بعد الإنفصال وقبل الطلاق
في مرحله في حياه ناس كتير بيبقوا فيها مش مطلقين بس كمان مش متجوزين 😒
القلوب اتبعدت
البيوت اتقسمت
والمشاعر بقت في حاله توهان مؤقت
المرحله دي اسمها “بعد الانفصال”
يعني لسه في ورقه جواز بس ما فيش حياه
لسه في اسم على البطاقه بس ما فيش حب
لسه في ناس بتسال : عاملين ايه؟
وانت بتجاوب:" الحمد لله"
لكن انت مش عارف انت فين اصلا المرحله دي فيها اللي بيعيش على امل يرجع واللي بيخطط انه خلاص يهرب فيها اللي مش قادر يكمل ومش قادر ينهي
و الاطفال بيبقوا في النص
الذكريات بتتفتح وبتوجع
في ناس بتقول الانفصال راحه.. بس الحقيقه بتبقى مرحله اختبار يا اما تقول فيها انا اتعلمت يا اما تخرج منها جارح او مجروح
في ناس خدت طلاق قرار الطلاق بعد سنين من الانفصال
وفي ناس رجعت بعد شويه من التفكير
اللي بيرجع بعد اسبوع واللي بيرجع بعد شهور وسنين المهم انك تعرف انك مش لوحدك
في اللي بيسال هل اللي بينا خلاص انتهى ولا احنا تعبنا من المحاوله
هل لسه في محاوله اخيره ما اتعملتش المرحله دي محتاجه شجاعه شجاعه المواجهه
المواجهه في انك مش قادر تكمل والشجاعه في انك قررت تقف وتفكر
لكن في الحقيقه في ناس بتفتكر ان الانفصال قرار شخصي لكن للاسف القرار ده لما بيكون فيه اطفال بيبقى صعب وبعيد عن الشجاعه
كنت دايما بقول لو مش سعيد ما تكملش بس لما جت اللحظه دي" اللي لازم اقرر فيها" اكتشفت اني مش بقرر لحياتي انا بس
في حياه ثانيه وراء ظهر القرار
في اطفال وجودهم بيبقى عبء على قدرتك على اتخاذ القرار بشجاعه عبء على انك تواجه نظره المجتمع او الاسئله الموجهه ليك او حتى اسئلتك انت
قوتك مش انك تمشي او تبقى
قوتك انك تحافظ عليهم جوه الحكايه سواء كنت معاهم جوه البيت او بره البيت
الحل ايه؟!
ما فيش حل واحد يناسب الكل لازم نبدا نفكر
هنعمل ايه؟ ونفهم اللي بيحصل جوانا ايه؟
من حقك تتعب، تحس بالفراغ، بالغضب، بالندم، بالحنين او حتى بالذنب
دي مشاعر طبيعيه مش دليل ضعف
لكن كتمان هذه المشاعر الطبيعيه هو اللي بيضعف ويكسر العلاقات والاهم ان لازم الطرف الاخر وواجب عليه انه يتعامل ويفهم بالشكل المناسب.
تابعوني لان لسه في مواضيع كتير هنتكلم فيها ولو عندك مشكله معينه حابب نتكلم او نكتب عنها شاركها معايا.
