الحجاب الشرعي في الإسلام.

س/أنا بصراحة مختمرة ونفسى البس النقاب بس مفيش حد هيأيد رأى هنا فى البيت ومش عارفه أعمل إيه؟ ...ادعيلى ربنا ييسرلى الامر♥️
 

اللهم اهدنا وارزقنا الحجاب الذي يرضيك عنا.

ج/اللهم بارك اللهم بارك 🤍
ربنا يرزقك حجاباً يرضي الله عز وجل
ربنا يرزقك النقاب والحجاب الشرعي الكامل ويجعله حجة لكِ لا عليكِ 
ربي يوفقك للتشبه بأمهات المؤمنين🤍
ابشرى احنا في رمضان فرصة للتغيير🤍
ممكن يكون متهيألك إنهم مش هيأيدوا رأيك بس ممكن يوافقوا عادي جداً 
أنا كنت مفتكرة كده ولما باخد رأي أبي قالي ياريت اتصدمت اللي هو أنت يا بابا موافق عادي وانتقبت ع طول فـ الحمد لله الحمدلله ربنا يثبتنا اللهم  آمين 🤍
والله اللي هتلبس الحجاب الشرعي اللي يرضي ربنا بحق إبتغاء وجه الله ورضاه هتحس بسعادة غامرة والله العظيم وسبحان الله هي بحجابها تعيش بسعادة ويظن الناس إنها تعيسة ومعقدة ومحرومة ووو وهي والله مفيش حد سعيد كدها 
بعد ما تلبسي النقاب والحجاب الشرعي كامل وتزودي عباداتك هتحسي أن النقاب قطعة من روحك مش مجرد قطعة قماش عادية لا بالعكس والله.. 
وربنا هيفتح عليكِ من أبواب الخير كتييير جداً. هتلاقي صحبة صالحة تتجمع حواليكِ وفي حفظ القرآن وفهمه والصدقة و...الخ
لإنك كمسلمة النقاب والحجاب الشرعي هو الخطوة الأولي في الطريق إلي الله مش آخرها مش لبستي النقاب يبقي كده خلاص عملتي اللي عليكِ لا  " دا سؤال من ضمن الأسئلة "
هتلاقي تيسير في أمور حياتك 🤍
مش عارفه اقولك أي ولا أي عن جمال النقاب والحجاب الشرعي وعن أفضاله عليَّ ولله الحمد.. 

"قضية الحجاب مش قضية ثياب تلبسه المرأة وخلاص المرأة التي تلبس الحجاب الشرعي هي خطيب على المنبر"

المسلمة معندهاش حاجه إسمها الموضة حتي لو كان واسع وفضفاض دلوقتي بيغيروا فيه وبيخلوه يفتن علشان يفقد شروط الحجاب الشرعي 💔

المسلمة لا تخضع للموضة مش المرأة فقط حتى الرجل في الدين الإسلامي لا يجري وراء الموضة.

الحجاب الشرعي فريضة في الاسلام 
الحجاب من الحجب سمي بذلك لأجل أن يحجب نظر الرجال 
فـ أنا لما بتبع الموضة فيها زينة فكده فقد الحجاب شروطه والحجاب ليس مصدر للزينة. 
 

الرسول ﷺ قال" صنفان من أهل النار....  ونساء كاسيات عاريات مائلات مميلات رءوسهن كأسنمة البخت المائلة لا يدخلن الجنة ولا يجدن ريحها وان ريحها ليوجد من مسيرة كذا وكذا"
سبحان الله الرسول أكد علي الصنف ده  مرتين انه من أهل النار مرة أول الحديث ومرة آخر الحديث “ويا خيبته من حرم نفسه من رحمةٍ وسعت كل شئ فقد ظلم نفسه أشد أنواع الظلم.”سبحان الله ربنا يرزقنا جميعا اللباس ال
فـ ليه البنات بتضحي للدرجة دي؟ النار مش حاجه سهله 
والأصعب من كده دا حتي رائحة الجنة مش هتشمها
صحابي من الصحابة وهو في غزوة أحد بيقول واهاً لريح الجنة واهاً لريح الجنة 
والبنات مفرطة خاااالص وبتقول ربنا غفور رحيم 
يابنتي والله ربنا غفور رحيم ايوه بس للي يرجع ويتوب وميعصهوش ولا يجاهر بالمعصية 
لكن المتبرجة دي تحسي إنها بتبارز وبتجاهر بالمعصية تخرج بكل بجاحة ف الشارع وها انا متبرجة 
وبتبقي عارفه إنها غلط ومكياج وووو معااااصي 💔💔
سيدنا أبو بكر الصديق رضي الله عنه كان لما يدخل الخلاء كان يحط علي رأسه عمامة أو شال بيغطي وجهه ولما سألوه ليه بيعمل كده قالهم استحي من الله أن يراني وأنا في الخلاء 
شايفه بيخجل لدرجة اي عارف وعنده يقين انه ربنا بيراه ربنا الرقيب والمتبرجة تعصي الله وتقول انا كده كويسه💔