تفاصيل وكواليس وفاة اللاعب أحمد رفعت لاعب نادى فيوتشر والزمالك سابقا
وفاة اللاعب أحمد رفعت لاعب نادى فيوتشر والزمالك سابقا
شاب رياضي، معاه فلوس وحياة الناس تتمناها، مرة واحدة يسقط بدون تدخل، يحتاج فترة للتعافي، ثم يتعافى، ويطلع في لقاء يطمن الناس عليه، ثم ينتكس وفجأة يتوفاه الله! حيث كانت
جنازة احمد رفعت بالأمس السبت الموافق ٦ يوليو ٢٠٢٤
هي دي الدنيا باختصار شديد، ومن لم يعتبر بهذه الأمثال عمر ما هيكون له واعظ، قبضة القلب اللي حصلتلك لما سمعت الخبر هي خير دليل على ذلك.
كلنا رايحين لنفس المصير، مهما اختلفت الطريقة، المهم مين فينا مستعد…
تفاصيل اللقاء بين أحمد رفعت وإبراهيم فايق قبل الوفاة بأيام
(( من الظهور الإعلامي الأول لأحمد رفعت بعد وعكته الصحية .. والأخير لأنه توfـى بعد أيام من ظهوره مع إبراهيم فايق وكلامه عن تحسن حالته الصحية .. ربنا يرحمه 💔 ))
- عايزك تاخد راحتك وتبتدي تحكي من الحتة اللي عايز تحكي بيها للناس لأنهم كانوا بيسألوا عليك طول الفترة اللي فاتت
= الحمدلله بشكر كل الناس .. اللي حصل معايا حاجة ماتمناش إن أي حد يمر بيها تمامًا .. كان صعب عليا الموضوع وعلى أهلي خصوصًا اللي شوفته بعد كدة لحد ما فوقت لأني قعدت فترة طويلة مش موجود .. حوالي أكتر من 3 أسابيع مش موجود ومش بتكلم ونايم تقريبًا
- تعالى ناخدها واحدة واحدة من أول سقوTـك في الملعب
= بص أنا مش فاكر خالص اللي حصل في الملعب ولا فاكر الماتش ولا اليوم
- ولا أي حاجة ؟
= لا خالص مش فاكره ولا فاكر كنا بنلعب مع مين .. الموضوع صعب لأني قعدت فترة على جهاز تنفس صناعي ومكنش معروف هكمل ولا لأ .. مش واضح حتى للدكاترة
- حمدالله على سلامتك يا أحمد
= متشكر .. أنا شوفت الفيديو أكتر من مرة بعد ما فوقت وشوفته من شوية عشان عارف إن احنا هنتكلم في الموضوع لقيتني مش عارف أيه اللي حصل
دي حاجة كانت شاغلاني واتكلمت فيها مع الدكاترة إني أعرف أيه اللي حصل ومحدش كان عنده تفسير لحد من يومين كنت عند الدكتور بدأ يسألني عن حاجات حصلت قبل الماتش
- أيه اللي حصل ؟
= حاجات قـLسية شوية .. أمور ضغطت عليا نفسيًا وتقيلة
- التجربة دي أثرت فيك؟
= طبعًا .. أكتر حاجة إن أي بني آدم لازم يبقى فاهم إنه في لحظة ممكن مايبقاش موجود مش هيتبقى غير إنك تبقى كويس .. حصلت معايا مش في البيت ولا حـLدثة لأ وأنا في الملعب وبجري
- طب انت شوفت أيه؟ الحمدلله إن ربنا ردك بالسلامة بس فيه شريط جه في دماغك ولا مجاش ؟
= هو اللي حصل إن قلبي وقف وده وارد إنه يحصل في أي وقت وأكتر حد معرض إنه يحصل لده هو أنا لأني لسة قايم من التعب فـ الفكرة كلها إن الموضوع مقلق إني قاعد مش عارف أيه اللي ممكن يحصل .. هكمل مش هكمل
- بعيد الشر عنك هتكمل
= لأ هو في الآخر كلنا هيحصلنا كدة يعني
وعلق الدرديري على وفاة أحمد رفعت قائلا:
اخر ظهور لاحمد رفعت في حياته كان معاك انت و لما قال إن اللي هو فيه دا كله بسبب مسؤول رياضي بفعل فاعل كان معاك انت الراجل طبيعي مش هيقول علي الهوا مين هو الشخص ، لكن اكيد في الكواليس انت كنت عايز تعرف مين و اي القصة و مليار ف الميه أحمد رفعت قالك.
انت اعلامي كبير ومحترم يا ابراهيم و افضل اعلامي رياضي في مصر بلا منازع و اعلامي ابن اصول ومتربي وبتقول الحق علي رقبتك بس هل ممكن تيجي هنا تقف طيب حتي لو متعرفش في حلقة النهارده هات هيثم عرابي او نادر شوقي مش صعبه عليك
اللي يعرف حاجه يتكلم . . حق أحمد رفعت لازم يجي
