ماذا حدث بين جوني ديب وامبر هيرد

يعتبر جوني ديب واحد من افضل الممثلين علي الاطلاق فهل يكون اسوء زوج علي الاطلاق؟!!

تبدء القصه سنه ٢٠١٦ نشأت ما بينهم قصة حب تكللت بالجواز وظهور قدام الكاميرات وسعادة وتصوير وحب وعلاقة يتمناها اي اتنين في الدنيا، لكن بعد ١٨ شهر جواز بس اتفاجيء الجميع بطلاق الزوجين فجأة كدة، طب ايه السبب؟ تكهنات كتير لكن مفيش اجابة.

لحد سنة ٢٠١٥م و ٢٠١٦م يعني من ٦ سنين كدة، لما خرجت هوجة حقوق المرأة وحملة me too بتاعت التحرش وخرجت شخصيات عامة وانفلونسرز وبنات في مجال السينما يتكلموا عن حوادث التحرش من الممثلين والمشاهير زي مورجان فريمان وكيفين سبيسي وغيرهم كتير، وكانت المفاجأة، آمبر هيرد تخرج للعامة تتكلم عن قد ايه جوني ديب مش هو الملاك اللي احنا نعرفه وانه زيه زي اي راجل متوحش في الكون،

خرجت آمبر تعيط للناس وتوريهم اثار الضرب والكدمات في وشها واللي بعد كدة علي اثرها رفعت قضية تعويض علي جوني ديب تتهمه بالعنف المنزلي وازاي كان بيسكر ويضربها ويعورها في وشها ويضحك وبتاع، والناس تعاطفت معاها خاصة ان جوني رفض انه يعلق عالموضوع ومتكلمش، وفجأة تحول جوني ديب في نظر الكل الى حيوان ذكوري مكروه في الوسط الفني وبين الجمهور كمان،

ولان آمبر بنت، لا وكيوت وحلوة، الناس صدقت علي طول من غير ما يفكروا حتى يسمعوا من جوني كرأي آخر او طرف في الموضوع، وعلي اثر كل اللي حصل ده انخفض نجم جوني في السينما تماما، واتأثر الكاريير بتاعه لدرجة انه مقدمش عمل محترم بقاله كام سنة لخوف المنتجين وزمايله في العمل من انهم حتى يشتغلوا معاه او يختلطوا بيه، لانه واحد حيوان بيضرب بنتالحقيقة ان آمبر هي اللي مريضة، وجوني ديب هو اللي غلبان واستحمل منها كتير، آمبر يا سيدي بتتعاطى مهدئات وادوية وبتخلطهم بالكحول، وتعمل الدماغ وتقوم ضاربة جوني ديب بأي حاجة في ايديها، اه والله، تفضل تشتمه وتعتدي عليه وهوا بيحاول يحتويها، الكيوت دي فتحتله صباعه وكان هيتقطع في مرة من المرات، وطفت سجاير في وشه، ورمت عليه فازات واطباق كسرتها عليه وعلي دماغه تسببت في انه يدخل المستشفى اكتر من مرة، وهوا كل مرة كان بيحاول يحتويها ويهديها بكل هدوء،

في التسجيل بتشتمه بأمه وبقوله : انا كان لازم اضربك اكتر من كدة، بس كل ما اجي اضربك تجري زي العيال .. اه والله

يعني القمر ده اعتدت علي جوزها واهانته، تسببتله في اذى جسدي ونفسي، وكمان شهرت بيه وانهت مسيرته السينمائية وفي النهاية طلعت حاطة ميكاب في المحكمة وبتمثل انها اتضربت وعندها كدمات منه وطلبت تعويض ملايين، وفي المقابل جوني ديب كيوت عادي وراجل حاول يحتويها ويهديها وفشل واتأذى للسبب ده، دماغ شياطين يعني ورمي بلا، لكن محدش شاف الحقيقة دي ببساطة لانها بنت ..

لا وكمان ده مش كفايه تخونه مع اشخاص مهمين من العالم كله زي جيمس فرانكو وده ظهر في التسجيل وزي اهم شخصيه حاليا في العالم وهو ايلون ماسك

 ضعيفة بالهم فهل يكون جوني فعلا مظلوم؟!، واكتفى جوني بأنه يرفع قضية تعويض عليها بقيمة ٥٠ مليون دولار ويتهمها هيا بأنها اللي كانت بتضربه وهوا بيسكت، بس ايه العبط ده يابني انتا راجل مستحيل نصدقك متحاولش، والبنت مليانة كدمات اهيه وخد من السباب واللعان ما يكفيك.