كيف تعرف إنك مصاب بالرهاب الاجتماعى
مفيش حد فينا طفولته محصلش فيها موقف محرج سواء كان مع الاهل او فى المدرسة أو تجمع عائلى أو مع صحابك موقف ثبت فى ذاكرتك ولد جواك خوف من إنك تتعرض للإحراج لو اتجمعت مع عيلتك او اصحابك او حتى و انت رايح مناسبة او رايح تحضر محاضرة او درس وفى أوقات بتيقى واهم نفسك انك بتخاف من اى تجمع هنا يبقى لازم نعرف ايه هو االرهاب االاجتماعى ؟!
بكل بساطه هو انك تخاف من انك تتعامل او تتكلم مع ناس غريبة تخاف يجمعك موقف محرج من الماضى تخاف تحضر اى تجمع تعرفه او متعرفهوش بسبب خوفك من إن حد يحرجك و انت تحرج نفيك
و هنا فيه ناس تتلخبط لان ممكن تخاف من تجمع و فى نفس الوقت تحب باقى التجمعات متعرفش تحدد هى مصابه بالرهاب الاجتماعى ولا ؟! بكل بساطه هى مصابه بدرجه بسيطه من الرهاب و كل اللى عليها إنها تقنع نفسها ان ده كان فى الماضى و تعرض نفسها لنفس الموقف او موقف مشابه على فترات متباعدة و مع إقناع نفسها هتتعافه و هتتعامل مع اى موقف
و هنا نسيبك تراجع ذكرياتك و تحدد انت مصاب ولا عندك جزء بسيط محتاج تتعامل معاه
لو كنت رجعت ذكرياتك و لقيت نفسك فعلا عندك مخاوف كتير فهيدور فى ذهنك التالى
اى طرق علاج الرهاب الاجتماعى ؟ ازاى اتعافى منه ؟
احسن طريقة للعلاج انك تزور معالج نفسى و تلتزم بالخطه العلاجية ، اما اذا كان فيه اى سبب اياً مما كان يمنعك من زيارة المعالج النفسى فوقتها تبحث و تقرأ عن الرهاب الاجتماعي
كلمة بسيطة يمكن انت مصاب بالرهاب الاجتماعى او اى مشكلة نفسيه تانية و مسبب ليك مشاكل و نفسك تتخطاها فى اسرع وقت و يبقى عحدك اتمام نفسى فحاول انت ميبقاش ليك دور او انك تكون سبب فى انك تصيب حد بالحرج او تتنمر عليه او تسبب ليه باى نوع من أنواع الاذى النفسى مهما كان سنه خصوصاً الاطفال لانهم يستحقوا انهم يكبروا و هما متزنين نفسياً .
