ليه الحوادث كترت فى مجتمعنا

ليه الحوادث كترت والجرائم بقت بشعه  !!!؟؟؟ جزء اول

اظن ده سؤال بنسأله لنفسنا قبل اى كلام خلينا نقول إن الأساس البعد عن ربنا ومبداء الدين هو الأساس ومفيش جدال فى النقطه دى ✋✋✋علشان الكلام اللى جاى مهم جدا ❌❌❌❌

زمان والله يرحم زمان وناس زمان الحلوة كنا مجتمع مقفول على نفسه مجتمع مترابط كان فى جرائم لكن كانت معدودة و كانت نسبه الطلاق محدودة جدا جدا فجاءه 💥💥💥انفتح علينا باب الشيطان

دمر الأسر بمفهوم وعادات وتقاليد غريبه حاجات وافكار شاذه وهنا بقصد الانفتاح على العالم الاخر بالعولمه والنت  والسوشيال ميديا

...زمان كانت البيوت جميله مترابطه ..كان فى صله رحم دلوقتى النت عمل توحد بين الاسره بقى كل واحد عامل لنفسه عالم لوحده مختلف عن التانى ابتدى يلغى أسرته ويصاحب ناس مجهوله من عالم اخر غسلو دماغهم

الام  وهى أساس المجتمع بقت فى  ناحيه و الاب فى ناحيه تانيه لانشغاله بضغوط الحياه والعمل والاطفال فى ناحيه وعالم تانى بدون رقابه الأهل

ومن هنا ابتدى السوس ينخر فى الاسره والمجتمع ...الأم إلى. هى الزوجه هربت من البيت مشاكله  لعالم منفتح منهم اللى ضاعت فى علاقات محرمه وتقليد الآخرين ابتدت تدور عن بديل لزوجها المنشغل عنها ابتدى يغريها بالكلام المعسول ...ابتدت تخدها الدنيا وانتشرت الخيانه

وفى نفس الوقت ابتدى نفس الزوج يدور على المغريات ويعرف ستات كتير ويعمل علاقات وزنا ومحادثات هنا ضاعت الزوجه وضاع الزوج  فى خيانات محرمه وابتدى الشك وعدم الثقه  بين الزوجين هو المبداء فى ظل نسيان جيل تانى اسمه أولادهم الاولاد اللى لا مدرسه عارفه تعلم ولا فى أسس دين ولا ماده الدين ليها اى لازمه فى التعليم جيل لا عارف حرام ولا حلال ولا اتزرع فيه الاخلاق   ضاع ما بين فتاوى مضلله وشيوخ بأراء مختلفه وانتشر الحاد واترسخت الأفكار الشيطانيه

ولا فى رقابه و اهل بيربو جيل فتح عينه على التيك توك والخلاعه والانحطاط  و الانستجرام بكل مغريات المال والسفر والملابس والاكلات وأحدث سيارات وموضه وميكيب

وكارتون بيشجع على الشذوذ وافلام اباحيه وألفاظ خارجه وموضه لبس وشعر  وعادات غريبه على المجتمع  جيل شايف ناس بتغتنى بدون تعب وأموال كتير بيتربحوها من خلال مواقع على السوشيال ميديا ابتدت تراوغ احلام الثراء الفاحش السريع بدون تعب أو عمل شاق

حتى لو باعو القيم والمبادىء حتى لو باعو شرفهم وضميرهم  من أجلالحصول على الأموال ابتدت لغه المال تطفو وتطغو وتسيطر على العقول ودى خطه ممنهجه لما يشوف نفسه طالب علم ومش قادر يعيش ويشوف الجهل هو اللى بيتكلم الانحلال هو اللى بينجح وليه جمهور بيشجعه  وناس بتلعب بالملايين واللى معاه مليون عايز يبقى مليار مش فارق معاهم حلال ولا حرام ابتدى الحسد والغيرة والسواد يدخل القلوب 💔

أبتدت الأسر تتفكك ابتدى نسبه الطلاق تزيد وأطفال تضيع فتحت عينيهم على البلطجه والعنف والقتل بقى مبداء مجتمع وعليا القوم ورموزها واسيادها أصحاب النفوذ قدوة حتى لو مال حرام والرشاوى زادت فى ظل غياب القانون  ...مش فارق معاهم ايه النهايه أو ايه نهايه اخرتهمابتدى الفن المنحل ابداع   والتدين أصبح  دروشه ومش ماشى على الموضه ابتدت البنات تقلد وتطالب بالحريه ابتدت يكون فى جمعيات لحقوق المرأه بتنادى بالمساواه والست ند لند للراجل لحد لما ستات كتير استرجلت وضاعت أنوثتها ابتدت تقلد تقليد اعمى اتشال منها الرحمه والمودة وبقت مسخه كرهوها فى عيشتها وبقت اقرب كلمه ليها الطلاق اقرب حاجه ليها هد بيتها اقرب شىء هو عادى ترمى عيالها والشارع يربى كان زمان فى حاجه اسمها كبير عيله كان زمان فى حاجه اسمها حياء كان زمان فى حاجه اسمها ترابط أسرى وحب ومودة ودفىء وكان أساس البيوت الام القدوة والاب السند  #wida