اتعلم الغناء بالتمرينات دي في اسبوع بس

أولاً: مقدمة

أول شيء يا سيدي ف تعليم الموسيقى و الغناء، عليك تقليل التدخين، لأن الدخان يزيد المخاط اللي بيتسبب في اشتباكات جوه حنجرتك بجد!! الحبال الصوتية بتلزق في بعض و المرونه بتبقي قليله بسبب المخاط ده، مما يؤدي لل كحة أو "التتنح نح" ونت عالسلم طالع بيت صحابك.

 

تقنيات الغناء و تحسين الصوت:

 

ابدأ بلفظ الجلالة ايوا مالك!؟ قول (الله)

التمرين  ده سحري وفعال لتقوية النفس والبطن، و لتعزيز قوة القرار وقوة الجواب.

 

تدريب الصوت و فنون الأداء :

القرار والجواب والتمارين الأفضل لهم

 

بص بقى يا فنان، بعد الينسون، اللي مينفعش تشربه سخن، ابدأ بتمرين السولفيج. إذا كان تطبيق بيانو،  اعمل"أااااااهههه"، مش بهزر ده بجد! كأنك بتاخد علقة حرامي بلاعات في الطالبيه.

لا فعلاً، اعمل كده مع كل نغمة من البيانو، واللي هما: دو، ري، مي، فا، صول، لا، سي.

 امشي على كل نغمة ونت بتقول "ااااااااا" (AAAAA) بنفس صوت المفتاح اللي ضغطت عليه.

 

وبعدين، لما تتمكن من ده و ده بيرجع ل نباهتك اباشا، ابدأ اضغط على المفاتيح عشوائيًا، وامشي مع مفتاح دوستة بنفس الصوت "AAAA".

 و ده واحد من تمارين السولفيج الاساسيه .

 

معلومه ع السخان 

المقامات الاساسيه ٧ زي السلم الموسيقي ٧ مفاتيح و ده منغير الاسود لكن ده بس كا علي البيانو لكن المقامات لو ٧  و كل مقام ٧ نغمات ف هيبقو سبع مفاتيح حتي لو منهم مفتاح او اتنين اسود 

هنا بقى الصعب شكله😄، لكن سهل جدًا في المضمون.

المقامات الشرقية :

يا عم، أنت YOUTUBE ولا على GOOGLE و اديله عاوزين نتعلم المقامات الشرقية، هيا بنا! امسك مقام مقام من السبع مقامات في الموسيقى الشرقية، أو السبع الأساسيين، وبعد كده هقولك ليه أساسيين. انقشهم في راسك بالشكل اللي يريحك، بس مش أقل من ساعة ترديد لمقام منهم.

ياريت تعمل في الأسبوع كل يوم مقام. هيتخزن عندك في الذاكرة كأنك حافظه على الهارد ديسك. في أقل من أسبوعين هتلاقي نفسك فريد الأطرش!

فاعلية ده هتلاحظها بنفسك. مع استخدامك محركات البحث، هتدور على أحسن معلمين أون لاين، وفيديوهات بالترابانتيخ على منصات التواصل الاجتماعي، زي: فيسبوك، تويتر، تيك توك، يوتيوب، وجوجل. فعلاً، الطريقة دي فعالة جدًا!

طرق إضافية

استني بس، متستعجلش يا فنان! في طريقة كمان، وماتخافش، فاضل طريقة كمان مروحة.

خلينا في دي الأول. هات أغاني لعمرو دياب، معظمها على مقام الكرد. هتفهم إن المقام ده حنين وفيه مشاعر معينة بيقولك شيء دافي.

وهات أغاني بهاء سلطان أو أحمد سعد الحزينة، وهتلاقي معظمها مقام صبا. المقام ده طرش، وتقطيع. هتسمعه وهتعرف أقصد إيه.

هتقدر، في خلال أقل من أسبوع تدريب مستمر، ومع خصوصية التمرين ده لكل مقام يوم، تتعلم أشياء جديدة.

أهمية المعرفة

هنا، هتعرف وتقوي صوتك، وتفهم منين بيودي فين. ده يرجع بينا إلى "القرار" و"الجواب".

القرار هو الصوت اللي بتتكلم بيه عالي. مثال مشهور هو العندليب عبد الحليم، لما بيقول "جباااااار". ده اسمه جواب. في الأوبرا، ده اسمه جواب الجواب.

ومش منصحك بيه لو مش عايز فتاء، يعني بعد الشر. بس برضو اعرف بيتعمل إزاي.

الختام

اللي باقي هقوله لك في المقال التاني من  مقالاتي الفنيه القادمه ان شاء الله  عن دروس موسيقية أونلاين و تعلم الموسيقى للمبتدئين، عشان كده انتا كترت أوى يا نجم جيلك.

يا رب في المقال اللي جاي، ألقاك منزل كليب على يوتيوب مكسر الدنيا يا نجم! بس متنساش أخواتك بالنشر والكومنت لو فادك كلامي عن محتوي 

تعليم الموسيقى.

 

أتمنى يكون الموضوع نال إعجابك

 

الشيباني

مجدي

---