حرب غزه وتداعياتها علي العالم
كونت دي مونت كريستو
صباح الخير.....
🟣 أخبار الكوكب 🟣
واللي لسه نايم ومش متابع اخبار الكوكب...
واللي يا قلب امها صاحية من الفجر علشان تلبس العيال و تودي العيال المدارس ومش متابعه اخبار الكوكب....
فخليني اقولكوا ومطولش عليكوا وقولولي لاء طول....
،♦️ إسرا👽ئيل....
فوسط الدرمغة دي كلها والجيش الإسرا👽ئيلي مش فاهم هيحصل إيه...
هنجتاح ...و لا مش حنجتاح ....
طب حنعرف ... و لا لاء مش هنعرف ولو معرفتش الليلادي.... حاول يمكن ربنا يكرمك وتعرف الليلة اللي جاية ...!!
و اوضاع غريبة محدش فاهملها حاجة....
بس فوسط الدرمغة دي كلها في مظاهرات بالآلاف ف إسرا👽ئيل عند الكنيست ذاته...
قعدت أسأل نفسي هي المظاهرات دي كلها ليه يا كونت....!!
يكونش الشعب هناك بيساند الجيش الإسرا👽ئيلي وكدا فالحرب ....!!!
ممممم او جايز الشعب هناك بيتظاهر بالآلاف ومكسر الدنيا عند الكنيست علشان يعمل تفويض للنتن. ياهوو...!!
قالك لا يا معلم....!!
المظاهرات اللي هناك بتطالب بوقف الحرب ومبادلة نتنياهو بالأسرى اللي عند حما🔥س
اقسم بالله زي مبقولكوا كدا....!!
الشعب الإسرا👽ئيلي بيطالب الكنيست إنه يدي حما🔥س نتنياهو وحما🔥س تديهم الاسرى ...وكدا حيبقا كله متراضي
،♦️ وع الناحية التانية من الكوكب...
،👈روسيا....
المعلم بوتين اللي معلم ع الكوكب كله طلع إمبارح فمؤتمر صحفي وقال...
إن الحصار اللي عملاه إسرا👽ئيل على غزة يشبه الحصار اللي كانت عملاه القوات النا🔥زية على ستلينجراد الروسية...
والحل الوحيد للعالم الواطية دي إنهم ياخدوا بأوسخ جزمة
طبعا التصريح ده خلى الإسرا👽ئيليين لا على حامي ولا على بارد
علشان بوتين شبههم بالنا🔥زية اللي هما أصلا طول عمرهم بيبتزوا العالم بيها
بس هيئة البث العامة ف إسرا👽ئيل اللي هي زي الإذاعة والتلفزيون الرسمي عندنا مسكتتش على الكلام ده وطلعت وقالت....
إن سلوك موسكو وتصريحاتها ضد إسرا👽ئيل لا يتوافق مع خطورة الوضع ....
بصوا هو الصراحة يعني عندهم حق
مهو يعني بعد الوضع .... مممم الإستغفر الله العظيم يعني اللي عملته حما🔥س فيهم مبقاش ليهم عين يتكلموا والنظام هناك بيحاول يداري على الفضيحة اللي لطت تلات اجهزة استخباراتية عندهم وطلعتهم ولمؤاخذة مخروقين
،♦️ وع الناحية التانية من الكوكب...
،👈 الصين...
الصين بقا عملت حركتين اصيع من بعض على المستوى الدولي...
اول حركة عملتها قال إيه رايحة تعمل مناورة مع عمان مخدتش فومين ف ايديها وبعد ما خلصت المناورة بدل ما القطع البحرية ترجع على بحر الصين لا حضرتك دي إتمركزت عند مضيق باب المندب و فالبحر المتوسط وفالمحيط الهندي قرب سواحل إيران وقال إيه..... بتأمن تجارتها
بس مش دي المشكلة حضرتك....!!
المشكلة إن محدش عارف يرصد أماكن القطع دي لحد دلوقتي ولا حد عارف يرصد تحركاتها
هو كل اللي أمريكا عارفاه ان القطع دي مرجعتش الصين..!!
