هل حقا تنطفىء المراة بعد الاربعين ؟

💥 لو فاكرة إن الست بعد سن الأربعين بتكبر و بتطفي.. يبقى أنتي ضحية أكبر كذبة في التاريخ ..⚠️

أكتر وهم بيسيطر على الستات من اول الأربعين هو إن القطر فات بعد الأربعين.. إن الحرق وقف وجسمك خانك وجمالك بدأ ينطفي
الحقيقة إن جسمك مش بيخونك.. إنتي بس لسه بتعاملي جسمك بعقلية سن الـ ٢٠ وده مبيجبش نتيجة

 

خلينا نكسر الأوهام دي بالطب والمنطق من غير تجميل ولا كلام تنمية بشرية 👇

حقائق ضرورى نعرفها: 

🔴 أول حقيقة (صادمة) جسمك مش بيخونك.. أنتي اللي بتعامليه بعقلية المراهقة 
مينفعش تعاملي جسمك في الأربعين بنفس دايت وسهر وتمارين سن الـ ٢٥..
لأن هرمون الاستروجين بيبدأ يرقص (يعنى يطلع وينزل) وده مش معناه يأس ده معناه (إعادة ضبط مصنع) لو فهمتي التغيير ده هتعرفي ليه كرش الأربعين بيظهرلك وليه نومك مابقاش زي زمان. الحل مش في الحرمان الحل في فهم الشفرة الجديدة

🔴 ثاني حقيقة (توجع) الدايت اللي كان بينزلك ٥ كيلو زمان.. هو اللي بيتخنك دلوقتي!
الجسم بعد الأربعين بقى أذكى وأحرص.. الحرمان الشديد بالنسبة له يعني مجاعة فيقوم يقفل الحرق ويخزن كل فتفوتة بتاكليها في (الجناب و الأرداف)
القاعدة الجديدة خديها منى (حرمان = جسم عنيد) لو مش بتلعبي تمارين مقاومة (حديد يعنى ) يبقى أنتي مش بتخسي أنتي بتخسري عضلاتك وبتبوظي شكلك وتصغري مكنة الحرق في جسمك

🔴 ثالث حقيقة (مستخبية) التوتر بعد الأربعين قاتل صامت للرشاقة 
التوتر مش بس ضيق خلق ده هرمون اسمه (كورتيزول).. والكورتيزول ده هو العدو الأول للست في السن ده
الكارثة بقي ان الكورتيزول لما يعلى بيفرمل الحرق تماماً.. يعني ممكن تكوني قاطعة أكل وبتتمرني والميزان ثابت لمجرد إن دماغك مش مرتاحة وجهازك العصبي في وضع حرب

🔴 رابع حقيقة (الحل السحري) القوة أهم من الرشاقة!
بعد الأربعين الكتلة العضلية والعضم بيبدأوا يقلوا.. الست اللي بتتمرن صح مش بس شكلها أحسن دي بتحمي نفسها من هشاشة العضم ووجع المفاصل اللي بيعجز الستات بدري أنتي محتاجة تكوني (قوية) مش بس (رفيعة)

🔴 المفاجأة اللي محدش هيقولهالك بقي 
أن الست بعد الأربعين لما تاكل صح وتتمرن صح وتنام صح .. بتبقى في أقوى نسخة في حياتها
وقتها وعيك بجسمك بقى أعلى والتزامك بقى أقوى وفهمك لنفسك بقى أنضج.. يعني فرصتك إنك توصلي لـفورمة حياتك دلوقتي أكبر بكتير من وأنتي عندك ٢٠ سنة

🔴  من الآخر بقي ...
السن مش عدوك.. الجهل" بجسمك هو العدو الكسل عن فهم هرموناتك هو العدو
الست بعد الأربعين مش محتاجة ترجع شبابها هي محتاجة (تدير) جسمها صح.. وساعتها؟ والله ما فيه بنت عشرينات تقدر تقف في وش هيبتها ونضارتها

الخلاصة: 

⚠️ دي مش مرحلة نهاية.. دي مرحلة وضع القواعد الجديدة

📌 انقذي ست خايفة من الأربعين وفهميها  فوراً.. عرّفي كل ست إن الأربعين هو عز الشباب الحقيقي بس للي فاهمة جسمها صح👌✅