دليلك للخروج من زووون المرقعه

دايما بتيجي عليك فتره في اول كل سنه تقول انا لازم اتغير انا لازم ابدأ السنه الجديده كويس انا مينفعش افضل كده انا لازم اعمل جدول المهم بتعمل الجدول وتقعد تكتب انا لازم اروح الجيم انا لازم ابطل اشرب سجاير انا لازم اخس وانا لازم اتغير وطبعا انزل الابليكشن بتاع الجيم اللي انا وانت عارفينه وفي الاخر طبعا بتقعد اول يوم في الجيم  تمام تاني يوم شغال تالت يوم نص نص رابع يوم وحش خامس يوم  مفيش سادس يوم تنسي اصلا ان انت عملت حاجه او كتبت حاجه من الاساس وتقعد تستني السنه الجايه ولفي بينا يادنيا وممكن بردو تفكر إنك انت مش عارف تنتظم بسبب إنك  بتتمرقع او بتدلع او ان انت ضعيف الاراده او اي حاجه تحسس بيها نفسك إنك ملكش لازمه وخلاص بس انا هقولك علي الحل يصديقي اول حاجه ركز معايا  دلوقتي انت

دائما لما بتعمل جدول بيبقي عندك حماس عالي فبتحط توقعات عاليه لنفسك علي حسب حالتك اللي انت فيها وانت بتحط الجدول اللي عايز تمشي عليه يعني هفهمك قصدي بمثال دلوقتي انت قولت إنك هتروح الجيم ف انت بتكتب إنك لازم تروح الجيم خمسه ايام او سته ايام في الاسبوع و ده غلط لازم دائما وانت بتعمل جدول علشان تنتظم علي اي عاده لازم تشتغل علي اقل من قدراتك بمعني بدل ما تقول انا لازم اروح الجيم خمسه ايام في الاسبوع او سته ايام في الاسبوع قول مثلا هروح تلاته لا غلط اكتب إنك لازم تروح يومين بس في الاسبوع هتسأل نفسك وتسألني سؤال بديهي جدا هتقول مش يومين قليل اوي يعني!! هقولك إن ده اللي انا عايز اوصلهولك احنا هنشتغل علي إن الهدف اللي انت عايز توصله يكون سهل وبسيط لدرجه إن دماغك مايخلكش تتمرقع او تتدلع ومتروحش يعني انت لو كتبت إنك عايز اروح الجيم خمسه ايام او سته ايام في الاسبوع هتحس مع الوقت إنهم كتير وإنك زهقت ومتكملش اسبوعين علي بعضهم ده يعني علي اساس لو كملت يومين إنما او قولت لدماغك إنك هتروح الجيم يومين بس في دماغك مش هيبقي عنده مشكله خالص في انه يروح يومين بس لا كمان هتلاقي نفسك بتروح اكتر من يومين عايزك دايما لما تعمل العاده افتكر النصيحه دي اقل من قدراتك مش علي قد قدراتك بص انا عايز في اسبوع تكون الدنيا دايسه علي وشك فيه ومش طايق نفسك ويعني خلاص مفيش تعمل الهدف اللي انت عايزه او العاده اللي انت كاتب إنك هنعملها في المثال بتاعنا إنك تكون روحت الجيم يومين اللي قلتلك عليهم

وبردو نصيحه تانيه مهمه جدا خليها معاك خلي اي هدف عايز توصله او اي عاده عايز تعملها خلي هدفك مكتوب الاهداف اللي مش مكتوبه ملهاش لازمه الورق بيطر يخليك تحدد يعني مثلا اي حد فينا عايز يبقي ناجح ف الهدف بتاع إنك عايز ابقي ناجح هدف عام معرفتش ازاي تبقي ناجح

انما لمًا تكتب علي ورقه إنك عايز ابقي ناجح اول حاجه تيجي في دماغك ازاي..؟ او اعمل ايه..؟  والنقطه مهمه جداً إنك لازم تكتب اللي انت عايزه وبردو كتاب شين كوفي العادات السبع للمراهقين الأكثر فعاليه وكتاب جيمس كلير العادات الذريه هتبقي مصادر حلوه اوي وهتساعدك وفيها أساليب حلوه بردو المهم يسيدي فكره صغيره تساعدك إنك تعمل الحاجه بسهوله من غير تعب ولا حاجه

فكره تكويم العاده: يعني ايه تكويم العاده ده؟!

