هل علميا ممكن تنحدر البشرية كلها من ذكر وانثي فقط .. ؟
هل علميا ممكن تنحدر البشرية كلها من ذكر وانثي فقط .. ؟
- خلينا متفقين أن فكرة خلق الانسان من الطين اتذكرت ف جميع الحضارات القديمة والأساطير القديمه ف البابلية والسومارية والمصرية القديمة الخ يعني عندك ف
السومرية ، خلق الآلهة إنكي أو إنليل عبدا للآلهة والبشرية من الطين والدم وشكله لبداية الخليقة
- ف المصرية القديمة بدا الإله خنوم يخلق أطفال من الطين قبل ما يحطهم في رحم أمهاتهم علشان تبدأ الحياة
- ف الأساطير اليونانية بروميثيوس يخلق البشر من الماء والأرض
- في الزرادشتية الإله اﻷعلى أهورمزدا ينشئ البشر من الطين لبدا الخلقية بذكر وانثي
- في ملحمة جلجامش اتخلق إنكيدو من قبل الإله أرورو من الطين ليكون شريكًا لجلجامش وبداية الحياة
- في ملحمة الخلق البابلي إنوما إليش Enuma Elish خلقت الإلهة نين هورساج Ninhursag البشر من الطين
- في الهندوسية ، فإن والدة غانيش بارفاتي صنعت غانيش من الطين وحولته إلى لحم ودم
- في الإنكا شكل الإله الخالق Viracocha البشر من الطين في محاولته الثانية لخلق كائنات حية لبداية الخليقة البشرية
- بمعني اتذكر ف جميع الحضارات القديمة والأساطير القديمه أن الإنسان اتخلق من الطين قبل ظهور الأديان الإبراهيمية عموما
- طيب هل فعلا الإنسان اتخلق من الطين ؟
- علشان نجاوب علي السؤال ده لازم تعرف الاول الكائن الحي بيتكون من ايه .. ؟
- الكائن الحي بيتكون من عناصر أساسية زي الهيدروجين والأكسجين والكربون والكالسيوم
- طيب الطين .. ؟ بيتكون من السليكا والتيتانيوم والكوارتز وبيفتقر جدا العناصر الأساسية الموجودة في الكائن الحي لكن العناصر دي موجودة في الكائنات الحية البحرية وده بيدعم نشاءت الحياة في البحر قبل 4.2 مليار سنة ..
- طيب عمليا هل ممكن تنحدر البشرية كلها من ذكر وانثي فقط .. ؟
- العلم قال لا مينفعش تنحدر البشرية كلها من ذكر وانثي بس الاختلافات الجينية داخل جسم الكائن الحي بمعني اقدم امرأة مستمر نسلها لحد الان كانت عايشة قبل 157 الف ل 135 الف سنة واقدم رجل مستمر نسله لحد الان كان موجود قبل 250 الف سنه 206 الف سنه لو جينا نشوف الفرق بين 157 بتوع المرأة وال 206 بتوع الراجل هيطلع حوالي 48 الف سنة يعني استحاله يكونوا اتقبلوا اصلا وطبعا انتوا عارفين أن من خلال كروموسوم واي بتعرف الاب والجد وجد الجد والجد الخمسين كمان ومن خلال الميدوكوندريا بتعرف الام بالإضافة أن فكرة ظهور الاعضاء التناسلية والذكر والأنثى بدأ متاخر جدا من عمر نشاءت الكائنات الحية يعني الحياة بدأت من 4.2 بليون سنه وتميز الذكر والانثى كان قبل 385 مليون سنة وكان ف البحر لسمكة مشهورة جدا اتوجدت حفريتها ف اسكتلندا سنة 1888 اسمها Placoderms بمعني قبل كدا مكنش ف تميز وظهور أعضاء تناسلية بمعني مافيش ذكر وانثي ، يعني عندك نوع اسمه Schizophyllum commune ده لوحده 28 الف نوع جنس متخيل لان التكاثر في البداية كان تكاثر من 2 مليار سنة عن طريق انتاج الخلايا الجنسية وتلقيها فى تيارات المياه أو الرياح وتنقلها بدون اي اتصال بين الذكر والانثى لان مكنش في تميز اصلا و طبعا زي ما قولت التميز الاعضاء ظهر من 385 مليون سنة في الأسماك وظهر في الجينات قبل 185 مليون سنة و استمرت الجينات المسؤولة عن تكوين من اول الأسماك لحد وصول الإنسان