الحركة الصايعة التانية...!!
انه تم تسجيل أسرع وتيرة خروج للصين من السندات الامريكية ف الاربع سنين اللي فاتوا
دا معناه ان الصين بتتخلص من الدولار اللي عندها بسرعة وبتشري ايه بقا....!!!
بتشتري دهب
مش كدا وبس...!!
وأي دولة داخلة معاها فالحزام والطريق بتمول مشاريعها وبتطور موانيها وبتديهم الدولارات اللي هي عايزاها في مقابل الشراكة.... برضوا دي طريقة للتخلص من الإحتياطي الدولاري اللي عندها بس فمشروعات مشتركة
،👈 كمان الخبر الأغرب ف الصين....
ان فوسط المدعكة اللي فالكوكب دي ....
رئيس الصين عزل وزير الدفاع الصيني لي شانغ فو...
حتيجي تقولي وإيه يعني يا كونت الرئيس الصيني يعمل اللي هو عايزة...
حقولك لا معلش الرئيس الصيني كدا غير إتنين وزاراء دفاع فتلات شهور بس
ودا معناه يا إما الصين بتجهز لحاجة كبيرة هتهز الكوكب كله يا إما الجيش الصيني بعيد عنك وعن السامعين مخترق ودي حاجة مستبعدة
،♦️ وع الناحية التانية من الكوكب...
،👈 أمريكا ...
وبعد ما امريكا قالت للنتن ياهووو خش يا معلم بجيشك وأفرم الدنيا وإحنا فضهرك...!!
وكل قواعدنا اللي فالعراق وسوريا وقطر والبحرين والإمارات تحت أمرك
وتووت تووت تووت تووت ..... شد حيلك يا كتكوت
مهي إفتكرت بقا العملية كدا بالساهل ويلااا هوب هووب ... كوب كووب
راحت يا ولداه لقيت كل قواعدها اللي فالعراق وسوريا بتنضرب بالطيارات المسيرة يوميا
مش كدا وبس.... دا حتى حاملات طائراتها كمان انضرب عليها صواريخ اينعم مجتش فيها بس العيار اللي ميصبش يدوش
قااالك ستووووب مستر نتن ياهوو.... بس الإنجليزي يعني
إستنى لما نأمن التوتة علشان شكلها كدا لو العركة قامت مش حنعرف القفا من الشلوت
،♦️ وع الناحية التانية من الكوكب...
🟣 كوكب تحيا مصر 🟣
،🟣 وفكوكب تحيا مصر....
الرئيس السيسي من صباحية ربنا وبعد ما صلى الفجر طلع يشهد تفتيش حرب الفرقة الرابعة بالسويس....!!
إحنا لازم نفهم الاول يعني إيه تفتيش حرب وبعدين إشمعنى الفرقة الرابعة ...!!
تفتيش الحرب دا يا باشا بالبلدي كدا وببساطة يعني للناس العاديين هو إن الفرقة دي بلواءاتها بكتايبها بظباطها بعساكرها بمدافعها بدبابتها بمخازنها وبكل اسلحتها فحالة حرب فاللحظة دي
وكل ظباطها وعساكرها لابسين الخوذة وشدة الحرب كانهم حرفيا فلحظة حرب
مش كدا وبس....!!
دا التفتيش بيكون على مخازن السلاح والذخيرة ومدى جاهزيته للحرب وكمان خطط الإمداد والتموين اثناء الحرب
مش كدا وبس....
وتفتيش على خطط الهجوم والدفاع والتأمين حسب المهام المكلفة بيها
والحرب الإلكترونية ونظم التشويش والدفاع الجوي للفرقة
السؤال هنا بقا....!!
حتقولي إشمعنى الفرقة الرابعة يا كونت...!!
