انتر ميامي خطف ميسي من الهلال السعودي وليس من برشلونة
"انتر ميامي خطف خلاص ميسي من الهلال السعودي.... لا استني ده خطفوه من برشلونة!! هقولك ميسي مكنش قريب من برشلونة ولو سم واحد، حتى وكل ده ضحك على الناس وعقولهم ولعب بمشاعرهم. تابع معي قراءة المقال بتركيز حتي تعرف تفاصيل مهمة لحياتكم عمومًا وسيبكم من الكورة دلوقتي.
تعالوا نبتدي بالمؤثرين رواد السوشيال ميديا، هتلاقيهم كل يوم بينزلوا بوستات بقالهم سنتين عن ميسي راجع برشلونة كل يوم بيكتبوها، ليه؟ عشان يلموا لايكات وشير ويبقى ابن النادي وتتترانتن والجو ده والصفحات تكبر وصفحات ملهاش تلانين لازمة أصبحت مصدر موثوق. موثوق من إيه!!! وناس تانية تعلي الفولت على الأخر وتقول أفضل لاعب في التاريخ ميعتزلش في الدوري السعودي، واوباااا صياح وشتيمة في كريستيانو رونالدو وقصف جبهة وكلام فارغ، طب دلوقتي ميسي لما يعتزل في أمريكا عادي؟!! اللي عاوز أقولهولكم إن الناس ده عيشتها على بيع الوهم بيبقوا مش فاهمين أي حاجة في الدنيا غير المشاعر، ولا اقتصاد ولا سياسة فاهمين وأنتوا عارفين الناس دول كويس.
طب نعلي مستوى الشهرة شوية ونتكلم عن الصحافة واللي بيحركوا العالم. الحق يا واد يا حسين، أنتونيلا واخدة ١٥ شنطة ورايحة برشلونة، الحق ميسي عمل لايك لالبا، الحق والحق والحق، لدرجة صحيفة السبورت الكتالونية بتضحك على الناس وتقول إن ميسي طلب إعارة لبرشلونة سنة وأمريكا أو السعودية تدفع تمنها!!! اللي هو مش هينفع نشتم، بس تخيل أنت تصرف على حاجة وغيرك يستمتع بيها!!! والناس صياح بصوت عالي: شباب: قول واحد: ميسي ختم الكورة وحاليا بياخد تمن إتقانه السنين دي كلها، عقد السعودية ميسي كان بيجري وراه وعقد أمريكا عمره ما كان بالقوة هذه، لكنهم عملوا المستحيل وخلوه أعلى من عقد بيكهام في ٢٠٠٧ بشروط عظيمة اقتصاديًا زي أبل وأديداس.يعني الصراع بين اتنين وحوش قدام برشلونة اللي مكنش عارف يقيد جافي.
اسكت لمدة ٣ ثواني يا صاحبي وفكر واسأل نفسك دلوقتي، هل برشلونة يقدر يدفع ١٠٪ من عروض الهلال وإنتر ميامي!!!!!!! لو جاوبت نفسك مكنتش احتجت لشوية نصابين على السوشيال ميديا أو الصحافة العالمية عشان يبيعولك الوهم. يا أخي عيب والله، ميسي بيعشق برشلونة ورونالدو بيعشق مدريد لكن حاليا احنا في عصر رأسمالي بقالنا فوق ال١٠٠ سنة ولو مش عارف قواعد الرأسمالية وقوانينها يبقى مينفعش تطلع تتكلم في صناعة الكورة ولا تبقى صحفي. اللعيبة مبتفكرش بنفسها عندهم ناس بتفكر.
حسنا عزيزي القارئ اسمح لي اعرض لك نبذه عن نادي انتر ميامـي.
نادي إنتر ميامي هو نادي كرة قدم احترافي أمريكي يقع في ميامي، فلوريدا. تأسس النادي في عام 2018 وهو مشروع مشترك بين ديفيد بيكهام، نجم كرة القدم الإنجليزي السابق، ومجموعة مستثمرين آخرين.
إنتر ميامي هو عضو في الدوري الوطني لكرة القدم الأمريكية (MLS)، وهو الدوري الأعلى في النظام الهرمي لكرة القدم في الولايات المتحدة. تمتلك الفرق في الدوري العديد من الفرق الشهيرة مثل لوس أنجلوس جالاكسي ونيويورك ريد بولز.
ملعب إنتر ميامي هو ملعب دراجون تراينج ستاديوم، وهو ملعب حديث يتسع لحوالي 18 ألف متفرج. شعار الفريق يحمل ألوان الأسود والوردي والأبيض، والفريق يلعب مبارياته الرسمية في الدوري المحلي والبطولات الأخرى في هذا الملعب.
منذ تأسيسه، يعمل نادي إنتر ميامي على بناء فريق قوي وجذاب يجمع بين اللاعبين الشباب والخبرة لتحقيق النجاح في الدوري الأمريكي ولتكون له مكانة مرموقة في عالم كرة القدم الأمريكية
