قصتي الحقيقة مع غدر الأصدقاء.#قصة خيانة الأصدقاء. الجزء الأول.❤️🩹❤️🩹
المقدمة .
السلام عليكم. النهاردة هكتبلكم عن تجربتي مع غدر الأصدقاء او زي ما بيسموها الصداقة المزيفة. المقالة دي مش زي اي مقالة هحكيلكم عن قصة كدة وخلاص .لاء دي القصة دي انا عشتها وشوفت وجربت كل حاجة فيها ،باختصار يلا نبدأ.
القصة كاملة بأحدثها .
انا اصلا كان عندي اتنين صحاب وكان. بيستاتي وكدا .المهم فضلنا صحاب مع بعض اكتر من 8سنين صداقة .انا عمري 15 يعني احنا كنا مع بعض فترة الابتدائية كلها .وبعد كدة دخلنا علي الإعدادي يعني المرحلة المتوسطة .في الوقت دا كان لسة كل حاجة تمام .لغايت ما واحدة مشيت وراحت صحبت عيال تانية عادي يعني مش اهتمينا ابقي انا والبيست التانية بس قولنا عادي وكدا .بعد كدة حصلت حاجة انا ذات نفسي مش كنت متوقعاها .
حاجة عمري ما كنت متوقعها .😓
بعدين لقت فجاءة بنت جت وقالتلي ان هي بقت البيست الجديدة لهالة .هالة دي الي هي البيست الي انا قولتلكم عليها . المهم انا مش اهتميت وقلت عادي يعني بنت جديدة هتكون معانا اية المشكلة يعني .وهالة قالتلي ان البت اتحيلت عليها وكدة .وفي الوقت دا كانت هالة عاملة رمز الصداقة يعني احنا الثلاثة كنا لابسين خاتم وسلسة زي بعض .وبعدين وقعت في أكبر فخ في حياتي
وقعت في أكبر فخ في حياتي 😓..
وبعدين البنت الجديدة دي فضلت تقولي كلام وحش عن هالة .وزي ما انتو ماعارفين هالة دي البيست فكنت دايما بدافع عنها .فقولت لهالة ان البنت دي اكييد عايزة توقع مابنا لكن هالة مش ردت عليا ومش اهتمت للموضوع لاء وبالعكس كانت بتحب البنت .المهم البنت دي دخلت علي هالة واتخانقو علي الواتس اب .في الاخر هالة قالتلي ان احنا الاتنين هنعمل بلوك للبنت دي وفعلا انا وهي عملنا بلوك بس مش دي المشكلة .المشكلة هي ان بعد يومين اتفاجئ انا ان هالة شالت البلوك من البنت وبيتكلم مع بعض لاء ودا كمان بعد كل دا تطلعني انا الي وحشة وانا الي كنت بوقع ما بنهم وغيرانة من البنت .شفتو ياجدعان الكلام والكلام دا هالة قالت لكل الفصل والكل بدأ يبص عليا بقرف وكدا وبدأت يتجهالوني كمان .
مع اني اصلا 🥺.
كنت بعامل البيست هالة دي بأفضل معاملة دا انا كنت لما بشوفها زعلانة او كد اروح اسئلها واقعد معاها حتي لو مكناش فاضية وكنت الصراحة بحبها جدا .وكنت بعاملها بأحسن وأفضل معاملة .وكنت بقعد معاها اكتر ما بقعد مع اختي تتخيلو كدا وكنت بكتب في دفتر ذكرياتي كل حاجة بتحصل معايا .
نرجع لموضعنا .😓
وبعد ما بدأ ان مفيش اي حد بيكلمني وكدا .مكنتش فارقة معايا .وحاولت استمر لوحدي وخلاص .لكن المشكلة انهم بداو يضايقوني مش سابوني كدة وخلاص لاء كلام بيتقال قدامي ولما قررت اني انقل من الفصل وكدا نقلت هالة قبلي بيوم واول ماروحت الفصل الجديد قالتلي ان مفيش مكان وكمان مفيش اي حد بيحبني ولا كمان مرحب بيا وكان واقف معاها بنتين بيأمنو علي الي هي تقولة .
حالة الاكتئاب الي انا كنت بمر بيها .
انا عاوزة اقولكم ان في نفس السنة دي مات حد من عائلتي وكان قريب مني جدا😭 .وبعد الي حصل قولت لماما عليهم قالتلي ان عادي يعني مش لازم صحاب وكدة .قولت انا كمان عادي لاكن ياجماعة المشكلة انك اكيد لو كنت مكاني هتزعل .😓ودا غير الي انا كان عمري في الوقت دا 13سنة بس . وبعدين بداو يغيرو مني يعني يقولولي انتي لو حتي شكلك حلو فأحنا اجمل منك وكانو دايما بيقولو مفيش حد هيحبك ولا هيصحبك والغيرة دي كانت بسبب ان في ولد عندنا في الدرس جميل وكدا فالولد دا قال عني اني اجمل بنت فاهمين فهما كانو بيحبو وكدا .فبدات المشاكل من هنا .الي ليها واحد بتحبة ويسألها علي رقمي تزعل وتكون عاوزة تعمل اي حاجة فكلهم كانو بيقلدوني وبيتنمرو علي اي حاجة كنت بعملها حتي لو كانت حلوة .
اية السر وراء حساب الانستجرام بتاعي 🥺
ومن ساعتها وانا كنت زعلانة .مش زعلانة ان هيا سابتني لاء كنت زعلانة علي وقتي وعلي نفسي الي انا دمرتها علشان واحدة مش تستاهل ولا صحاب يستهلو ودا غير الي انا كنت مدياها أكبر من مقامها بكثييير. فكان كل حساب الانستا بتاعي كلو حالات حزينة صور حزينة كلو كان حزين حرفيا مكنش فية اي كلمة سعيدة خالص طب وقصة صحابك وقفت لغايت هنا كدا وخلاص.
هقولك لاء دا لسة في احداث تانية ودا غير اهلي …….
#يتبع الجزء الثاني.
