اقرأ يا شيخ قفاعة
كلمات : بديع خيرى ألحان : سيد درويش
غناء : سيد درويش اتغنت سنه 1919
- - - - - - - - - - - - - - - - - - - - - - - - - - - - - - - - - - - - - - - -
اقرأ ياشيخ قفاعة تلغراف آخر ساعة
اللي في جورنال البورص
و أنا أبقى أحلق ذقني إن ماكنتش ترقص
ترقص ترقص ترقص
الصبح صبح قلسطة و العيشة هتبقى قشطة
يا قساتذة قولم هش
يا قساتذة قولوا براوة دي الحرب خلاص فينيشٌ
فينيشٌ فينيشٌ فينيشٌ
بعد أكل التسقية و السلطة و الطعمية
اللي بتهد الحيل
نرقع لنا اقتين ثلاثة من لحم الخيل ارقع
ارقع ارقع ارقع
ياما بكرة حنبقى نقلّس ع التجار لما تفلس
و زي ما نتفلق
يتفلقوا هما كمان و احنا نضحك هقهق
هقهق هقهق هقهق
و ما دام الضاني غالي و كذلك العجالي
مش لازم ندقق
حصاناً أو حماراً أو بغلاً مش راح نعتق قبداً
قبداً قبداً قبداً
يالا نقلوظوا العمة ألا مودا و نستحمى
بصفيحة كالونيا
و نسافر على اوروپا نتفرج ع الدنيا
دنيا دنيا دنيا
نسوانها قلماظية ماتقولش مهلبية
قبداً قبداً إيش جاب
قربت أسيح قربت أسخسخ قربت أتكهرب الحق
الحق الحق الحق
يا سلام على حطه بطه نطه بطه نطتهن
على خفه نتفه خفه نتفه خفه نتفتهم ترلم ترلم ترلم
سيبك م الفقهنة خالص من بكره هتبقى لابس بدل العمة كاسكيت
فوز آفيه قالت ب ت كسكيليا
ياعلي يابتاع الزيت
روميو و جوليت في البيت
قرشت مرشت قرشت مرشت فرشت و قالت اقعد
قرشت مرشت قرشت فرشت يا حلاوتها فيري جود
فيري جود فيري جود فيري جود فيري جود
— -----------------------------------------------------------------
توضيح : الأغنيه معناها إستهزاء و سخرية على أوضاع المجتمع فى مصر فى ذلك الوقت و بها سخرية من أوضاع الوطن
و رد فعل الفقهاء و المتفاصحين و المثقفين و الذين يدعون الفهم و ان الفكر و الفهم مختص بهم دون عن غيرهم
الأغنية بها إستهزاء على طريقة نطق كلمات فى اللغة العربية مثل حرف ال ( ق ) ينطق فى اللهجه المصريه ( أ )
مع المبالغة فى حرف القاف بالإضافة لكلمات باللغة الإنجليزية و الفرنسية المنتشرة بذلك الوقت
سيد درويش إبن الإسكندرية المولود بكوم الدكة هو فنان الشعب لأنه اهتم بالغناء لجميع طبقات و طوائف الشعب المصرى بمختلف ثقافاته المتعددة
و من أعماله أيضاً
يا ورد على فل و ياسمين - إحنا الجنود - أحسن جيوش فى الأمم جيوشنا
