ما سبب ان الصحافة دايما ضد كريستانو رونالدو
ليه محدش من فلاسفة الكورة بيتكلم عن مساعدة فينيسيوس جونيور ( المرئية ) لـ كريم بنزيما، علي الرغم إن نفس الفلاسفة دول وجعوا دماغنا ليل نهار عن أطروحات وتفسيرات غاية في التعقيد عن مساعدة كريم بنزيما ( الغير مرئية ) لـ كريستيانو رونالدو؟
مساعدة جونيور لـ بنزيما شئ واضح يقدر يشوفه أي واحد معدي جنب تليفزيون بالصدفة وريال مدريد بيلعب، هيبص علي الشاشه كده يقولك الواد الأسمراني دا عامل زي النحلة والفرقة كلها بتسند عليه عشان بيدوس علي الكورة وبيروح وربنا معاه واللي يحصلني يكسرني.
تيجي تسأل فلاسفة الكورة عن مساعدة بنزيما لـ رونالدو، يقولك أصل بنزيما بيعمل حاجات محدش بيعرف يشوفها غير الفاهمين في الكورة أوي، بيسقط لتحت وبيسحب معاه المدافعين فبيخلق ثقب أسود بيشفط كل لعيبة الخصم وبيسيب رونالدو يبرطع لوحده بقي بدون لعيبة تراقبه عشان بنزيما شفطهم هوب في الثقب الأسود.
إشمعنا الفلاسفة بقي واجعين دماغنا عن مساعدة بنزيما لـ رونالدو اللي محدش بيشوفها، ومفيش حد فيهم بيتكلم عن مساعدة جونيور لـ بنزيما اللي كلنا بنشوفها كل ماتش؟
لأن ما يسري علي كل من ( كريستيانو رونالدو - ليونيل ميسي ) لا يسري علي غيرهم من اللعيبة، أصحاب أكبر جمهور في تاريخ أي رياضة مرت علي هذا الكوكب، ونسبة كبيرة من جمهور كل نجم بتكره النجم التاني فبتبدأ إنها تطلع وجهات نظر خزعبلية وأطروحات غير منطقية علي النجم اللي بيكرهوه عشان يوزنوا كفة النجم اللي بيحبوه.
فالجمهور اللي بيحب ميسي وبيشجع برشلونة من ساعة ما رونالدو راح مدريد وهما بيطلعوا عليه خزعبليات عشان يقللوا منه، رونالدو قعد فترة ميسجلش في الكلاسيكو قالوا عليه مبيسجلش في الماتشات الكبيرة، سجل في الكلاسيكو وحطم أرقام قياسية في التسجيل المتتالي في الكلاسيكو قالوا عليه بس لسه معملش حاجة في التشامبيونز، جاب أربعة تشامبيونز منهم ثلاثية تشامبيونز تاريخية مش هتتكرر تاني كان هو البطل الأوحد فيها قالوا عليه منتهي ومعندوش جديد وبيستني الكورة قدام الجون، جاب بطولات أوروبية لمنتخب بلده منها اليورو أقوي بطولة بعد كاس العالم قالوا عليه بيلاعب منتخبات ضعيفة وضربت معاهم حظ ف النهائي، راح اليوفي حطم أرقام قياسية بقالها خمسين سنة في يوفنتوس والدوري الإيطالي قالوا عليه مش عارف يعمل حاجة في التشامبيونز ( مع إنه مسجل كل أهداف يوفنتوس في الأدوار الإقصائية وعامل ريمونتادا بهاتريك معتاد ضد أتيليتكو مدريد)، رجع مانشستر يونايتد وفي أول موسم محقق تاني هدافين الدوري الانجليزي قالوا عليه بيبوظ منظومة اللعب، ولسه ياما في الجراب يا حاوي.
الجمهور اللي بيكره رونالدو هيستني رونالدو وهو في الأربعين من عمره عشان يثبتوا عليه نظريات خزعبلية كانوا بيقولوها عليه وهو راكب عالم الكورة ومدلدل رجليه، هيستنوه وهو خلاص بيلم شنطته وبيعتزل عشان يقولوا مش قلنالكم عليه لعيب أي كلام.
رونالدو تاني احسن لاعب في العالم ( ٢٠٠٧، ٢٠٠٩ ) ،احسن لاعب في العالم (٢٠٠٨)، هداف البريميرليج برقم قياسي، هداف التشامبيونز، ٣ بريميرليج ورا بعض واحسن لاعب في البريميرليج سنتين ورا بعض، فاز بـ تشامبيونز ووصل للنهائي السنة اللي بعدها، وغيره وغيره وغيره من المستويات الخارقة والبطولات الصعبة اللي كان فيها نجم مانشستر يونايتد الأول بدون منازع قبل ما ينتقل لـ ريال مدريد، عيب أوي لما رونالدو دا يتقال عليه إنه كان بيلعب كويس في ريال مدريد عشان بنزيما أو غير بنزيما، ودا ملوش أدني علاقة ان بنزيما مهاجم محترم ودماغه مليانة كورة وأي فرقة تتمناه، لكن لكل مقام مقال.
رونالدو إنتقل لـ ريال مدريد وهو مقفل اللعبة ومحقق كل حاجة ممكنة وغير ممكنة، اللي بيلعب جنب رونالدو هو اللي بيستفيد مش العكس، اللي بيلعب جنب ميسي هو اللي بيستفيد مش العكس، اللي بيلعب جنب الاتنين دول هو اللي بيستفيد من حاجة إسمها Fear Factor، يعني مقدار خوف اللعيبة من ميسي ورونالدو، واحد مقفل اللعبة مهارات وحرفنة والتاني مقفلها أرقام قياسية بالضبة والمفتاح، اللعيبة غصب عنها بتترعب لما بتلعب ضد الاتنين دول، واللعيب لما بيخاف بيبقي متأخر أجزاء من الثانية كإستجابة ورد فعل، عشان كده دايما ميسي ورونالدو متفوقين علي غيرهم من المدافعين عشان عندهم رصيد متراكم من الـ Fear Factor علي مر السنين اللي بيخليهم سابقين المدافعين بأجزاء من الثانية بتخليهم دايما في المقدمة هما واللي بيلعب جنبهم.
بعد ظهور جيل برشلونة التاريخي مع جوارديولا، ريال مدريد كان هيتوجه أكتر للأسفل لولا شخصين اتنين فقط هما اللي إنتشلوا ريال مدريد من غياهب الجب والضياع ورجعوه تاني للمنافسة واكتساب الشخصية المحلية والأوروبية من جديد ومناطحة برشلونة وكسر شوكتها في عزها، واللي أي بطولة او انتصار حققهم ريال مدريد خلال الفترة اللي فاتت أو لسه هيحققها فإنها بسبب الاتنين دول في المقام الأول والأوحد,
