شعر في حب مصر والوحدة الوطنية
نقول التوهه مش منا
وأحمد مابعدش عن حنا
والأيد لساها ممسوكه
والعين والله معصوبه
عن أي فتنه تسكنا
نقول احمد لساه بيحضنا
وأشواقنا لذكرياتنا بتقتلنا
ف إزاي فتنه هتزورنا
قالوا فتنه لأجل فتنه
لأجل هدم بيتنا
لأجل تهدي نارهم
لأجل علو دارهم
بس فيها رب حامي
فيها صليب بيحضن
فرحة هلال رمضان
فيها حنا يفطر
ويامؤمن ع الأذان
فيها وهما عارفين الي فيها
و إحنا عارفين الي فيها
فبلدي إزاي هتأذيها بهذا الحال
ياهذا الوضع والأحوال
بأمنكم شهاده ع الوحده
وراية الشعب المتحده
وهذه الأيد الواحده
الخالطه دم بالشرايين
بأمنكم برغم اختلاف اللون
برغم اختلاف الدين
ماتختلفوش ...
دي الصوره صورة بشر
والأصل والله وحوش
عبيد المال والأغبيه
والدنيا أكبر ملهيه
وأنا اخويا كان أحمد
وصاحبي كان حنا
فات الرصاص فيهم
عدا الصدر ماأستني
نالوا الشهاده أوام
وإتزفوا ع الجنه
الدم هو الدم
واللون ده من طينها
مصر هي الأم
والكل عارفينها
لو يوم قصدها الشر
تسحر عنيه فيتوب
الشر شافها يادوب
وطي وباس أرضها
ف نبتت حنين جواه
الشر كان ع الباب
كبر وسمي الله