حقولك والله لما كنت بقضي جيشي فالجيش التاني الميداني كانوا ديما بيقولولنا إن لو قامت حرب فسيناء اول فرقة هتخش الحرب فسيناء هي الفرقة الرابعة ومحطوط لها خطط وتمركزات فسيناء ومهام مكلفة بيها اثناء الحرب
مش كدا وبس....!!
انا بس عايز اقولك ان الفرقة الرابعة دي من سنة ٢٠٠٠ وهي كل سنة بتخش فمشروع حرب فسيناء وكأنها فحرب حقيقية مع الجيش الإسرا👽ئيلي
انت متخيل انهم كل سنة بيتدربوا على كدا ...!!
يعني الفرقة دي بظباطها بجنودها حافظين الجيش الإسرا👽ئيلي عن ظهر قلب
والجيش الإسرا👽ئيلي عارف ودرك مدى قوة الفرقة الرابعة وعارف هي تقدر تعمل إيه وعارف هي تقدر توصل لحد فين....!!
وخد بالك من كلمة هما عارفين إنها تقدر توصل لحد فين ....!!
،🟣 كمان فكوكب تحيا مصر...
من يومين كدا الأسرا👽ئيليين دماغهم نونوت وراحت دبابة ضاربة قنبلة على برج مراقبة مصري....!!
فخلال ٨ دقايق ومنغير إحم ولا دستور لقيوا الطيران الحربي المصري والرافال فوق غزة ومكملة لحد غلاف غزة....
راح وزير الدفاع الإسرا👽ئيلي طالع فورا وقال.....
إحنا آسفين يا صلاااح....!!
إنتوا عارفين دا معناه إيه ...!؟؟
هما مغلطوش ولا حاجة ولا القنبلة إنضربت ولمؤاخذة غلط حضرتك...!!
هما بيشوفوا مدى جاهزية الجيش المصري
و الوقت اللي هياخده فالرد عليهم...!!
طبعا ٨ دقايق دا معناه ان الطيارين المصريين بايتين فالطيارات بتاعتهم ومحملة بالصواريخ
فحين لما حما🔥س هجمت على إسرا👽ئيل من إسبوعين الطيران الحربي بتاعهم إتحرك بعد عشر ساعات ...!!
إنت متخيل.... عشر ساعات هلى ما اول طيارة من عندهم طلعت
علشان كدا هما إتخضوا والله
،🟣كوكب تحيا مصر
محمد صلاح .... ابن كوكب تحيا مصر
أنا بس مش مضايقني غير الناس اللي بتقارن بينه وبين محمد ابوتريكة بس مش دي المصيبة....
المصيبة انهم بيحاولوا يقنعوك إن ابوتريكة اعظم واحرف منه...
طب شوف يا سيدي وماسيدك إلا انا....
اللي بيحاول يقارن ابوتريكة ب محمد صلاح
زي بالظبط اللي بيقارن بين التوك توك والطيارة الرافال المصرية
وبيحاول يقنعك ان التوكتوك جامد فورتيكة واجمد من الرافال وطول النهار بيلف الشوارع وفيه كاسيت كمان واغاني مهرجانات و لما بيجري بيتقلب على جمبه ودي ميزة مش موجودة ف الطيارة الرافال ياعم ...
وبعدين التوكتوك ممكن اي حد يركبة عادي حتى اسال القطريين ...
انما الرافال لحد دلوقتي محدش ف العالم مستوعب إمكانيتها....
شوف يا سيدي وما سيدك إلا انا....
كلمني كدا عن إحساسك لما تصحى من النوم وتلاقي كل صحف العالم بتتكلم عنك وكل صورك مالية مواقع الاخبار وكل شعب بريطانيا العظمى مبيقولش غير إيجيبشن كينج..... محمد صلاح ف حتة تانية من الكوكب
كفاية كدا....... وتقعدوا بالعافية
🤍 يديمك 🤍
مش حنفرط ف حبة رمل منها....
عبدالفتاح السيسي
والسلام عليكم ورحمة الله وبركاته
تحيا مصر
تحيا مصر
تحيا مصر
كونت دي مونت كريستو