بص بسيدي بكل اختصار انت عقبال ما لسه تتعود علي العاده الجديده اللي لسه عايز تكتسبها قدامك حبه حلوين مش هيقلوا عن ٢٠يوم علي الاقل والأيام تفتكر فيها تعملها وأيام تكسل وأيام أصل أنا معنديش شغف اصل أنا مش قادر عارف اعمل حاجه ونخش بقي ففكره المرقعه اللي أنا وانت عارفين اخرتها كويس المهم دلوقتي انت يسيدي هتروح حاطط عاده قديمه علي عاده جديده بحيث إن العاده القديمه كده كده متثبته في دماغك فتروح حاطط العاده الجديده معاها فكإنك بتركب العاده القديمه علي الجديده ماشي يعم الكلام حلو بس لسه مش فاهم

خد مثال: دلوقتي انت بسيدي عايز كل يوم تلعب ١٠ضغط

المهم تقول هلعب النهارده تلاقي اليوم طار وملعبتش ال١٠ضعط طيب خلاص هلعب بكره بردو تنسي او تكسل تلعب ال١٠ضغط ففكره بقي تكويم العاده لو انت مثلا بتحب تشرب فنجان قهوه علي الصبح فهتقول أنا بعد ما اشرب القهوه أنا هلعب ال١٠عدات بتوع الضغط الفكره بسيطه جداً بس تأثيرها عظيم علشان كده كده العاده القديمه متكونه في دماغك فإنت بتحط عاده جديده عليها وخلاص شكراً والدنيا بتمشي سهله بدل ما تعمل العاده من الاول

فكره كمان اعمل عاداتك في شكل حلقه علشان متنسهاش: يعني بسيدي بلازما تبقي عايز تعمل كل عاده جديده لوحدها فتلاقي نفسك بتنساهم كلهم او بتكسل عنهم كلهم لا انت هتخلي العادات دي ورا بعض علشان متنساش يعني مثلاً أنا هروح الجيم لما أرجع اقرأ كتاب بعد الكتاب هقعد ما واحد صحبي لما ارجع هغسل أسناني وانام فكده انت بدل ما هتعمل العاده الجديده وترميها وخلاص انت خليت العادات كلها تمشي مع بعض وبردو معلومه ليك بالنسبه للذاكره احنا بننسي حاجات كتيره جداً بالذات لو عندنا حدث مهم رايحين مشوار رايح او حتي لو رايح سوبر ماركت تشتري حاجه وتلاقي نفسك نسيت الطلبات فلو مش عايز تنسي الطلبات هتعمل مشهد تخيلي دلوقتي انت عايز تجيب ١-طماطم٢-خيار ٣-لبن ٤-بصل ٥-فراخ فتتخيل وانت داخل السوبر ماركت علشان تجيب الحاجات دي مكان استحاله تنساه هتقولي استحاله يعم يكون في مكان مبنساهوش؟!هقولك لا في زي بيت حضرتك كده هو انت بيتك بتنساه لا طبعاً لإنك عايش فيه المهم فتخيل وانت داخل بيتك الطمام والخيار عاملين خناقه وبيضربوا بعض والبصل اللي بيحوش في النص وتخيل إن اللبن والفراخ فاتحين التليفزيون وقاعدين بيتفرجوا علي ماتش فهتلقي وانت مش واخد بالك افتركت الطلبات اللي قولتلك عليها ١-طماطم ٢- خيار ٣-بصل ٤- فراخ  ازاي يعني!!وبكده وبص بصديقي اخر حاجه حابب اقولهالك ابدأ بال تحت إيدك  متنساش الظروف المثاليه علشان عمرها ما هتيجي وعلي رأي عقيد في الجيش الامريكي (ابدأ بخطه كويسه النهارده احسن بكير من إنك تبدأ بخطه ممتازه بكره) وبكده يصديقي اكون خلصت اللي عاوز اقلهوالك الخلاصه لكل الرغي ده عايز تلتزم بالجدول

اول حاجه: اشتغل علي اقل من قدراتك

تاني حاجه: اكتب وافتكر(الكلام مش علي ورق ملوش لازمه)

تالت حاجه: تكويم العاده

رابع حاجه:حلقه العادات

خامس حاجه:ابدأ باللي تحت ايدك