نصائح المصيف رجال نساء البحر الأحمر والغردقة وشرم الشيخ

نصائح للمصيفين 📢🙋‍♀️
❤️ محدش ياخد معاه حذاء رياضى ولا جلد كله بلاستيك واهم حاجه شوز بحر او صندل اوعى تنزل البحر حافى فيه ناس بترمى زجاج و مواد صلبه ده غير الصخور .. 
❤️لازم تاخد كلاميل من الصيدليه لحروق الشمس 
❤️ حط فى شنطتك ملايه و بشكير هتحتاجهم جدا .
❤️ متشيلش فلوس كاش كتير على اد مصاريفك و لما تحتاج روح اسحب تانى لانك هتفرتك اى فلوس فى جيبك 😂
❤️ اعمل دايما مساحه لحريتك و بلاش تضايق حد او تتطفل على حد اتقى الله 😏
❤️ الفصال اهم مبدء فى المصايف 😂
❤️ متاخدش اى حاجه مهمه معاك .. مفيش اى داعى للذهب معاك لانه اما هيضيع او هيتسرق 🤗
❤️ اتعود تركب مواصلات عامه علشان توفر و نصف فلوسك متروحش فى المواصلات 
❤️ لما تحجز شقه متبعتش عربون كبير اى مبلغ بسيط علشان لو اتنصب عليك متزعلش اوى .. و حاول تأجر من حد ثقه حتى لو تدفع ازيد شويه 
❤️  اهم حاجه باه معاك طبة كالون للباب و مفك علشان اول متسكن تغير القلب فورا علشان تخرج و انت مطمن و تنام فى امان 🔔
❤️ احجز مواصلاتك قبل اسبوع من سفرك لو مسافر باص .
❤️ خد معاك جاكت خريفى حتى و انت فى عز الصيف علشان تكييف الباص و تقلبات الجو 🔔
❤️ متسافرش مع عدد كبير لانك مش هتنبسط ووقتك هيضيع فى اللى نايم و اللى مش عايز و اللى ملهوش مزاج و اللى و اللى 🤗😂 
❤️ خد معاك هاند فرى و كتاب 
❤️ اى حاجه تضايقك تناساها انت هتصرف فلوس كتير علشان تصيف فلازم تضحك على اى حاجه حتى لو نكد . بلاش تمنع عيالك فى الفتره دى من اى شىء فرحهم فى حدود امكانياتك و متبخلش عليهم و لا على زوجتك عاملهم على انهم اصحابك بلاااااااش اوامر خليك فرفوش 
😎 الشباب اللى بيسافروا مع بعض خليك محترم و متعاكس حد و بلاش استظراف لانك ممكن تضرب او تتحبس حريتك لها حدود . و فيه حاجه اسمها شرطه السياحه هتديك بالقفا فخليك مهذب 🤪
الكلام هنا للنساء و الرجال 🤝
مصيف سعيد على الجميع 🥰