المقارنة هدامه وقاتله
🔹️المقارنة هدامه وقاتله🔹️
🔹️سبحان الله العظيم الذى جعل فينا الضعف والقوة .
كل واحد فينا عنده نقاط قوة ونقاط ضعف .
ميزك الله عنى فى أشياء ،وميزنى عنك فى أشياء ،والكل مميز .
👌تملك شيئاً لا أملكه . أملك شيء لا تملكه.
المقارنة هدامه وقاتله لكل علاقة إيجابية 👇
لو عايز تقتل الأمل فى نفسك قارن نفسك بالآخرين .
لو عايز تقتل علاقتك بأولادك قارنهم بأولاد الآخرين .
لو عايز تقتل فيهم الأمل والدافعية للنجاح قارنهم بحد
لو عايز تقتل علاقتك و تفشل فشل زريع ،
اى علاقة 👈(زوج ،زوجة ،ابن ،أخ، أب،أم )
سمعه كلام مقارنة بحد .
🔹️الزوجة بتقارن زوجها 👈شفت فلان عمل ايه لزوجته وجاب لها ايه فى يوم ميلادها كل يوم ميلاد ليها يجبلها حاجة دهب ، شفت السعادة إللى هم فيها 😏
😃حضرتك ما شفتيش غير اللقطة إللى صحبتك عايزة توصلهالك كل البيوت فيها نقص شيء معين ، وربنا ساتر الكل .الله اعطاها شيء واعطاكى أشياء .واعطاكى شيء وأعطاها أشياء ،الكل متساوى .
يمكن ربنا اعطاكى شيء أغلى من الذهب ،هى مفتقداه .
يمكن لو انتى إللى مفتقده الشيء دا، الدهب ما يعوضكيش الفقد وتعيشى تعيسه.
🔹️الزوج بيقارن زوجته 👈 ،شوفتى فلانه عملت ايه لزوجها .
فضلا لا تفتح باب المقارنة، لا يعلم حال وسر الجميع إلا الله .
المقارنة مش هتجبلك غير التوتر والإحباط من نفسك ومن إللى حواليك .
🔹️شايف عيال الناس أصلح من عيالك،
😃 حضرتك مش عايش معاهم ،ماشوفتش مشاكلهم .
️️كل شوية تقارن عيالك بعيال حد وتذلهم بتفوق أولاد الآخرين .
😃إصبر بس على نفسك ،هيكبروا ويعذبوك مقارنة بالأب إللى جاب لأولاده وعمل وسوا .وإنت السبب ،ربيت وكبرت فكرة المقارنة جواهم .
🔹️حتى شغلك لو قارنته بشغل حد ناجح بيسبب لك إحباط ويأس و فقد للدافعيةوبالتالى 👈فشل وظيفى .
إللى إنت شايفه ناجح وأحبطك، زارع من زمان وبيحصد ،
وانت لسه يادوب بتزرع ، أصبر على زرعتك لحد الحصاد .
إوعى تقتل زرعتك بالمقارنة بزرعة غيرك .
👌خليك فى نفسك وركز في هدفك 😃
👌إحذر فالمقارنة قاتله للدافعية وللنجاح وللأمل.
إشتغل على نفسك وقارن نفسك بنفسك مقارنة إيجابية ،
قارن نفسك إنت فى الماضى وانت فى الحاضر ،
واتفائل وافرح بنفسك تنجز كل أهدافك بفضل الله .
لا تقارن ، وكن لنفسك ولمن حولك خير داعم 😃
دمتم أحباب متفائلين و موفقين ومجبورين 🤲
تحياتى للجميع د/ايمان جمال😍
إستشارى نفسي وأسرى
ومدرب دولى معتمد