التعلم الذاتي وعيوبه ومميزاته وكيفية التغلب عليها
"التعلم الذاتي"
لا شك أننا حالياً في عصر التعلم الذاتي أصبح له أهمية كبيرة فيه وازدات خصوصا اهميته في جائحة كورونا خلتنا مجبرين نتعلم ذاتيا من البيت، بس قبل ما نعرف هنتعلم إزاي عايزين نعرف اي هو التعلم الذاتي اصلا؟
التعلم الذاتي هو إنك انت المعلم والطالب في نفس الوقت من خلال انت بتختار المجال العايز تتعلمه والماتريال ال هتتعلم منها وطريقة التعلم ومعدل التعلم ف بيتميز بالمرونة بخلاف التعلم التقليدي وده الموجود فالجامعات والمدارس في خبراء بيشرحولك محتوي علمي بتلتزم بدراسته في مده معينة وبعدها بتمتحن عليه.
سيدك النبي لما جه وصانا قال
"انما العلم بالتعلم" يعني انت اللي بتبحث وتقرأ وتسأل وبتبحث وبتبذل مجهود في الوصول للمعلومة او المعرفة ومش شرط يكون اونلاين ممكن يكون اوفلاين المهم تكون انت بذلت فيها المجهود والوقت لهذا.
عرفنا معني التعلم الذاتي والفرق بينه وبين التعلم التقليدي ولكن ممكن التعلم الذاتي يكون اوفلاين؟
اكيد من خلال حضور مؤتمر في مجال اهتمامك مثلا او تاخد كورس معين يقصر عليك مسافات ووقت كتير او تحضر ورك شوب او ايفينت يجبلك الخلاصة وكل التحديثات فالمجال وزي ماتفقنا هنا انت رايح تحضر مش مفروض عليك إنك تحضر، وبذلت مجهود ووقت لكي تحصل علي المعلومة، وبيختلف عن اونلاين إنك تقدر من خلال اونلاين تحضر اي حاجه من مكانك في بيتك مدام متوفر معاك نت وتليفون او لابت توب من خلال تشوف كورسات او مقالات وبتاخد شهادة بيها تحضر سيشن عن مجالك فبيتك وهكذا......
وزي ما اي حاجه ليها عيوب ومميزات برضو التعلم الذاتي له مميزات وعيوب عديده منها
المميزات
المرونة في اختيار المادة او المحتوي او المجال العايز تتعلمه ومعدل تعلمه ممكن توقف في اي وقت وتكمل في اي وقت عادي جدا، لك القدرة علي التحكم
Anytime, anyone, anywhere
الإتاحية تقدر توصل لمصادر كتير جدا وفي بعض الأحيان بيمثل عيب لانه ممكن يكون تشتت في عملية التعلم
التفاعل تقدر من خلال بعض المنصات تتواصل مع المحاضر وتبعتله علي الإيميل ويرد عليك عادي جداً ويبعتلك مصادر توضح لك عن سؤالك
مش محتاج منك غير وصلة نت وجهاز سواء تليفون او لاب توب
بعض المجالات مثل البرمجة والتسويق الرقمي و التصميم لا يوجد جهة حكومية متخصصه في تدريس ذلك ف online learning بيوفر ده بشكل قوي وبتمثل ميزة قوية جدا
بالنسبة للعيوب
فكرة عدم الاستمرارية وأنه بعض الناس بيبدا الكورس ومش بيكمل فيه وده بسبب عدم وضوح لتعلم المجال او المهارة إسمها big why فلازم تعرف له انت عايز تتعلم المهارة او المجال ده ويرجع ايضا إنك في بداية الرحلة مش راسم مشروع وخطة محددة لها زمن محدد وأهداف واضحة تسعي لتحقيقها
اللغة : معظم المحتوي القوي دايماً بيكون باللغة الإنجليزية وده للأسف بسبب نقص في المحتوي العربي فلازم تعرف مستوي اللغه الانجليزيه عندك او تختار منصة تعلم ذاتي باللغة العربية فالبداية وبعد ذلك ممكن تبدا كورس باللغة الإنجليزية وسوف أخبرك لاحقاً تحل المشكلة دي ازاي وتتعلم فين وإزاي تختار الكورس المناسب
الإتصال بالإنترنت : لو انت شخص عندك مشكلة معندكش وصلة نت بعض المنصات تتيح لك الفرصة في إنك download للكورس وتشوفه فممكن تروح اي مكان تنزل في الكورس او الفيديو وبعد كده تشوفه براحتك
الإلتزام : الإلتزام بمهارة التعلم اصلا والاستمرارية في تعلم او إكمال الخطة كتير مننا بيعاني فالنقطة دي وخصوصا في بداية لانه ببساطه ي صديقي التعلم مثل اي عادة بتبنيها فالبداية بتجد صعوبة في الإستمرار لوقت لإكمال مهمه معينة او درس او وحدة معينة فده طبيعي فالبداية ولكن بعد فترة وبعد تكون عادة التعلم الذاتي تقدر تتعلم بدون صعوبة نهائيا وعن تجربة وزي ماقولتلك السبب وراء ذلك ايضا عدم معرفة سبب الأساسي لتعلم هذا المجال
كده عرفنا ي صديقي اي هو التعلم الذاتي والفرق بينه وبين التعلم التقليدي وانواع التعلم الذاتي اوفلاين اونلاين ومميزات وعيوب التعلم الذاتي وده كان اول مقال من رحلة التعلم الذاتي المره الجاية ان شاء الله هنعرف انت إزاي بتتعلم اصلا وهنفهم بعض المعلومات عن دماغنا عشان نعرف إزاي نتعلم بطريقة فعالة وصحيحة
اشوفك بخير
#التعلم_الذاتي
#المقال_الاول
