عودة الحياة قصائد شعرية فصحى وعامية

عودة الحياة 
*********
مابال ارضك صحراء قاحلة ....
اجفت امطار عينيك 
وبات الشجر والحجر محترق...
احرقت شعورك بيديك 
ردمت البئر وكسوته رملا....
اخنقت قلبك بين كفيك
اعجبت  يوما كان اخضر ...
والان رميته تحت قدميك

دع عنك يأس المرارة والأسى...
وافتح أبواب السعد بذراعيك
اسقى روحك ماء الحياة
لتعود الورود لوجنتيك
اهجر ربوع القانتين والجفا ...
وارتقى فى السماء بجناحيك
سل أهل الهوى مابالكم
انى أرى نورا بناضريك
اسبح فى حوض الراضين حبا...
وارتشف العسل على شفتيك
ازرع بذور الحب واسقها حنان....
تزهر رحمة فى جانبيك
عيش الحياة حلوها ومرها
وتخير طريق نجديك 
ارمى حمولك على خالقك....
ونم قرير العين ملىء جفنيك ....
************************

قصيدة فى غياهب الجب 
"""""""""""""""""""'"'"""""'""'''
فى غياهب الجب ..
ألقونى
ورقصوا على صراخ ..
ألحانى
عوالم من الظلم..
كذبا 
ك ذئب يوسف ..
وما كان الجانى
تعالت راياتهم..
فوق رؤوسهم
وحطموا قلاعى ..
واحتلوا مكانى
وسفينتى أحرقوا ..
شراعها 
تتقاذفها امواج ..
البحر القانى 
وعزيز راق قلبه..
تلقفنى 
من بئر الغدر  ..
والزمان 
ترى مانفع ضرهم ..
وجحودهم 
وفى الكنانة مجدى..
وسلطانى
طويت صفحات غدرهم..
بيدى 
ولم أعن لها بالا ..
ونسيت احزانى
ما ذنبى إن فاق حبى..
 حبهم 
وذنبهم قسوة فاق ...
كل عصيان 
دعوت ربى نسيانهم ..
وغفرانا 
سلام عليك يا قلبى ..
الحانى
********************"

قصيدة لساتك مستنية
""""""""""""""""""""""""'

لساتك مستنية 
بعد غيابه الطويل
لساتك مستنية 
والليل أطول بكتير 
سايب ليك ورقة مكتوب فيها كلام 
مش حديث وغرام
دى حاجات محتاجة تفسير 
والوعد اللى قاله  حالف مايخلف 
ومين كان يدرا  بالقدر والمصير 
سابك وقلبه متشعلق فيك 
وعارف أنه عمره مانسيك 
وراجع ليوم يلاقى 
أنت زى ما أنت مافيش تغيير 
فى الغربة شاف أوجاع 
مرمطة وخوف وجاع 
لاجل يجيب ليك 
أساور ذهب وحرير 
لساتك مستنية
وعندك أمل يوم رجوع 
ويوم اللقا يوم ممنوع 
لا سؤال فيه ولا تبرير 
لساتك مستنية
حطى الحنة فى أيديك 
والبسى خلاخيل فى رجليك 
وعدى على دخان التبخير 
لساتك مستنية
افتحى مكتوبه واقريه 
كاتب كلام كله حنية 
عارف أنك مستنية 
حبيبتي الغالية 
بعد التحية والتقدير 
فى يوم راجع ليك 
راهن حياتى فدا عينيك 
غصب عنى كان فراقنا 
ذنب قلبى لما حبك 
حب قلبك من غير تفكير 
صدقيني غيابى مش حيطول 
راجع راجع ياحبى الاول 
ياكل العمر ياحبى الاخير
************************

قصيدة خلصت الحكاية 
"""""""""""""""""""""""""

مابقاش في كلام  وخلصت الحكايات 
وتاهت السكة فى زنقة البنايات 
بطلت استنى طلوع الشمس
ولا النهار له عندى امل 
وبين حيطان البيت يطول الأجل  
ويعدى النهار لابأيدى ولا رجلى 
وبراد الشاى  على النار يغلى 
لاطعم ولا ريحة لحتة البسكوتة
وقطتى ورايا تنونو على  فتفوتة 
والكرسي الهزاز اشتكى قعدتى 
حتى كتابى اللى كان سلوتى 
واقفة على الشباك اشوف الناس 
يمكن يعدى صدفة ويصحى الاحساس 
وأهى ليلت والقمر غايب 
حتى سماكى  مافيهاش حبايب 
وأرجع أتوه تانى فى ذكرياتى
وادعبس فى ذكرى تصحى اهاتى 
عايزة أعيش من تانى حياة 
عايزة أيد ترمى طوق نجاة 
واتشعبط من تانى على سلم الأحلام 
ولو قالولى كتير عليك العيش في الأوهام 
أقول سيبونى أدور على فاتنى
حاجات منسية رمتها ورمتنى
مش دى صورتى وأنا صغيرة 
إيه اللى غير ملامحى
سنين كتير فاتت معفرة
وترابها غطى حتى جوراحى 
العمر عدى وفات 
فيها اللى غاب وفيها اللى مات 
وايش اعوز من دنيتى 
وهى غايبة فرحتى 
لادموع ترجع الحبايب 
ولا ضحكة تمسح دمعتى 
وبعد الليل والسهر والنوم مجافى 
يطلع نهار جديد 
فينك يا بوسي ياقطتى 
صباحو قشطة وسعيد 
أنت فى ملكوتك عايشة تتنططى
ولا على بالك وحدتى 
وكباية الشاى والبسكوتة 
أقعد أكمل قصتى 
واسرح من تانى فى دنيا جديدة 
البطلة فيها بنت سعيدة 
تستنى حبيب وفستان الفرح 
وشمس فى السما عليهم تنور 
قلوبهم خضرا مطلهاش الجرح
وكاميرات حواليهم تصور 
واقفل كتابى واشيل القلم 
واانسي معاهم بعض الالم 
الدنيا مابين كده وكده 
ناس فرحانة وناس تآسى 
وناس مين فاكرها
ومين راح وناسي 
وناس متشخبطة قلوبها ملغبطة
وحكاوى كتير من ده و ده

بقلم ✍️ايمان جمعة 🦋💙