الأقصر بلدنا: و جولة في الدير البحري و معبد حتشبسوت
الدير البحري ومعبد حتشبسوت
من أهم آثار الأسرة 18 في مصر القديمة، و يعد واحد من أحسن ما بقي من معابد اتبنت من 3500 سنة هو الدير البحري و معبد حتشبسوت.
المعبد بنته الملكة حتشبسوت علي الضفة الغربية للنيل و المعبد هنا بيتميز بتصميمه الفريد بالمقارنه بباقي معابد مصر القديمة
، بيتكون من 3 طوابق متتابعة علي شرفات مفتوحة المعبد مبني من الحجر الجيري
و في الطابق التاني حنلاقيمجموعه اعمدة قدامها تماثيل للاله ازوريس والملكة حتشبسوت موزعة بشكل جميل في الاصل التماثيل كانت زي اي اثر مصري قديم ملونة بس مبقاش باقي اثر للالوان الا القليل التماثيل دي عددها 26 تمثال.
أهم حاجه بتميزه هي جدرانه المنقوشة اللي بتحكي قصة البعثات البحرية اللي ارسلتها الملكة لبلاد " بونت " للتجارة واحضار البخور اللي كانت بتقدم كقرابين للاله، و احضار اخشاب الأرز واشجار و حيوانات نادرة وفراء النمور اللي كان بيرتديه بعض الكهنة.
يوجد به بهو يسمي " بهو الاحتفال" منقوش عليه رسومات بتوضح الموكب من معبد الوادي للمعبد الجنائزي و في مجموعة من الأعمدة اللي بتنتهي برؤوس بتمثل الاله هاتور علي شكل بقرة.
الطابق التالت عبارة عن بهو مفتوح فيه سلم بيطلع لمائدة القرابين العالية والجدران مزينة برحلة الشمس الليليه حيث يركب رع اله الشمس مركب من وقت الغروب للشروق.
يوجد وادي كان مخصص لعبادة هاتور و امون رع و حورس و انوبيس و بيرجع تاريخ الوادي للاسرة 11 اللي استغل الملك منتوحتب التاني المكان لبناء مقابر النبلاء ومعبد لنفسه و لزوجاته.
خلال انتشار المسيحية في مصر خلال العصر الروماني انشأ المسيحيين دير للعبادة في المنطقة هنا و فضل الدير مستخدم حتي القرن ال 11 م وقام بزيارته العديد من القساوسة ومن هنا جت تسمية المكان بالدير البحري .
في البداية سمي المصريين القدماء معبد حتشبسوت ب " بيت المليون سنة " المعبد اتبني في 15 سنه من فترة حكم حتشبسوت واشرف علي بنائه ووضع تصميمه المهندس ورئيس البلاط في الفترة دي " سننموت " اللي مقبرته موجوده هنا تحت الطابق الاول للمعبد وبتمتد 97 م في الجبل وعلي عمق 43 م
المعبد تعرض للتدمير خلال فترة حكم تحتمس التالت اللي قام بازالة بعض الاسماء المنقوشة علي جدارن المعبد وتدمير بعض التماثيل الموجودة.