- كام 28 الف نوع انت بتهزر ازاي يعني ؟
هقولك اقرا عن Stromatolites وهتفهم وسبني اكمل البوست
- طيب سؤال دلوقتي انت بتدعم نظرية التطور الحقيقة العلمية زي ما بتقول مش ممكن يكون البشرية فعلا بدأت بنظرية التطور وبعد كدا انقرض كل البشرية من عدا ادم وحواء وهما ال عمروا البشرية جائز يبقي كلامي وكلام صح اهو .. ؟
- هرد اقولك للاسف كلامك بردوة غلط لان احنا بالفعل عملنا الموضوع ده لتأكد عن طريق أننا جينا اتنين أفارقة واتنين أوروبيين و 1 صيني و 1 كوري وشوفنا اقدم سلف مشترك ليهم عن طريق تقنية علمية اسمها Molecular analysis ال بناخد منها sequence من الجينيوم ونشوف الطفرات ال حصلت ف كل دول اتوحدت ف انهي كائن وكان عايش أمتي علشان نعرف حاجه اسمها Effective population size اكتشفنا أن البشرية كلها اتعرضت لكارثتين كبار مرة قبل 2 مليون سنة وانخفض عدد البشرية من 10 ل 15 الف وبعدين ارتفعت تاني ل 29500 ومرة قبل 50 الف سنة ووصل عدد الموجودين 6900 منهم 5700 أفاارقة و 1200 أوروبيين وغيره ..
- الاتحاد الدولي لحفظ الطبيعة IUCN قال انحدار السرية من ذكر وانثي فقط هو مش أمر صعب لكن ده أمر مستحيل علمياً يحصل مهما كان لان بسبب التقارب الجيني بيطلع الشخص عنده عيوب خلقية واقرب دليل علي كدا سكان تشيكوسلوفاكيا عندهم 40 % إعاقات من ضمن 40% دول ف حوالي 14% بيموتوا يعني أو افترضنا أن السكان دول حوالي 1000 ف في اكتر من 400 عندهم عيوب خلقية و من 400 دول ف حوالي 56 بيموتوا بشكل مستمر فتخيل يحصل ده ف 7.8 مليار الموجودين دلوقتي عندك بس هيحصل 3.1 مليار شخص اعاقات ومن 3.1 مليار ف حوالي 450 مليون ماتوا لكن ده مش ملحوظ بشكل كبير لا ف الماضي ولا ف الحاضر و في بردوة حاجه اسمها Inbreeding coefficient بيقولوا إن لو اتجوزت بنت قربتك 40% من الحيوانات المنوية بيحصلها خلل وبتقل جودتها وبتاثر علي الحمل ..
- لو جينا نبص بصه علي الطب البشري هنلاقي من خلال الأبحاث العلمية والتحاليل أن أقدم فصيلة دم كانت O وظهرت قبل 50 الف سنة ، تاني فصيلة ظهرت كانت A وكانت قبل 25 ل 15 الف سنة ، تالت فصيلة ظهرت كانت B وكانت قبل 15 ل 10 الف سنة ، رابع فصيلة ظهرت كانت AB قبل 1200 سنة يعني لو ادم وحواء اول البشر مع الكارثة التانية ال ظهرت من 50 الف سنة يبقي كانوا O وطبقا لعلم الوراثة O في O مش هيطلع ابدا A ، B , AB ولا هيكونوا من نسله وطبعا A لوحدها هكذا و B لوحدها هكذا ، طيب لو أحدنا A ف B هيطلع لينا A و B و O وبكدا يبقي كان ف بشر قبل وقت ادم إذا مش هييقي اول البشرية نهائي ..
