس سؤال
"حبيتك امتي؟و ليه؟و ازاي
امتي
حددلي ميعاد نتقابل فيه
علي اي اساس اختارت اليوم
و ازاي فكرت انا في التفاصيل
وازاي صدقت
و اساساً ليه بنطوف و نعوم
علي وش الميه و علي نيله
انا كنت زمان منك محروم
و الناس بتصلي و تدعيله
و هنام و هعيش و هموت و هقوم
و هلاقي البحر بقناديله
دي بيحكي علينا وبيقول
ازاي حبت انا وكتبت
حبيت اكتبلك علي قلبي
ان انا عايش بحلم بيكي
و استني العمر سنين جنبي
يتمني اطولو و اغنيكي
لو كنت قابلتك مره زمان
كان سهل نكون ابطال للفيلم
رشدي اباظه غازل شاديه
داق منها في حبه عذاب و عذاب
و انا قلبي اما اتعلق بيكي
حابك ، داب
لو كنتي رواية في تفاصيل
فانا حابب منك الف كتاب
ازاي نتقابل و نجاور
حلمنا من غير احضان دافيه
المطره خفيفه اهي و صافيه
ادخلي جوايا بكل فدا
تسمحي اسأل و انتي في حضني
اتقابلنا قبل كده ؟!
