ما بين محمد رياض والفنان الراحل الكبير نور الشريف
- أستاذ نور الشريف الله يرحمه ليه ذكريات كتير معايا .. كان كل ما يشوفني ييقولي "ولدي؟ أنا هكتبك على البطاقة" لأني كان ليا الشرف اشتغلت معاه 3 أعمال ورا بعض (( عمر بن عبد العزيز ، هارون الرشيد ، لن أعيش في جلباب أبي )) فـ أكتر حد اشتغلت معاه في الجيل العظيم ده كان أستاذ نور الشريف
= أيه أقوى مشهد ليك معاه في لن أعيش في جلباب أبي؟
- فيه مشهد الناس مش عاملة عليه فوكاس أوي .. يعني فيه مشهد طويل المفروض إن ده الماسترسين بتاع المسلسل كله وكان حوالي 13 صفحة لكن مش هو ده المشهد اللي عاوز أتكلم عنه
لما بروحله الوكالة فـ بقوله من الشباك "سلام عليكم يا حاج" نور الشريف عمل أيه بقى؟ ده بقى اللي يُدرّس .. هو قاعد على المكتب فـ انتبه كدة اللي هو أيه الصوت ده؟ فـ أدرك إنه صوت عبد الوهاب ابنه .. طب معقول؟ عبد الوهاب جالي هنا! ومش مصدق إن كل المعاناة دي عشان ييجي يشتغل معاه فـ خلاص كدة جاله برجله .. كل ده بين أستاذ نور وبين نفسه
وبعدين بص كدة عشان يتأكد هل اللي بيفكر فيه وحاسه صح؟ فـ شاف عبد الوهاب .. فـ راح قايم من على المكتب وطالع وخرج وقاله " وعليــــــــــــــــــكم الســـــــلام ورحمة الله وبركــــــــــــاته " اللي هي فيها الـ26 سنة اللي كان نفسه ابنه يكون موجود معاه فيهم .. قال الـ26 سنة في وعليكم السلام ورحمة الله وبركاته
أنا بحكيلك تطور سلام عليكم؟ عليكم السلام .. كلام عادي بس أستاذ نور مأخدهاش كدة فـ اتعلمت منه إننا مش بنقول جُمل وخلاص ولا بنرددها لأ انت لازم تستوعب كويس وتدخل الكلام دماغك ويعدي على قلبك قبل ما تقوله فـ عمري ما هنسى المشهد ده ليه ❤ - أستاذ نور الشريف الله يرحمه ليه ذكريات كتير معايا .. كان كل ما يشوفني ييقولي "ولدي؟ أنا هكتبك على البطاقة" لأني كان ليا الشرف اشتغلت معاه 3 أعمال ورا بعض (( عمر بن عبد العزيز ، هارون الرشيد ، لن أعيش في جلباب أبي )) فـ أكتر حد اشتغلت معاه في الجيل العظيم ده كان أستاذ نور الشريف
= أيه أقوى مشهد ليك معاه في لن أعيش في جلباب أبي؟
- فيه مشهد الناس مش عاملة عليه فوكاس أوي .. يعني فيه مشهد طويل المفروض إن ده الماسترسين بتاع المسلسل كله وكان حوالي 13 صفحة لكن مش هو ده المشهد اللي عاوز أتكلم عنه
لما بروحله الوكالة فـ بقوله من الشباك "سلام عليكم يا حاج" نور الشريف عمل أيه بقى؟ ده بقى اللي يُدرّس .. هو قاعد على المكتب فـ انتبه كدة اللي هو أيه الصوت ده؟ فـ أدرك إنه صوت عبد الوهاب ابنه .. طب معقول؟ عبد الوهاب جالي هنا! ومش مصدق إن كل المعاناة دي عشان ييجي يشتغل معاه فـ خلاص كدة جاله برجله .. كل ده بين أستاذ نور وبين نفسه
وبعدين بص كدة عشان يتأكد هل اللي بيفكر فيه وحاسه صح؟ فـ شاف عبد الوهاب .. فـ راح قايم من على المكتب وطالع وخرج وقاله " وعليــــــــــــــــــكم الســـــــلام ورحمة الله وبركــــــــــــاته " اللي هي فيها الـ26 سنة اللي كان نفسه ابنه يكون موجود معاه فيهم .. قال الـ26 سنة في وعليكم السلام ورحمة الله وبركاته
أنا بحكيلك تطور سلام عليكم؟ عليكم السلام .. كلام عادي بس أستاذ نور مأخدهاش كدة فـ اتعلمت منه إننا مش بنقول جُمل وخلاص ولا بنرددها لأ انت لازم تستوعب كويس وتدخل الكلام دماغك ويعدي على قلبك قبل ما تقوله فـ عمري ما هنسى المشهد ده ليه ❤
