لو فرحك قرب تعالي اقولك تعملي ايه؟؟
لو فرحك قرب تعالي اقولك تعملي ايه؟؟؟
كل عروسه نفسها تبقي احلي بنت يوم فرحها من شعر من جسم من بشره
انا هقولك انهارده شويه نصايح لو عملتيها هتبقي منوره اه والله منوره يوم فرحك
وهتبقي احلي واجمل عروسه
بصي بقي يا احلي عروسه دي الخطوات اللي هتمشي عليها:
قبل فرحك بسته اشهر هتعملي ايه:
*تعملي نظام غذائي صحي لو عايزه تظبطي جسمك كلي كل حاجه بس قللي نشويات ومقليات
*البدء بعمليات ازاله الشعر بالليزر لو امكن(اختياري).
قبل فرحك بثلاث شهور تعملي ايه:
*هتبداي روتين الاهتمام بالشعر و علاجه٠
*البدء بروتين تنظيف البشره وترطيبها علشان النضاره وتبقي صافيه قبل الميكاب.
*هتبداي تعملي حمام مغربي مرتين في الشهر.
*نعالج الاماكن الغامقه في الجسم مهم جدا.
*عدم استخدام اي وسيله لازاله الشعر سواء سويت أو ماكينه لأنها تسبب التهابات ثم اسمرار في المنطقه المستخدمة .
قبل الفرح بشهر ونصف تعملي ايه:
*الاهتمام بتنظيف الاسنان ولو في امكانيه لتبييض الاسنان هيبقي احسن طبعا
ولو مفيش امكانيه التبييض هتجيبي وصفات تبييض من النت وتعمليها هتفرق معاكي كتييير
*العنايه باليدين والقدمين علشان تبقي ناعمه وبتلمع.
*لو ناويه تظبطي حواجبك هتبداي تعملي كده .
*تهتمي برموشك هتجيبي زيت خروع ومسكره قديمه واستخدمي كل يوم قبل ما تنامي هتخلي رموشك مراوح
قبل الفرح باسبوعين:
*تنظيف البشره العميق.
*حمامات الزيوت للشعر وحمامات الكريم علي حسب نوع الشعر
*الملكه السودانيه.
قبل الفرح باسبوع:
*عمل جلسه مساج وساونا .
قص الشعر وترتيبه
*عمل باديكير للقدمين.
الحمام المغربي والتكبيس.
*عمل سنفره وترطيب للجسم كله.
*عمل ترطيب وسنفره للوجه واليد.
*تركيب الاظافر الاكريليك.
*رسم التاتو الحنه.
قبل الفرح بيوم:
*يوم الاسترخاء حاول ترتاحي علي قد ما تقدري.
حمام عطري باي عطر تحبيه.
*حمام دافئ
*تجهيز أغراضك .
قسط دافئ من النوم استعداد ليوم الفرح.
يوم الفرح:
*اشربي عصير فريش.
*افطري فطار صحي.
*اعملي مسكات تحضيره قبل الميكاب.
وبكده يبقي خلصت كل نصائحي ليكي يارب يبقي احلي يوم لكل عروسه وتبقي قمر ويبقي احلي يوم في حياتك
ومبرووووك لكل عروسه اعملي الخطوات بالترتيب هتحسي أن انتي يوم فرحك مرتاحه وعمله كل اللي نفسك فيه
