كل شخص لديه سر يخفيه

اسمي علا في الثلاثينات كدا وطبعا انتو عارفين ان البنات مبتحبش تقول سنها فمشوها في الثلاثينات 
عايشه مع اهلي ماما واخواتي وبابا

بابا عند هذه الكلمة لازم اقف اه نسيت احكيلكم اصل بابا من ساعة ما شوفت الدنيا وهو مش موجود في حياتنا مجرد بس بيدينا شويه فلوس مالوش دعوه بقي تقضي او ما تقضيش هو ده الموجود

قولتولي كان فين اقولكم بقي اصل بابا فاتح محل كدا يسترزق منه عند بيت جدو في البلد فكان معظم الوقت يقضيه هناك بحكم شغله واحنا بقي عايشين مع ماما اللي كانت بتمثلنا الحياه هي كل حاجة بالنسبالي لان اصلا بابا مكنش معانا دايما

المهم عايشين في شقة لا هي كبيره ولا هي صغيرة بس زي ما تقولوا كدا عايزلها عامره من جديد

المهم بقي ان الجديد ان بابا قرر انه خلاص يرجع ويعيش معانا  واننا لازم نتاقلم مع ده تمام ماشي بس بعد ايه بعد 20 سنه حياتي كلها كانت ماما وهنا تبداء الحكايه

ان تصرفاتي غلط وطرقتي غلط وكل حياتي غلط بل والمشكله الاكبر ان ماما كمان بقت تشوف ده وكل يوم مشكله جديده يمكن تكون بسبب كلمه خرجت مني بدون قصد او سلام نسيت اقوله ابتدئت ابعد واهرب وهربت لعالم التواصل الاجتماعي يمكن اخرج بيه من حياتي بالفعل بقي يخرجني من الحياه وانسي بيه كل حاجة

لحد ما بقي ده كمان شيء جديد ينتقضوني بيه والاصعب ان حتي اخواتي بقوا شايفاني غلط 
 
لحد ما وصلت لدرجة كره الذات بقيت نصف انسان 
بتعايش مع الواقع والحياه ولكن بداخلي ميته اصعب شعور هو الانتقاض وبالاخص عندما يكون ممن من المفترض ان يكونوا سند اليكي وعندما تتلقي منهم كل هذا النقض تصبين بحاله من الصدمة والعجز تحاولي الهروب لان في ذلك الوقت هو يكون الحل الامثل تهربين من هذا العالم الي عالمك الخاص التي لم يكن موجود من الاساس ولكنك تهربين اليه

حينما يكون الهروب هو الحل الاوحد فاهرب الي عالمك التي ترسمه لذاتك لحياتك الخاصه في عالمك الخاص مع من تحب مع اناس لا يرونك كما تكون انت ارسم حياتك بشكل التي تفضله واهرب اليها في عالم وردي ملئي بالاحلام

هل هفضل كدا في عالم احلامي ام هستطيع ان اواجه واقعي واوجاعي مره تاني ؟!

ده سوال اللي دايما بساله لنفسي بس تصدقي لحد دلوقتي مالقتش اجابه ليه

ثم نظرت الي التي امامها وقالت : تفتكري هعرف اواجة تاني

ابتسمت تلك الطبيبه التي ترتدي زيها الابيض وقالت :  افتكر اوي ومتوجهيهوش ليه انا شايفة قدامي انسانه قويه تقدر تواجة الناس كلها

ابتسمت علا بمراره وقالت : كان زمان يا دكتور انا كدا مرتاحة

الطبيبه : مرتاحة ازاي بقي

علا بابتسامة لم تصل لعينيها : اهو انا كدا مرتاحة ومريحاهم ماشيه علي الكاتلوج مظبوط زي ما هما عايزين عشان ميبقاش في مشاكل في البيت اصل انا يعتبر كنت سبب تلات ارباع مشاكل البيت

دونت الطبيبه في دفترها كلمات وهي عدم الثقة بالنفس

الطبيبه باستغراب : ازاي ده

علا : ما انا قولتلك يا دكتور بسبب تصرفاتي الغلط

هنا صدمتها الطبيبه حينما سالتها وقالت :  طب والحب يا علا عمرك ما حبيتي

علا بمراره : حبيت كل الناس ودي كانت غلطة كبيره لان اكتشفت ان مش كل الناس تستحق الحب ده

دونت الطبيه في دفتره بعض الكلمات وهي عدم الثقة في الناس

الطبيبه : لا انا اقصد حب وجواز وكدا

علا بضحك : جواز ايه يا دكتور بس  انا بقولك احنا ناس علي قد حالنا هتجوز منين ولا فين الجواز ده حاجة مش للي زي يا دكتور واذا كان اهلي مش طيقيني كدا هيجي بقي واحد يتجوزني بقي طب بذمتك هيتجوزني علي ايه ده انا انسانه نكديه ورخمة و.........

دونت الطبيبه في دفترها التشتت

ظلت تعدد لها مواصفات عديده سيئه ولم تصمت حتي قالت اليها الطبيبه

: اسكتي يا علا خلاص ايه اللي بتقوليه ده انتي مش اي حاجة من اللي قولتيها دي انتي انسانه نقيه وعفويه وطريقة اهلك في ارشادك بس هي اللي غلط لكن انتي مفيش فيكي اي شيء غلط

هنا ضحكت علا بصوت مرتفع قليلا وقالت : انا يا دكتور خلاص عرفت دوايا

الطبيبه باستغراب  : ايه

علا : ان افضل نصف انسانه

بعض الكلمات ان لم تكن اغلبها توثر علي الانسان وبالاخص عندما يكون تلك الكلمات من الاهل الارشاد ليس بالكلام الحاد ولا الجارح لان ذلك يعود بالسلب ولكن الارشاد بالتفهم والاحتواء الانسان ليس كامل كلا منا لديه عيوب ولكن لا تظل تظهر دائما عيوب الغير امامه حاول مدحه واعطائه الثقة بنفسه