التعليمات الواجب اتباعها اثناء فترة الصيف و خاصة اثناء الموجات الحارة

التعليمات الواجب اتباعها اثناء فترة الصيف و خاصة اثناء الموجات الحارة

💫 ببساطه وعلى السريع💫

☑️كل صيف وحر وأنت بالصحه والعافيه وتعيش وتشتغل .

☑️ ركز كده السيارات كلها متورها بيسخن ولازم له تبريد ركبولها ريداتير وأربه مياه لكن لو مياه الريداتير والأربه فضيت السيارة تعطش .

☑️ انت بقى أوعى ... أوعى....أوعى ...تستنه لما تعطش فى الجو ده ،،، عطشت يعنى الريداتير والأربه فضيوا وخرحوا من جسمك عن طريق العرق ومعاهم كل الأملاح المعدنية الموجوده فى الجسم كالسيوم وبوتاسيوم وماغنيسيوم .... وكذا معدن وده إلى خلاك تحس بهبوط ودوخه .

☑️ وإن كنت مريض ضغط انتبه للشغل على مرتفع أو مكان مُغلق أو سىء التهويه فى فترة الحر الشديد .
ربنا سبحانه وتعالى نزل فى القرآن أيه ٣٠ فى سورة الأنبياء :
♦️(وَجَعَلْنَا مِنَ الْمَاءِ كُلَّ شَيْءٍ حَيٍّ ۖ )♦️

☑️ من غير شرح ولا نظريات علميه أعمل حسابك تشرب على الأقل كل ساعه كوب مياه قد كوب الشاى كده ده على الأقل وإن احتجت قبل كده أشرب .

☑️ وتبقى ١٠٠٪ إن أكلت كل ٣ ساعات طمطمايه فلفلايه خيارايه ، كل ده فيه أملاح معقوله ممكن مع أستمرار  شرب المياه تعوض العرق المفقود .

☑️طب إن حصل وحد داخ وفقد الوعى ؟؟! توصل الصيدله بتاعة قسمك أو موقعك لطبيب أو ممرض الموجود فى مكان شغلك اطلب منه محلول معالجه الجفاف ولو معندكوش حد اشترى علبه أو كام كيس وخليها معاك والكيس زى كيس الفوار مكتوب عليه طريقه الإستخدام .

☑️ أى شغل بتشتغله فى المقاولات إنشاءات تشطيب ، مطاحن ، مصنع كرتون ، اخشاب ، ملابس ، طوب ، مركز صيانه ....إلخ  

☑️طبعاً السؤال المتكرر طب ميوقفوا الشغل !!
مش أنت سيفتى !! مش أنت مسئول سلامه .
ده أسمه فى علم السلامه والصحه المهنيه 
طقس سىء
bad weather

☑️ لكن قرار إيقاف العمل فيه ليس بالسهوله اللى بيتخيلها باقى الزملاء إيقاف عمل نظرا لسوء الطقس ( رياح - رياح رمليه - برد قارص - حر شديد ...) له لجنه وظوابط يتم إتخاذ القرار بناء على إجماع أغلب الأعضاء وذلك بناء على طلب إدارة السلامه والصحه المهنيه وتأمين بيئة العمل .

💫خلى بالك من نفسك ، وتابع زملائك والحمد لله أنك شغال شغلانه حلال💫

                     ((( دمنا سالمين)))