- طيب لو اعتبرنا أن أول إنسان في الكوكب كله يعني هو مهد البشرية هيبقي مش متناسق مع علم الحفريات لان علميا مافيش حاجه اسمها طول انسان كان 37 متر او حتي 30 متر او حتي 9 متر استحاله .. ؟ طيب ليه .. ؟ تعالي نفسر الاول الوقت ال كان فيه وبعدين نقول ليه مينفعش يكون ف كائن بالحجم ده
- علميا مهد البشرية بدأ من أولدوفاي شمال تنزانيا ف افريقيا قبل 2.4 مليون سنة ل 1.3 مليون سنة بظهور اول هومو في تاريخ الكوكب اسمه Homo habilis وكان طوله حوالي 130 سم وحجم جمجمته من 560 ل 687 سم وبكدا يبقي مافيش حاجه اسمها طول ادم كان
ملحوظة علشان الناس ال بتفضل تسال هو العلماء بتعرف ازاي أن دي جمجمة قرد أو اشباة بشر أو بشر وكدا بص لو الجمجمة حجمها اقل من 500 سم يبقي قرد ، من 560 مثلا ل 970 ده أشباه بشر ، من 1000 ل 1300 بشر
- طيب لو أول بشري من جنسنا ال هو Homo Sapiens فكان طوله لا يتعدي 183 متر وحجم جمجمته اكبر من أشباه البشر واقدم حفرية كانت ف المغرب ف جبل ايغود عمرها حوالي 310 الف سنة وبكدا بردوة بتنفي وجود حفرية طولها 37 متر ..
يقوم يطلع شخص دلوقتي يقولي ازاي انا بشوف حفريات كتير طولها كبير ويسرش علي جوجل ويطلع وهياكل عظمية كبيرة وناس بترجح أن آدم وناس تقول ده قوم عاد ازاي مافيش امال الهياكل العظمية دي منين وبعدين كان ف حفرية طويله جدا اتنشرت وقالوا ده حفرية سيدنا ادم وأسلم بسببها علماء كتير ؟ وال اكتشفها ناشيونال جيوغرافيك بواسطة الجيش الهندي ؟
ترد عليه وانت هادي تقوله هات مصدر كلامك وهات اي حد ف اولي ثانوي قوله الصور الي قدامك دي حقيقة واللي فوتوشوب ولو مقالكش أنها فوتوشوب يبقي بحق وثانيا اديك قولت الجيش الهندي ما علينا هو ناشيونال جيوغرافيك طلعت نفت الخبر اصلا وبدأت تحقيق ف الصورة لان فعلا كانت عامله ضجة كبيرة في 2007 واستخدموا طبعا مواقع إلكترونية متخصصة ف فضح الاساطير والخرافات دي وكان أهمهم موقع ( Snopes ) ال موجود في الولايات المتحدة الأمريكية ال قدر يعرف أن الصورة دي اترفعت علي موقع اسمه Worth 1000 وده موقع متخصص في مسابقات الصور المعدله والصوره دي كانت بعنوان اسمه العمالقة واخدت المركز التالت ف مسابقة ف 2002 و ال اتسمت ب Archaeological Anomalies 2 وقدره يوصلوا ل صاحب الصوره كمان متخيل وقال أنا مش عاوز اكشف هوايتي لان الجدال دخل ف الدين والعقائد وانا مش عاوز مشاكل لان انا راجل مسالم وللاسف متنشرتش ف الفيس بوك بس لا دي كمان السعودية استخدمتها لدعم المناهج الدراسية هناك وحاجه كدا شبه العصور المظلمة
- طيب هل فسيولوجيا أو رياضيا و طبيآ جسمه ينفع يكون ف كائن بشري بالحجم ده .. ؟
تعالي نبدا بالرياضة :
ف قانون مشهور جدا اسمه المربع والمكعب القانون ده بيشرح العلاقة بين حجم جسم ما ومساحة سطحه لما يتغير مقاسه ويقولنا أن في حال ازدياد مقاس جسم ما فإن حجمه هيزداد بمقدار أعلى من مساحته يعني باختصار لو زادت ابعاد الجسم زي الطول فبتالي حجم الجسم هيزيد بمعدل أسرع من مساحته و وده هيخلي العضم مش هيتخمل أنه يشيله على رجلين و يمشي و يجري كمان واقرب دليل روبرت وادلو ال كان طوله حوالي 2.7 متر كان بيحتاج عصاثة مشي ومقاويم مثبتة حولين رجليه علشان يعرف بس يمشي بالإضافة الارض ال ماشي عليها بالحجم والوزن ده هتنهار طبقا لقانون الضغط لان الضغط = الوزن/المساحة فبتالي هتضاعف فهينتج أن ادم مش هيستحمل يمشي غير علي الصخور لكن الرمال والأتربة استحاله لان رجله ف كل مره هتغرس بشكل مستمر نتيجة وزنه الهائل
