دهبامين دوبامي في الموخ والموخ هو اهم شي في الدنيا
Doormen
تخيل كده معايا ان انت قدامك اربع حاجات اول السوشيال ميديا الثاني الشغل الثالث الدراسه الرابع الجيم ولفيت الازازه وجت على الشغل انت انت وانا هنلم القزازه ونختار السوشيال ميديا عارف ده ليه طبعاً ده الأوبشن اللي أنا وأنت هنختاره بدون تفكير، عارف ليه؟ أنا هقولك دلوقتي.
مخك يا صديقي عشان يحس إنه مبسوط بيحتاج مكافأة، طيب مكافأة المخ دي بتيجي منين؟ من حاجة اسمها الدوبامين، وده ناقل عصبي في المخ مسؤول عن الإحساس بالمكافأة والسعادة.
وفي عصر السرعة اللي إحنا عايشين فيه ده، الدوبامين السريع أو الدوبامين الفوري بيجي من:
الفيديوهات القصيرة (Reels).
السكر (Sweets).
الألعاب (Games).
إشعارات واتساب وسوشيال ميديا.
كل دول بالنسبة للعقل اسمهم "مكافأة فورية"، حاجة سريعة كدة بتعملها بتخلي مخك يحس بسعادة فورية. بس للأسف، من كتر الـ Reels اللي اتفرجت عليها، مخك بقى متعود على نسبة الدوبامين دي، ودلوقتي هو عاوز أكتر.
فبدل ما كنت بتتفرج على Reels عادية، بقيت بتتفرج عليها (Speed x2) ومسرعها عشان تخلصها بسرعة وتدخل على اللي بعدها عشان تاخد جرعة دوبامين زيادة. وأيوه، هو ده إدمان السوشيال ميديا.
مبقتش قادر تقعد مع أهلك أو صحابك من غير الموبايل، مبقتش قادر تتفرج على فيلم أو مسلسل، لدرجة إن الشغل والمذاكرة والجيم، دي كلها حاجات مش بتدي العقل الدوبامين اللي هو عاوزه، وبالتالي بتمل وتزهق بسرعة.
ولكن، هل كدة أنت بتضيع وقت؟ لا خالص، أنت كدة بتضيع نفسك، لأن كتر الدوبامين والحياة السريعة دي هتخلي:
تركيزك يقل.
صبرك يقل.
تزهق بسرعة.
المجهود يبقى تقيل.
والأكبر والأخطر، إن مفيش حاجة بقت ممتعة خلاص، ولا حتى الـ Reels اللي كنت متعود تتفرج عليها وتتبسط. وهنا بتوصل لمرحلة "تعفن الدماغ"؛ أنت عقلك اتهرى دوبامين لحد ما خلاص مبقاش فيه مكان تاني. وده مش كسل، ده إدمان دوبامين سريع زيه زي أي إدمان في الدنيا، وخطره كبير جداً لو معرفتش تسيطر عليه.
طيب والحلم؟
الحل مش إنك تبطل Reels خالص، الحل إنك تعمل حاجة اسمها (Dopamine Reset):
متمسكش الموبايل أول ما تصحى.
اقفل (Notifications).
خلي الـ Reels آخر اليوم مش أوله.
اعمل حاجة فيها مجهود (مشي، جري، قراءة، جيم).
سيب نفسك تزهق عادي.
رجع الدوبامين لمستوياته الطبيعية، وصدقني بعد كام يوم هتحس إن تركيزك بقى أعلى، المجهود بقى أسهل، وهترجع تتبسط تاني بالحاجات البسيطة اللي كانت بتفرحك زمان وما تبقاش easy come easy go يعني ماتبقى ترجع للدماغ وبعديها ترجع الreals
في النهاية كفايه أن انت عضيم في نضر نفسك و مانتساش ان انت قادر تغير نفسك الاحسن والافضل في العالم 🔥 حب نفسك ومتخليش حد يشك في قدراتك انت قد العالم كلهيا وحش وصلي على النبي
