شعر مصري "قلبك حنين يا امه" بكلمات اسامة فؤاد
قلبك حنين يا امه كلمات اسامة فؤاد حنا
قلبك حنين يا امى..... وقلبى عليك جافى مليان حب وخير ...... زي الحليب صافي تحت رجليك الجنة
وحضنك امان ودافى وسط حزني وهمي .....الفرحة معاك تملاني بلهفة عليه تجري
وتداوى كل آهاتي كلامك يسعد قلبي..... وتشيلي الهم مكاني مين يمسح دموعي
ويدوق المر عشاني يستنى لحظة رجوعي ..... سهرانة طول الليالي بفراقك انطفت شموعي
ومعاها كل امالي بحلم يا أمه أشوفك... وتاخديني في أحضانك أبوس رجليك وكفوفك
وارتوي من نبع حنانك وحشني سماع صوتك ...يا ريتني كنت مكانك سماح يا أمه سماح
يا ريت تسامحيني على كل اللي راح ... وإياك تنسي تدعيلي صورتك في كل صباح
مرسومة أمام عيني… قلبك جنين يا اماتى
يا روحى وكل حياتى ….بتحسي بكل احزانى
وبكل تنهيدة وبكل آهاتى….. من بعدك انا يا أمه شريد .وبموتك كتبتى شهادة وفاتى
قلبك حنين يا أمه وقلبى عليك قاسي ….. يا ما رسمت البسمة واحنا رسمنا حزن ومآسى
قلبك حنين يا امه ….. وقلبى عليك جافى
2022-02-18 09:39:42