- طيب نجح ومشي علشان طبعا يدور علي مصدر غذائية الأساسي علشان يقدر يعيش هو وزوجته وأولاده فطبقا لقانون كلايبر معامل ال بيقول أن معامل التمثيل الغذائي يتناسب طرديا مع زيادة و الحجم يعني بشوية رياضيات كدا هيطلع أن بياكل قد الإنسان العادي حوالي 512 متخيل يعني هو مفروض تقريبا يوميا ياكل طن وحاجه اكل علشان بس يكفي ومش هو بس لا هو وزوجته وأولاده ومحتاج وقت ايه يدور ويتحرك ومدة حمل حواء هتمد لسنوات لان اكيد الحجم ده مش هيتناسب مع الحجم العادي للإنسان احنا 170 سم ونتكلم ف 37 متر
طيب فسيولوجية هل ينفع يعيش شخص بالحجم ده وشكله هيبقي عامل ازاي وطريقة تفكيره .. ؟
العمليات الذهنية والحيوية هيبقي فيها خلل لان معتمدة علي حركته وتفكيره ووعيه والحجم الكبير ده سرعة انتقال الإشارات الكهربائية عبر الجهاز العصبي بتبقى ثابتة 120 م/ث مقارنة بالحجم فرد فعل آدم هيبقي أبطأ من الإنسان الطبيعي بستة 16 مرة والمحفزات الخارجية ال مفروض الانسان العادي يعرفها ف أقل من الثانية هتستمر معاه ف اربع دقائق وده طبعا هياثر في ذكائه وتفكيره
- تأثير الجاذبية علي الاعضاء هياثر بشكل كبير علي الكبد والكلي والقلب وقدرة المخ ال بدورهم هياثروا علي جميع اعضاء الجسم وهيبقي عائق كبير زي ما حصل مع روبرت وادلو في سن 22 عام وهيخلي يموت ف سن صغير بسبب وجود صعف في الأعضاء
- طيب اي السبب ال ممكن يخلي الشخص زي Robert wadlow عملاق بالشكل ده او اي شخص عموما .. ؟
- ورم حصل ف جزء من الغدة النخامية Pituitary gland وهي غدة قد فص التوم كدا ال بدورها بتعمل علي إفراز هرمون النمو بطريقة غير طبيعية
- في علم اسمه علم الاركيولوجيا Archaeology وده علم بيدرس الماضي البشري باستخدام بقايا المواد يمكن أن تكون هذه البقايا أي كائنات أنشأها الأشخاص أو عدلوها أو استخدموها زي الادوات الصيد الي صنعها الإنسان البدائي واكتشاف النار وغيره فحسب علم Archaeology لا وجود علي ادم وحواء اللي جاءت منهم البشرية
فالملخص مافيش كاىن ظهر بالحجم ده او ظهر في الماضي بالحجم ده او هيظهر في المستقبل بالحجم ده واستحالة علميا تبدأ البشرية بذكر وانثي فقط
طيب المفروض الرواية الصحيحة لنشاءت الإنسان ايه ...
تبدأ بظهور Primates قبل 64 مليون سنة ال كانت منقسمه لنوعين نوع اسمه Prosimians زي اللوريس والليمورس و النوع التاني اسمه Anthropoids ال جاب Agyptopithecus ، تعالي نرجع بالزمن 33 مليون لحد 25 مليون سنه وال كان عايش ف صحراء الفيوم حفريته تم العثور عليها وموجودة دلوقتي ف المتحف الجيولوجي في كورنيش المعادي تحت حراسة مشددة جدا اكتر من حراسة رئيس الجمهورية شخصيا المهم Agyptopithecus ده ال انقسم لنوعين نوع Apes و نوع قردة العالم القديم Old World Monkeys ال بعد كدا تطورا اكتر وبقوا القرود الموجودة في حديقة الحيوان دلوقتي ( علشان لما حد يستظرف عليك ويقولك طلمه اصلا قرود امال قرود دي متطورتش ليا لإنسان قوله علشان القرود اصلا متطورة زي البشر وده فرع واحنا فرع وعلشان التطور بيمشي في شكل شجيري مش افقي ) نكمل أما ال Apes انقسم فرعين واحد اسمه Great Apes و الجيبون Gibbon وطبعا هنعمل زوم علي Great Apes القردة العليا الفرع ال طلع منه الغوريلا بأنواعها والشمبانزي بأنواعه والبونوبو والأورانج أوتان بأنواعهم و أيضا الإنسان Homo Sapiens وكل أسلاف البشر المنقرضة زي الانياندرتال و Homo habilis و Homo