ازاى تخش تالته اعدادى تطلع مقفل

ازاي تجيب مجموع فى تالته اعدادى

الموضوع سهل وبسيط مش زى ما الكل متخيل المهم انك تعمل بالنصايح اللى هقولك عليها وان شاء الله اضمنلك 280 من 280

هتسالنى وتقولى نعمل ايه 

*ظبط نومك

نومك مايزدش عن 8 ساعات متنامش زى الدب الباندا .صدقنى هتحس بفرق شاسع ويوم طويل تقدر تعمل فيه اللي بتعمله فى يومين من صحيانك المتاخر

• *اعمل جدول مناسب ليك

وهنا انا بقولك اعمل جدول لان مهم جدا انك تكون مسستم نفسك على حاجه معينه . حاجه مهمه كمان متعملش جدول شهري هتزهق انا بفضل الجدول اليومى واول لما تخلص يومك وقبل ما تخش على السرير جضر لجدول اليوم اللى بعده . صدقنى الموضوع ده مهم لان بيخلق عندك المسؤليه

*ابعد عن المشتتات بانواعها

وهنا  انا اقصد التليفون واصحاب السوء او الاصحاب اللى مش عارفه مصلحتها ودول اكتر عدوين هتقابلهم فى حياتك عموما وانت فى طريقك للنجاح والتفوق

*ابتكر طريقه للمذاكره

هنا انا مش هقولك شوف نظرية مين وشوف نظرية ايه ابتكر انت الطريقه الليى بيها تنجز نفسك وتبقى ملم بكل حاجه ودي نصيحه منى ليك

*متاخدش مع مدرسين او اكتر فى نفس الماده

اوعى تعمل كده لان ده هيشتتك جامد وهتبقى محتار تاخد انهى طريقه تحل بيها جرب المدرس حصتين عجبك شرحه تمام جدا خد معاه غير كده شوف مدرس تانى 

*اعمل لنفسك يوم تفك فيه

اول لما تخلص كل اللي عليك اعمل اللي انت عايزه وعيش حياتك بنى ادم طبيعي متبقاش متشدد اوى هتيجى فى النص وتمل وتحس انك تعبت 

*المكان اللي هتذاكر فيه

طبعا يا عزيز النوم على السرير والحفظ فكك منه لانه مبيجبش فايده اطلاقا ولا كانك حتى كنت بتذاكر . اظبط لنفسك مكان ومكتب يكون ليك لوحدك مثلا فى غرفه نضيفه ويسالم بقى على الانتاج والراحه النفسيه بقى

• * اوعى تراكم عليك اى معلومه او اي درس

طبعا يا عزيزى مش هقولك على خطر انك تسيب اي حاجه بحجة هذاكرها بكره اصل انا تعبان ومش قادر وكل الكلام ده . المنهج سهل بس دورسه كتير فلازم تلتزم ولا تاجل عملك للغد

 

وبس كده اتمنى ان يكون المقال مفيد