نصائح للثانوية العامة والأزهرية
الثانوية الأزهرية الحقيقية ابتدت خلاص من اول فبراير دى بداية السنة بتاعتك
كل اوقت اللي فات من اول شهر 8 ولحد النهارده مكنش ليه أي أهمية مقارنةً باللي جاي .. البوست ده انا بكلمك فيه عن حقيقة وانت مش حاسس بيها أو واعي ليها علشان انت وسط التجربة وبتمر بكل مآسيها الحقيقة دي هي ان الثانوية الازهريه عبارة عن ٤ شهور واهم 4 شهور فعلا 2و 3و 4 و 5
وان أذكى طالب عدي على تالتة ثانوي مش الطالب اللي ذاكر من اول السنة لآخرها لكن اذكي طالب هو اللي قعد ميهتمش من اول السنة لحد آخر 4شهور وبدأ يذاكر من اول فبراير بما انك كنت مقضيها من اول السنة لعب لحد انهاردة فأنت كدة ماشي ف طريق ملهوش ملامح والملامح بتاعت طريقك هتبدا من النهارده خلي بالك الطريق هيبدأ يتجه بيك ناحية الاجتهاد
⭐اهتم بالحاجات دول جدا⭐ :
1/الصلاه اهم حاجه وقراءه القران
2/ركز مع الوقت
3/وقت المواصلات
4/وقت الأكل والنوم
زاكر ونتا رايح الدرس ولما ترجع
وكلمة السر هي حل الامتحانات الامتحانات لازم تكون مجاب عنها أو تكون اجاباتها متاحة عندك حل في كل مادة 50 امتحان ثانوية عامة على الأقل (تجريبيه او ال موجوده ف الكتب)
شجع صاحبك انه يبدأ مش شرط تذاكروا مع بعض، كل واحد يذاكر لواحده بس حاسبوا بعض كل ليلة بالتليفون
وحاول تذاكر عشان صاحبك لما يسالك متكذبش علبه
ومتضيعش نفسك في عمل الجداول ؟
امال هنذاكر امتي !
ابدأ واستمر وهتسبق كل اللي بيذاكروا من اول السنة
عارف ليه؟
علشان انت قدها و انتا تقدر تحقق و تنجز كل حاجه نفسك تعملها و تقدر تفرح اهلك و تسكت كل شخص احبطك او حاول يقلل منك او قالك كلمه دايقتك صدقني انتا تقدر بس مش عارف قيمة نفسك قوم و خطط و ذاكر و اقع و قوم تاني و ذاكر و جاهد و اسعي و صدقني ربنا مش هيسيبك
✨طبق ال6 نصايح دول ✨
صدقني لو طبقتهم ف التلت او اربع شهور دول هيفرقو معاك جدا ان شاء الله
1.ابعد عن اي حاجه بتشتتك.
2.لما تيجي تذاكر ابدأ بالحاجه السهله الاول و بعدين الصعبه .
هتقولي ليه هقولك عشان نفسك تتفتح ع المذاكره زى ما بتتفتح ع الاكل كده 😂😂
3. لازم تاخد بريك كل ساعه و انتا بتذاكر.. كل ساعه 10 دقايق بس مش هيصه هي وتقعدلي نص ساعه او ساعه
4. حاول تشرب ميه علي قد ماتقدر بجد حاجه مهمه جداا خلي ازازة ميه دايما جنبك و انتا بتذاكر.
5. اوعي تقارن نفسك بحد دايما خليك ف نفسك قارن نفسك كل يوم باليوم الل قبله و شوف انتا فعلا بتتطور من نفسك و لا لأ.
6.دايما كافئ نفسك كل ماتذاكر كام ساعه كدا او تنجز حاجه ف خطتك و تخلص جدول يومك مثلا اعمل اي حاجه انتا بتحبها و ده هيديك حافز انك تكمل ده
= حاجه كمان هتفرق ف حياة اي حد و دايما بنصح بيها و هي قيام الليل ده حاجه بجد حلاوتها و كم الراحه الل فيها ميتوصفوش ده غير انه بيه القرب من ربنا بيزيد و اي حاجه ف حياتك عاوز تحققها او نفسك ف اي حاجه و انتا مفكرها مستحيله واظب علي قيام الليل و ادعي ربنا كتييير و اطلب منه كل حاجه و انتا عندك يقين ان الحاجه دي هتتحقق و المواظبه علي قيام الليل حاجه بجد مش صعبه جرب و ابدأ و مش هتندم بجد و معاه ركعة الوتر طبعا و متنساش ان الدعاء بيغير القدر و ان الل بيصلي قيام الليل بمائة آيه يكتب من القانتين
=حاجه اخيره ذاكر عشان تحقق حلمك وتشوف فرحه امك وابوك بيك يوم النتيجه صدقنى الفرحه تستاهل التعب والمجهود ❤️
ربنا معاكم و يكرمكم و يوفقكم و يارب تقدروا تحققوا كل الل نفسكم فيه و تفرحوا أهاليكم
#انت_تقدر
#اوعي_تستسلم
#انت_قدها_وقدود