Erctus الخ بقي باختصار نظرية التطور بتشرح Biodiversity مش Abiogenesis نهائي وبتبدا السلسة الاولي من انفصال من سابعة مليون سنة بظهور مجموعة منعزله تعرضت لظروف بيئية مختلفة أدت لبروز طفرات جينية أيجابية طوّرت من صفاتها الجسمية والعقلية فيما أستمرت باقي جموع الشمبانزي دون تطور وتبدأ Sahelanthropus ثم Ardipithecus ثم Australopithecus afarensis ثم ظهور مهد البشرية كلها واول هومو هابيلس ف شمال تنزانيا بمعني بشكل اوضح تطور البشر وأشباه البشر بيبدا ب Sahelanthropus ثم الجد الاكبر المشترك من أشباه البشر والبشر Tourawine oujonsisse وكان عايش ف كينيا قبل 6 مليون سنة وده طلع منه فروع كتير جدا بس طبعا هتكلم بس علي ال يهمنا وهو Ardubuducusse النوع ده انحدر منه خمس انواع يهمنا نعرف النوع ال يخصنا وهو Ardubuducusse Kamidusse ثم ظهر بعدها نوع اسمه Australopithecus وال انحدر منه انواع كتير كان أهمها Australopithecus afarensis ال أشهر حفريتهم جدتنا الكبيرة لوسي و ال طلع منها فرعين فرع الإنسان الاثيوبي Paranthropus aethiopicus وفرع Australopitek gari يهمنا جدا نعرف ال Australopitek gari ال ظهر منهم اول هومو ومهد البشرية كلها ف شمال تنزانيا وبالتحديد وهو Homo habilis وظهر بعده بفترة قصيرة Homo rudolfensis و Homo ergaster ، اعمل اسكوب علي Homo ergaster ال طلع منه نوعين وهما Homo erectus و انسان الهيدربورخ ، انسان الهيدربورخ طلع منه النياندرتال رجل الكهف و Homo Erctus طلع منه Homo heidelbergensis ال طلع منه Homo Sapiens ال هو احنا
- طيب اي الأدلة السلوكية البسيطة ال بتقول إن نظرية التطور حقيقة علمية مؤكدة واننا جينا عن طريق سلف مشترك .. ؟
- اول حاجة Hiccups ال هي الزغطة بالعربي كدا وده حدوث انقباض مفاجئ في الحجاب الحاجز مصحوبًا بصعود الجزء الخلفي من اللسان مع سقف الفم للأعلى وانغلاق الأحبال الصوتية وال بنتشارك فيها مع البرمائيات ال اسمهم العلمي Amphibians لنأخذ Tadpole بمعني يتنفس الشرغوف ال هو صغير الضفدع في المياه عن طريق ملء فمه بالماء ثم ينقبض لسان المزمار Glottis فيقوم الشرغوف ( صغير الضفدع) بدفع المياه ل الخارج عن طريق الخياشيم ..
- من ضمن الادله السلوكية بردوة Palmar grasp reflex ال هو منعكس القبض الراحي ، بص علي اي طفل لسه مولود هتلاقي بتنقبض أيده حولين أي شيء يلامس أسطح أيديهم وده رد الفعل في صغار القرود علشان يساعدهم على التشبث في شعر أجساد أمهاتهم لكن دلوقتي مبقاش ليه وظيفه رئيسية لان الجسم البشري لا يملك كمية الشعر الكافي ال بتسمح بتثبيت الأطفال فيه ..
- من ضمن الأدلة بردوة عضلة اسمها Arrector pili muscle العضلة دي لما بيحصلها انقباض بتخلي الشعر يقف ؟ فيتسبللك القشعريرة .. ؟ ال انت بتحسها ؟ المهم العضلة دي بيستخدمها معظم الثدييات لما تعرض لخطر أو ف حاله السقعة والبرد وطبعا كانت موجوده عند الشمبانزي و القطط ليها وظيفة لأنهم كانوا بيمتلكوا شعر كبير لكن الإنسان معندوش الكمية الكبيره دي
او الشعر الكافي ده فبقت بالنسباله Vestigial structures لا اكتر ولا اقل بس رغم كدا لما بتعرض لسقعة أو موقف خوف أو دفاع وليكن كلاب بتجي وراك بتلاقي العضلة انقبتت و بتحط ايدك علي قلبك وتقول ياه ده شعر رجلي و **** وقف ..
- ده طبعا غير الأدلة التشريحية والاعضاء الضامرة والسجل الاحفوري وعلم الجينات الموضوع يطول ممكن نزل غير الايام الجاية باذن الله.
