لماذا لا أحب بتوع التنميه البشريه
لماذا لا أحب بتوع التنميه البشريه بص يسيدي تبقي قاعد جعان بليل فتعملك سندويتش اي حاجه وتفتح اليوتيوب علشان تتفرج علي اي حاجه وانت بتاكل فالمهم تلاقي فيديو مليان كلام من نوعيه انت قاعد في مكانك بتعمل ايه ها ها!!! قوم اعمل حاجه هتفضل لحد كده امتي وحقق حلمك وطارد شغفك المهم عينك تلمع وانت بتاكل السندويتش فتلاقي فيديو تاني بيقولك ازاي تبدأ يومك من ٦الصبح او ما هو روتيني الصباحي فتلاقيه بيقولك في الفيديو يعم بسيطه هتصحي ٦الصبح بعد كده تفطر وطبعاً تشرب القهوه المتينه بعد كده ساعه جيم بعد كده تروح شغلك أو كليتك أو مدرستك المهم بعدها ترجع تنام شويه وبعد كده تخلص كل اللي وراك (مذاكره،،مثلا أو تتعلم مهاره جديده ) بعد كده تنزل تقعد مع صحابك بليل فعينك تلمع اكتر وتقول يا سلاااام وتقعد تتخيل بقي نفسك بعد ما روحت الجيم وعملت shape الي كان نفسك فيه وتتخيل بردو أنك اتعلمت ام الألماني اللي انت راكنه من حرب الخليج ده وبعد كده الحماسه تخدك وتخدلك بصه علي البوستات اللي انت كنت عملها save فاكرها😂❤️ كان فيها أمال وطموحات وأخلص بس تالته ثانوي وهعمل او اخلص بس الكليه وهعمل وهسوي وهروح واجي 😂❤️ (يعم متقلبش عليا المواااجع) (حاضر حاضر😂❤️) المهم تقعد تقلب في الحاجات اللي كنت عايز تتعلم فيها حاجات كتير اوي دي فاكرها؟!!؟ ( خلاص خلاص مش هعملها تاني😂❤️) اي ده ايه اللي جاب ليله امتحان تالته ثانوي فيزياء هنا المهم بعد ما تقلب في البوستات اللي كنت عملها save وتحدد انت عايز اي منها أو بمعني صح ايه اللي هتبدأ بيه تاني يوم المهم تاني يوم ييجي تلاقي نفسك صحيت العصر😂😂😂 (محتواي محتواي راح محتواي) أو حتي ممكن تلاقي نفسك صحيت بس بردو مش عارف تعمل ايه ولا ايه فتقول مش عامل حاجه خالص أو حتي ممكن تستمر فتره بعد كده متلاقيش فائده من اللي انت بتعمله فتزهق وتحس إن انت مفكش أمل وتخشلي في جو (انا مليش لازمه) (انا فاشل) (انا مش عارف ايه وبتاع) ايه يعم مش عارف ايه وبتاع اللي انت كاتبها دي مش عارف حسيت أنها هتلايق مع الكلام فكتبتها متددقش 😂😂😂
طيب نرد بقي علي اهم سؤال دلوقتي لو حد عايز يتغير يعمل ايه؟
منعا من أنا اعيد نفس الكلام كنت عمال كذا مقاله كنت بتكلم فيهم عن التغيير هسيبلك لينكاتهم (روابطهم) هنا
بالتوفيق إن شاء الله وملحوظه كده علي السريع (إن شاء الله) تكتب منفصله مش متصله)
