قصة فيرا رينزي

أزيكم ياشباب عاملين إيه 
بوست ليلي علي غير العادة😂
يلا بينا بعد ما تجهز كوباية الشاي

تحذير .. ⚠️
المحتوى يحتوي على عنف او الناس اللي مش بتحب نوعية القصص دي تقدر تعمل skip

في سنة ١٩٠٣ في مدينة بوخارست  اتولدت طفلة جميلة لعائلة ثرية من أصول روسية 
عاشت الطفلة حياة الترف والثراء وكمان  كل طلباتها مجابة 
كبرت كدا ادام عين ابوها وأمها وبقت شابة جميلة يعتمد عليها. 
لما وصلت سن ١٦  بدأ يبقي لها أصحاب شباب اللي بدورهم حاولوا يقربوا منها لكن العكس هي كانت بترفضهم ..صريحة كدا عالطول ومش  عايزاهم كمان في حياتها يعني يفضلوا اصحاب من بعيد لبعيد  كدا بمعني تاني مش عايزا تعيش حياة طبيعية وتحب شاب ويحبها والجو دا 
او تكون  لها صداقات مع الشبان اللي شكلها أو أدها في السن 
كان عندها ميول مختلفة شوية وهي أنها بتحب تقعد مع كبار السن بتشوف فيهم كل اللي عايزاه من جمال وحلاوة وشباب مش شايفاه في الشباب اللي شكلها 
أحساسها وهي  في مجلس من كبار السن  بيخليها تحس باثارة جنسية غريبة وكانت بتخفي دا  دايما من وهي صغيرة 
يعني  نفسها في علاقة جنسية مع رجل كبير في السن  ودا كان كل طموحها وامانيها في الحياة
لحد ما وصلت سن العشرين 
وفي خلال الفترة دي كانت بتحب واحد ( كبير عنها طبعا مش هترضي بشاب عادي كدا شكلها ) 
اسمه كارل شيك 👈ودا كان رجل كبير في السن وسيم سيكا ويتمتع بكل الصفات اللي هي بتتمناها
وفعلا إتجوز السيد كارل شيك من السيدة  فيرا رينزي ودي اللي كل القصة علشانها أنهارده

بعد ما اتجوزته حملت عالطول في أول شهر  وخلفت طفل منه ومن ساعة الجوازة دي وبدأت الهواجس و الخيالات تسيطر علي فيرا 
فيرا  في قرارة نفسها شايفة ان كارل  ملكها لوحدها ماينفعش حد تاني ياخده منها والشعور دا بيزيد عندها بعد كل علاقة جنسية معاه اللي كانت بالمناسبة زي ما قولنا بتستلذ أوي في العلاقات مع كبار السن 
بدأ الشك يلعب جواها بزيادة وياخد راحته لما بدأت تصور لها نفسها أنه مش مخلص لها ولا بيحبها 
والغيرة اتحولت لغيرة وحشية ومطاردة كمان لزوجها والموضوع قلب باكتئاب وبقت بتخلق حوارات مع نفسها وقررت أغرب قرار في الوجود ...
قررت الست فيرا أنها هتسمم جوزها وتحتفظ بجثته ومن هنا👈 يبقي أصبح لها لوحدها وتقدر تمارس معاه  الجنس براحتها برضه عادي 
ومن غير مايفكر أو يبص لحد تاني وتعمل فيه اللي هيا عايزاه وبكدا الغاية النهائية من الإخلاص 
ولما سئلت عن مكان وجوده او فين جوزك 
أقنعت عائلتها وأصدقائها والناس كلها بأن كارل قد تخلى عنها وعن ابنهما 
بعد حوالي 10 أشهر عملت مجموعة  تقارير بتفيد بأنها سمعت كدا من بعيد  أنه قُتل في حادث سيارة  ولا حول ولا قوة الا بالله😂

بعد وقت قصير من التقارير الوهمية عن وفاة زوجها الأول 
أتجوزت التاني ...أيوا زي مابقولك كدا 
ونفس اللي حصل مع الأولاني بتظهر وحشيتها في الغيرة وحب التملك لدرجة أنها كانت بتلاحقه في كل مكان وكمان  مش مقتنعة أنه بينام جمبها علي السرير لوحدها 
فيه واحدة تانية هو بيرتاح معاها وطبعا أنتوا عارفين اللي هيحصل معاه
سممت الأكل بتاعه وقتلته وقالت الموضوع دا مش نافع كدا 
وهنا بنروح لأغرب تاني قرار هتاخده في حياتها وهو أن الزواج مش مناسب لها 
ببساطة هتمارس حياتها الطبيعية عادي 
وبالنسبة للحياة الجنسية هتبدأ تختار الراجل اللي يعجبها ولازم يكون كبير في السن طبعا 
وله  مميزات معينة بتقدر تحكم عليهم من خلال عينها اللي بالتالي  نظرتها ورؤيتها وتحليلها مختلف تماما عن الشخص العادي 
ومن هنا اختارتهم من بين مجموعة من المناصب الاجتماعية 
بعضهم متزوج والبعض الآخر لا.
وكلهم تسمموا بالزرنيخ 
وكل دا علشان  أنهم كانوا غير مخلصين لها ومش بيحبوها 
ومش بيسمحوا لها تتملكهم وتسيطر عليهم زي ماهي عايزا 
في يوم من الأيام حصل حاجة مش متعودة فيرا أنها تحصل وهي أن زوجة أحد الرجال مشت وراه لحد البيت اللي بتسكن فيه فيرا ولما واجهتها قالت لها ان ماعندهاش فكرة هو مين
والزوجة عالطول ماكدبتش عينها وبلغت الشرطة اللي جت وفتشت المنزل ولقت حاجة غريبة أوي 
وهو انه فيه  قبو مقفول بإحكام 
فتحوه بالعافية 
والغريب ان القبو كله عبارة عن توابيت كل تابوت فيه جثة
كل الجثث دي هي الرجال اللي تزوجوا فيرا واللي قررت أنهم يكونوا  ملكها لوحدها 
تم القبض على فيرا واعترفت بتسميم جميع الرجال الـ 32 بالزرنيخ
كما اعترفت بشئ غريب شوية 👈أنها بتقعد بشكل متكرر على كرسي حطيته مخصوص بين التوابيت و بين الجثث.
قالت إنها تحب أن تكون محاطة بعشاقها 
وأنهم ، بعد وفاتهم أصبحوا الرجال المخلصين اللي  بوضعهم الحالي هو تلبية لكل رغباتها وقمة النشوة والانتصار لنفسها 
حُكم عليها بالسجن مدى الحياة وتوفيت بسبب نزيف في المخ أثناء وجودها في السجن
وبس كدا دا كل حكاية أنهارده 
دمتم في سلام